IPL 2021: હાર્દિક અને કૃણાલ પંડ્યાએ નતાશા અને પંખૂરી સાથે મળીને કર્યો ડાન્સ, વીડિયો કર્યો Share

ઈન્ડીયન પ્રિમિયર લીગ 2021 (IPL 2021)ની ઓપનીંગ મેચ હારવા બાદ મુંબઈ ઈન્ડીયન્સ (Mumbai Indians)એ જબરદસ્ત વાપસી કરીને સળંગ બે મેચ પોતાના નામે કરી લીધી હતી. રવિવારે આઈપીએલ 2021ની બે મેચ રમાઈ હતી. જોકે મુંબઈ ઈન્ડીયન્સની ટીમ માટે રવિવાર રેસ્ટ ડે હતો. ટીમના ખેલાડી હાર્દિક પંડ્યા (Hardik Pandya) અને કૃણાલ પંડ્યા (Krunal Pandya)એ રેસ્ટ ડે પર પુરો એન્જોય કર્યો હતો. કોવિડ 19 મહામારીને લઈને આઈપીએલ મેચ ખાલી સ્ટેડિયમમાં રમાડવામાં આવી રહી છે.

સાથે જ તમામ ખેલાડીઓને પણ બાયોબબલમાં રહેવા મજબૂર બની રહેવુ પડ્યુ છે. આ દરમ્યાન અનેક ખેલાડીઓના પરિવાર પણ બાયોબબલમાં તેમની સાથે રહે છે. હાર્દિક પંડ્યા અને કૃણાલ પંડ્યા પણ પોત પોતાની પત્ની સાથે બાયોબબલમાં રહી રહ્યા છે. હાર્દિક પંડ્યાએ ઈન્સ્ટાગ્રામ પર એક વીડિયો શેર કર્યો હતો, જેમાં તે નતાશા (Natasa Stankovic)ની સાથે કૃણાલ પંડ્યા અને તેની પત્ની પંખુરી સાથે મસ્ત ડાન્સ કરી રહ્યા છે.

આ ચારેય લોકોએ મળીને કેનેડિયન સિંગર જસ્ટીન બીબર (Justin Bieber)ના ગીત પર ડાન્સ કર્યો હતો. આ દરમ્યાન ચારેય જણાએ સ્માઈલી ટી શર્ટ પહેરી હતી. હાર્દિક અને કૃણાલ પંડ્યાની ટી શર્ટ તો બિલકુલ એક જેવી જ છે. જ્યારે નતાાશાએ બ્લેક અને પંખૂરીએ બ્લુ ટી શર્ટ પહેરી હતી.

મુંબઈ ઈન્ડીયન્સ માટે હાર્દિક પંડ્યા અને કૃણાલ પંડ્યાએ અત્યાર સુધી સિઝનમાં સારુ પ્રદર્શન કર્યુ છે. મુંબઈ ઈન્ડીયન્સ આઈપીએલના ઈતિહાસની સૌથી સફળ ટીમ છે. આ ટીમે અત્યાર સુધીમાં સૌથી વધુ પાંચ વખત ટાઈટલ જીત્યા છે. મુંબઈએ તેની આગામી મેચ મંગળવારે દિલ્હી કેપિટલ્સ સામે રમવાની છે.

આ પણ વાંચો: IPL 2021: ચેન્નાઈ સામે મેદાને ઉતરનારા રાજસ્થાનને બોલીંગ આક્રમણની સમસ્યા, સ્ટોક્સ અને જોફ્રાની પણ ખોટ