IPL 2020: દિલ્હી કેપીટલ ટીમને મેચ પહેલા ઝટકો, ટીમનો આસિસ્ટન્ટ ફિઝીયોથેરાપિસ્ટ કોરોના પોઝિટીવ

 જોકે તેઓ ફરજિયાત ક્વોરેન્ટાઇનમાંથી પસાર થઈ રહ્યા હતા. તેમને દુબઇ આવ્યા બાદ પ્રથમ બે કોરોના સંબંધીત ટેસ્ટ નેગેટીવ આવ્યા હતા, પરંતુ ત્રીજા ટેસ્ટ વખતે તેઓ પોઝિટીવ હોવાનુ સામે આવ્યુ છે. ચિંતાજનક સમાચાર દરમિયાન રાહતની વાત એ પણ છે કે સહાયક ફિઝીયોથેરાપિસ્ટ કોઈના સંપર્કમાં આવ્યા નહોતા.

નિવેદનમાં એમ પણ કહેવામાં આવ્યું છે કે, “તે હજી ખેલાડીઓની મુલાકાત લેવાના હતા, પરંતુ એ પહેલા જ તેઓનો ટેસ્ટ કરવામાં આવતા રીપોર્ટ સામે આવી ચુક્યો હતો. આમ તેઓ કોઈ પણ ખેલાડી અથવા સ્ટાફ સાથે સંપર્કમાં આવ્યો નહતો.”  રીપોર્ટ બાદ તેઓ તુરત અલગ થઈ ગયા છે, અને તે હાલમાં દુબઈમાં આઈપીએલની ઉભી કરાયેલી વ્યવસ્થા મુજબ આઇસોલેશન હેઠળ છે અને આવનારા 14 દિવસ અહીં રોકાશે.  દિલ્હી કેપિટલ્સ ટીમમાં જોડાવા માટે બે કોવિડ-19 ટેસ્ટ રિપોર્ટ નેગેટિવ હોવા જોઈએ. તેમની સાથે  ફ્રેન્ચાઇઝીની તબીબી ટીમ સતત સંપર્કમાં છે. ”

આ પહેલા પણ ચેન્નઈ સુપર કિંગ્સના 13 સભ્ય અને બે ખેલાડીઓ કોરોના પોઝિટીવ થયા હતા. કોરોના મહામારીને લઇને, આ વખતે ભારતની જગ્યાએ યુએઈમાં આઇપીએલ યોજવામાં આવી રહી છે. આઈપીએલ 2020 માં 8 ટીમો વચ્ચે કુલ 60 મેચ રમાનારી છે.