IND vs ENG: વિરાટ કોહલી RCB માટે ઓપનીંગ બેટીંગ કરશે, ટીમના ઓપરેશન ડાયરેક્ટરે કહ્યુ પહેલેથી જ નક્કી

ભારત અને ઇંગ્લેંડ (India vs England) વચ્ચેની T20 શ્રેણીની પાંચમી મેચ નિર્ણાયક હતી. જેને લઇને બંને ટીમો કમર કસીને મેદાને ઉતરી હતી. ભારતીય ટીમ (Team India) તરફથી પણ મોટો અને આશ્વર્ય ભર્યો સફળ ફેરફાર ઓપનીંગને લઇને કરવામાં આવ્યો હતો. કેએલ રાહુલ (KL Rahul) ના સ્થાને વિરાટ કોહલી (Virat Kohli) ઓપનીંગ માટે આવ્યો હતો. જેમાં ટીમે સફળતા હાંસલ કરી હતી. કોહલી એ જીત માટેનો મહત્વનો પાયો પોતાની ઓપનીંગ રમત વડે નાંખ્યો હતો. દરમ્યાન રોયલ ચેલેન્જર્સ બેંગ્લોર (Royal Challengers Bangalore) ના ડાયરેક્ટર ઓફ ઓપરેશન માઇક હસન (Mike Hesson) એ બતાવ્યુ હતુ કે, વિરાટ કોહલી IPL 2021 માં ઓપનિંગ કરવાને લઇને ચર્ચા ઓકશન પહેલા જ કરી હતી. કોહલીના ઓપનીંગ કરવાના નિર્ણયથી અમને કોઇ આશ્વર્ય થયુ નહોતુ. વિરાટે પણ કહ્યુ હતુ કે તે આઇપીએલ 2021 માં પણ બેંગ્લોર તરફથી ઓપનીંગ કરશે.

RCB ના શો દરમ્યાન પર વાત કરતા માઇક હસને કહ્યુ હતુ કે, આ વાતને લઇને અમે આઇપીએલ ઓકશન પહેલા જ ચર્ચા કરી હતી. કારણ કે અમારો ઓકશન પ્લાનીંગનો હિસ્સો હતો. જેના મુજબ અમારે લાઇન અપ તૈયાર કરવાનો વિચાર કરવાનો હતો. આમ તે મારા માટે સહેજ પણ સરપ્રાઇઝ રુપ નહોતુ. હું ખુશ છુ કે, તેણે ઇન્ડીયા માટે ઓપનીંગ કરવાનો મોકો મળ્યો અને તેણે એ પણ દર્શાવી દીધુ કે તે શુ કરવાની કાબેલિયત ધરાવે છે. અમને કદાચ આ અંગે ખ્યાલ હતો, પરંતુ બાકી સૌના માટે આ એ એક રિમાઇન્ડર હતુ. પાછળની સિઝનમાં આરસીબી માટે ટીમની ઓપનીગ આરોન ફિંચ અને દેવદત્ત પડિક્કલ એ કરી હતી. જોકે ફિંચ પોતાના નામ પ્રમાણે પ્રદર્શન કરી શક્યો નહોતો.

દેવદત્ત પડીક્કલ ની સાથે વિરાટ કોહલી એ ઓપનીંગ કરવાને લઇને હસન એ કહ્યુ હતુ કે, હું વિરાટ અને પડીક્કલને ટીમ માટે ઓપનીંગ કરતો જોવા ઇચ્છુ છુ. આપને ખ્યાલ છે કે, લેફ્ટ-રાઇટ કોમ્બિનેશન, અલગ પ્રકારના ખેલાડી અને અમને ખ્યાલ છે કે વિરાટનો રેકોર્ડ, જ્યારે પાવર પ્લે પાર કરી લે છે તો તે લાજવાબ રહે છે. જો તે ટોપ ઓર્ડરમાં બેટીંગ કરશે તો એનાથી ટીમનુ લાઇનઅપ કંઇક અલગ જોવા મળશે. યુએઇમાં રમાયેલી આઇપીએલ સિઝનમાં RCB ની ટીમનુ પ્રદર્શન સારુ રહ્યુ હતુ. ટીમ પ્લેઓફમાં પોતાનુ સ્થાન બનાવવા સફળ રહી હતી. જોકે એલિમિનેટર મેચમાં ટીમને સનરાઇઝર્સ હૈદરાબાદ (Sunrisers Hyderabad) ની સામે હારનો સામનો કરવો પડ્યો હતો.