આજે ICCની યોજાશે મોટી બેઠક, ટી-20 વિશ્વ કપ સહિત ઘણા મોટા મુદ્દાઓ પર થશે નિર્ણય

ઈન્ટરનેશનલ ક્રિકેટ કાઉન્સિલ (ICC)ની આજે યોજાનારી બેઠકમાં ઘણા મુખ્ય મુદ્દાઓ પર નિર્ણય લેવામાં આવશે. તેમાં વર્ષના અંતમાં ઓસ્ટ્રેલિયામાં પ્રસ્તાવિત ટી-20 વિશ્વ કપના ભવિષ્ય પર પણ નિર્ણય થશે. તે સિવાય બોર્ડના આગામી ચેરમેનને લઈને પણ વાતચીત થશે. ટી-20 વિશ્વ કપના આયોજન પર દરેક લોકોની નજર એટલા માટે છે કારણ કે જો ટી-20 વિશ્વ કપ યોજાશે નહીં તો તે દરમિયાન IPLના આયોજન પર વાતચીત ચાલી રહી છે. કોરોનાના કારણે IPL હાલમાં અનિશ્ચિતકાળ માટે ટાળવામાં આવી છે.

તે સિવાય એ વિચાર પણ થઈ શકે છે જો ઓસ્ટ્રેલિયા, ભારતને મળેલી 2021 ટી-20 વિશ્વ કપની મેજબાનીને 2022 સુધી ટાળવાની ભલામણ કરે છે તો BCCI શું કરશે? BCCIએ સાફ કર્યુ છે કે પહેલા 2020 ટી-20ના ભવિષ્ય પર ICCના નિર્ણયની રાહ જોવાશે.

ત્યારબાદ પણ આગળનો રસ્તો નક્કી કરવામાં આવશે. આ મુદ્દાઓ સિવાય 2021માં ભારતમાં પ્રસ્તાવિત ટી-20 વિશ્વ કપના ટેક્સનો મુદ્દો પણ ચર્ચામાં આવશે. BCCI પહેલા જ 2016 ટી-20 વિશ્વ કપથી જોડાયેલી 23.7 મિલિયન ડોલરની લડાઈ લડી રહ્યા છે. ICCની બેઠક પર એટલા માટે પણ નજર રહેશે કારણ કે હાલના ચેરમેન શશાંક મનોહરનો કાર્યકાળ ખત્મ થઈ રહ્યો છે. ત્યારે જોવાનું રહેશે કે બુધવારની બેઠકમાં આગામી ચેરમેન માટે નામાંકન પ્રક્રિયાની શરૂઆત કરવામાં આવશે કે નહીં.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]