IPL 2021: દિલ્હીને હરાવીને બેંગ્લોર પોઇન્ટ ટેબલ પર ટોપ પર, દિલ્હી ત્રીજા સ્થાને સરક્યુ

આઇપીએલ 2021 માં મંગળવારે નરેન્દ્ર મોદી સ્ટેડિયમ (Narendra Modi Stadium) અમદાવાદ ખાતે રોયલ ચેલેન્જર્સ બેંગ્લોર (Royal Challengers Bangalore) અને દિલ્હી કેપિટલ્સ (Delhi Capitals) વચ્ચે મેચ રમાઇ હતી. જે મેચ અંતિમ બોલ સુધી રોમાંચકતા સાથે રમાઇ હતી. જેમાં અંતે એક રને દિલ્હી એ બેંગ્લોર સામે હારવુ પડ્યુ હતુ. દિલ્હીને હરાવવા સાથે જ બેંગ્લોર પોઇન્ટ ટેબલમાં પ્રથમ સ્થાન પર પહોંચી ગયુ હતુ. RCB એ તેને છ મેચોમાંથી આ પાંચમી જીત હાંસલ કરી હતી. આમ તેણે સિઝનમાં માત્ર એક જ મેચ હારી છે. ચેન્નાઇ સુપર કિંગ્સ એ બેંગ્લોરને 69 રને હરાવ્યુ હતુ. ત્યાર બાદ હવે ફરી થી બેંગ્લોરે જીત મેળવી છે.

દિલ્હી કેપિટલ્સ ત્રીજા નંબર પર સરકી ગઇ છે, તો ચેન્નાઇની ટીમ બીજા સ્થાન પર આવી ગઇ છે, જે અગાઉ પ્રથમ સ્થાન પર હતી. બેંગ્લોર અને દિલ્હી વચ્ચેની મેચની હારજીતને લઇને પોઇન્ટ ટેબલના ટોચના ત્રણ સ્થાનોમાં ફેરફાર સર્જાયો છે. જોકે બાકીની પાંચ ટીમો તેમના સ્થાન પર યથાવત છે.