IND vs ENG: અશ્વિનની જબરદસ્ત બેટીંગથી ભારત મજબૂત સ્થિતીમાં, અશ્વિને ફટકારી શાનદાર સદી

ટીમ ઇન્ડીયા (Team India) ના ઓલરાઉન્ડર રવિચંદ્રન અશ્વિન (R Ashwin) એ ચેન્નાઇ ટેસ્ટ (Chennai Test) ના ત્રીજા દિવસે શાનદાર શતક લગાવ્યુ હતુ. પોતાના ઘરેલુ મેદાનમાં રમી રહેલા અશ્વિન એ એક વર્ષ બાદ દર્શકોની સ્ટેડીયમની હાજરીને જાણે શાનદાર રીતે શતક થી સ્વાગત કર્યુ હતુ. ટેસ્ટ ક્રિકેટમાં અશ્વિને પાંચમુ શતક લગાવ્યુ હતુ. ચેન્નાઇના મેદાન પર આ તેનુ પ્રથમ શતક છે. અશ્વિન એ મોઇન અલી (Moin Ali) ના બોલ પર ચોગ્ગો ફટકારીને પોતાનુ શતક પુરુ કર્યુ હતુ. ઓગષ્ટ 2016 બાદ અશ્વિનનુ આ પ્રથમ શતક છે. અશ્વિનના શતકની મદદ થી ભારતે પોતાની લીડ 450 રનની પાર પહોંચાડી દીધી છે.

એમએ ચિદંમરમ સ્ટેડિયમની પિચને લઇને સવાલો ઉઠી રહ્યા છે. આ દરમ્યાન ભારતે બતાવ્યુ હતુ કે ત્રીજા દીવસની રમતમાં પણ કેવી રીતે બેટીંગ કરી શકાય છે. પ્રથમ પારીમાં આ કામ રોહિત શર્મા (Rohit Sharma) એ કર્યુ હતુ, તો બીજા દિવસની રમતમાં ચેન્નાઇના સ્થાનિક હિરો અશ્વિને આ જવાબદારી ઉઠાવી લીધી હતી. ત્રીજા દિવસની રમતના પ્રથમ સેશનમાં ભારતનો ટોપ ઓર્ડર વિખેરાઇ ગયો હતો. પરંતુ અશ્વિન એ કેપ્ટન વિરાટ કોહલીની સાથે મળીને ટીમને સંભાળી હતી. પોતાની રમતને પણ આગળ વધારતા તે પોતાની ઇનીંગને સદી સુધીની રમતે પહોંચાડી હતી.

અશ્વિન એ શતક ફટકારતી રમત રમવા ઉપરાંત, ઇંગ્લેંડની પ્રથમ ઇનીંગની બેટીંગ દરમ્યાન પણ તેણે દમદાર બોલીંગ કરી હતી. અશ્વિને ચેન્નાઇ ની ટર્ન લેતી પિચ પર જબરદસ્ત પ્રદર્શન કર્યુ હતુ. તેણે પાંચ વિકેટો ઝડપી હતી. જેને લઇને ઇંગ્લેંડની પારી ઝડપથી સમેટાઇ ગઇ હતી.

https://twitter.com/ICC/status/1361250971498672133?s=20

https://twitter.com/BCCI/status/1361260111902072832?s=20