IPL 2021: ધોનીએ આજે આ ભૂલનું પુનરાવર્તન કર્યુ તો લાગી શકે છે એક મેચનો પ્રતિબંધ

IPL 2021માં આજે શુક્રવારે ચેન્નાઈ સુપર કિંગ્સ અને પંજાબ કિંગ્સ (Chennai Super Kings vs Punjab Kings) વચ્ચે ટક્કર જામનારી છે. મહેન્દ્ર સિંહ ધોની (MS Dhoni)ની કેપ્ટનશીપમાં ચેન્નાઈ સુપર કિંગ્સ સિઝનની પ્રથમ મેચ દિલ્હી કેપિટલ્સ (Delhi Capitals) સામે હારી ચુક્યુ હતુ. જે મેચમાં ચેન્નાઈની ટીમે દિલ્હી સામે 7 વિકેટથી હાર સહન કરવી પડી હતી. આ મેચમાં સ્લો ઓવર રેટ માટે ચેન્નાઈ સુપર કિંગ્સને દંડ પણ ફટકારાયો હતો. આ કારણે ધોનીએ 12 લાખ રુપિયાનો દંડ પણ વેઠવો પડ્યો હતો.

પંજાબ કિંગ્સ સામે મેચમાં ધોનીએ હવે સતર્ક રહેવુ પડશે. જો ધોની આ મેચમાં પણ ધીમી ગતીથી બોલીંગ કરાવશે તો તેની પર આગળ જતાં એક મેચનો પ્રતિબંધ પણ લાગી શકે છે. એમએસ ધોનીએ આઈપીએલ 2020 બાદ સીધી આઈપીએલ 2021માં ક્રિકેટ રમી છે. આ બંને સિઝન દરમ્યાન તે કોઈ જ પ્રોફેશનલ ક્રિકેટ ટુર્નામેન્ટ નથી રમ્યો. આઈપીએલ 2020ની સિઝન તેના માટે ખૂબ જ ખરાબ નિવડી હતી. ધોનીની ટીમ પ્લેઓફમાં પણ સ્થાન બનાવી શકવામાં સફળ રહી શકી નહોતી.

બીસીસીઆઈએ આઈપીએલ 2021ની સિઝન શરુ થવા પહેલા જ જાણકારી આપી હતી કે કેટલા સમયમાં ઈનીંગ ખતમ કરવી પડશે. જે મુજબ કોઈપણ ટીમે એક ઈનીંગ 90 મિનિટમાં ખતમ કરવાની છે. જેનો મતલબ એ છે કે, બોલીંગ ટીમે 20 ઓવર 90 મિનિટમાં જ કરી દેવી પડશે. આમ ના કરવા પર 12 લાખ રુપિયાનો કેપ્ટન પર દંડ લાગી શકે છે.

આ પણ વાંચો: PBKS vs CSK Live Score, IPL 2021: ટોસ જીત્યા બાદ એમએસ ધોનીએ બોલિંગની પસંદગી કરી, પંજાબ કિંગ્સ કરશે બેટિંગ