IND vs ENG: ટીમ ઇન્ડીયાને સપોર્ટ કરવા પહોંચી ક્યુટ સમર્થક, BCCIએ ફોટો કર્યો શેર

IND vs ENG: ટીમ ઇન્ડીયાને સપોર્ટ કરવા પહોંચી ક્યુટ સમર્થક, BCCIએ ફોટો કર્યો શેર
રિતિકા અને તેની પુત્રી સમાયરાના સુંદર ફોટોને ટ્વીટર હેંડલ પર શેર કરી હતી.

ભારત અને ઇંગ્લેંડ (India vs England) વચ્ચેની ટેસ્ટ શ્રેણીની પ્રથમ મેચ હાલમાં ચેન્નાઇમાં રમાઇ રહી છે. ટેસ્ટ મેચના ત્રીજા દીવસની રમત પણ ઇંગ્લેંડના નામે જ રહી હતી.

Avnish Goswami

| Edited By: Utpal Patel

Feb 07, 2021 | 11:19 PM

ભારત અને ઇંગ્લેંડ (India vs England) વચ્ચેની ટેસ્ટ શ્રેણીની પ્રથમ મેચ હાલમાં ચેન્નાઇ માં રમાઇ રહી છે. ટેસ્ટ મેચના ત્રીજા દીવસની રમત પણ ઇંગ્લેંડના નામે જ રહી હતી. પ્રથમ પારીમાં 578 રન બનાવ્યા હતા. હવે વારો ભારતનો બેટીંગ કરવાનો હતો. જેમાં ભારતના છ બેટ્સમેનોએ ત્રીજા દિવસની રમતના અંત સુધીમાં વિકેટો ગુમાવી દીધી હતી. જોકે આ દરમ્યાન રોહિત શર્મા (Rohit Sharma) ની પત્નિ રિતિકા શર્મા (Ritika Sharma) પણ પોતાની પુત્રી સાથે સ્ટેડિયમમાં ટીમ ઇન્ડીયા (Team India) ને ચિયર કરવા માટે પહોંચી હતી. ક્યુટ પુત્રી સાથેના ફોટોને BCCI એ પણ નાનકડી ક્યુટ સપોર્ટર કહી ટ્વીટ પોષ્ટ કરી હતી.

BCCI એ રોહિત શર્માની પત્નિ રિતિકા અને તેની પુત્રી સમાયરાના સુંદર ફોટોને ટ્વીટર હેંડલ પર શેર કરી હતી. સાથે જ BCCI એ કેપ્શન લખી હતી કે, હેલો કહો અમારી ક્યુટ સમર્થકને. બતાવી દઇએ કે રોહિત શર્મા હાલમાં પોતાની ફેમીલી સાથે ચેન્નાઇમાં રોકાયેલ છે. રોહિત સાથે તેની પત્નિ અને પુત્રી પણ ક્વોરન્ટાઇન સમય પુરો કરી ચુક્યા છે. જોકે રોહિત શર્મા પ્રથમ ઇનીંગ દરમ્યાન કંઇક ખાસ કરી શક્યો નહોતો. તે માત્ર 6 રન બનાવીને જ જોફ્રા આર્ચરના બોલ પર આઉટ થઇ ગયો હતો. ભારતીય ટીમ એ ત્રીજા દીવસની રમતના અંત સુધીમાં 6 વિકેટ ગુમાવીને 257 રન જોડ્યા હતા. હવે ટીમ પર ફોલોઓનનો પણ ખતરો મંડરાવવા લાગ્યો છે.

ઇંગ્લેંડ તરફથી ડોમિનિક બેઝએ શાનદાર બોલીંગ કરી હતી. તેણે ચાર ભારતીય બેટ્સમેનોને પેવેલિયન પરત મોકલ્યા હતા. બેઝ એ મેચમા તેની પ્રથમ વિકેટ વિરાટ કોહલીના રુપમાં ઝડપી હતી. ત્યાર બાદ અજીંક્ય રહાણેને પણ આગળની જ ઓવરમાં આઉટ કરી દીધો હતો. પુજારા અને પંતના વચ્ચેની ભાગીદારીને પણ બેઝ એ તોડી હતી. આ પહેલા ભારત તરફથી જસપ્રિત બુમરાહ અને અશ્વિનએ ત્રણ ત્રણ વિકેટ ઝડપી હતી.

Follow us on

Related Stories

Most Read Stories

Click on your DTH Provider to Add TV9 Gujarati