T20 WC Breaking: ભારતે રચ્યો ઈતિહાસ! દુનિયાની પહેલી ટીમ બની જેણે ફટકાર્યા…..
ક્રિકેટ ઈતિહાસમાં પહેલીવાર! ભારતે T20I માં સૌથી વધુ છગ્ગા મારવાનો વર્લ્ડ રેકોર્ડ તોડી નાખ્યો છે. સેમીફાઈનલમાં સંજુ સેમસનની તોફાની બેટિંગ જોઈને આખું સ્ટેડિયમ ડોલી ઉઠ્યું. જાણો કયા ખેલાડીએ કેટલા સિક્સર ફટકાર્યા અને કેવી રીતે રોહિત શર્માનો રેકોર્ડ તૂટ્યો
ભારતીય પુરુષ ક્રિકેટ ટીમે ગુરુવારે એવો પરાક્રમ કરી બતાવ્યો છે, જેનાથી આખું વિશ્વ દંગ રહી ગયું છે. ટી-20 વર્લ્ડ કપ 2026માં ભારતે દુનિયાની નંબર 1 ટીમ બનવાનું ગૌરવ હાંસલ કર્યું છે, પણ આ જીત રનની નથી, કંઈક અલગ જ છે.
શું તમે કલ્પના કરી શકો છો કે એક જ ટૂર્નામેન્ટમાં કોઈ ટીમ આટલા બધા સિક્સર ફટકારી શકે? ભારતીય બેટ્સમેનોએ અત્યાર સુધીમાં કુલ 88 છગ્ગા ફટકારીને વર્લ્ડ રેકોર્ડ પોતાના નામે કરી લીધો છે.
અત્યાર સુધી આ રેકોર્ડ બલ્ગેરિયાના નામે હતો, જેમણે 2025માં 78 છગ્ગા માર્યા હતા. પરંતુ રોહિતના આક્રમક વારસાને સંજુ અને શિવમની જોડીએ નવી ઊંચાઈ પર પહોંચાડી દીધો છે.
માત્ર 4 મેચમાં 16 છગ્ગા! સંજુએ મુંબઈના વાનખેડે સ્ટેડિયમમાં રમાયેલી સેમીફાઈનલમાં એવી બેટિંગ કરી કે વિરોધી ટીમના બોલરો રડવા જેવી હાલતમાં મુકાઈ ગયા હતા.
જે રેકોર્ડ 'હિટમેન' રોહિત શર્માએ 2024માં બનાવ્યો હતો, તેને સંજુ સેમસને પળવારમાં તોડી નાખ્યો છે. ભારતીય બેટિંગ લાઈનઅપ હવે પાવર હિટિંગનું નવું મથક બની ગયું છે.
માત્ર ટોપ ઓર્ડર જ નહીં, હાર્દિક પંડયા અને ઈશાન કિશને પણ 14-14 છગ્ગા ફટકારીને આ વર્લ્ડ રેકોર્ડ બનાવવામાં પાયાની ભૂમિકા ભજવી છે. સાતમા નંબર સુધીના ખેલાડીઓ સિક્સર કિંગ સાબિત થઈ રહ્યા છે.
ભારત અને બલ્ગેરિયા પછી વેસ્ટ ઈન્ડિઝ (76) અને દક્ષિણ આફ્રિકા (72) જેવી જાયન્ટ ટીમો પણ ભારતની આ વિસ્ફોટક બેટિંગ સામે વામણી સાબિત થઈ રહી છે.
ભારતનો આ રેકોર્ડ માત્ર આંકડા નથી, પણ આગામી ફાઈનલ માટે વિરોધી ટીમને આપેલી એક ખુલ્લી ચેતવણી છે. શું કોઈ ટીમ ભારતની આ 'સિક્સર મશીન' ને રોકી શકશે?
