IND vs ENG: અક્ષર પટેલનું ડેબ્યુ, સિરાજ અને કુલદિપ યાદવનો પણ અંતિમ ઇલેવનમાં સમાવેશ

ભારત અને ઇંગ્લેંડ (India vs England) વચ્ચે ચાર ટેસ્ટ મેચની શ્રેણીની બીજી મેચ ચેન્નાઇ (Chennai Test) ના એમએ ચિદંમબરમ સ્ટેડીયમ (MA Chidambaram Stadium) માં રમાઇ રહી છે. ભારતે આ ટેસ્ટમાં ટોસ જીતીને પ્રથમ બેટીંગ કરવાનો નિર્ણય કર્યો છે. મેચમાં ભારત તરફ થી લેફ્ટ આર્મ સ્પિનર અક્ષર પટેલે (Akshar Patel) ડેબ્યુ કર્યુ છે. ચેન્નાઇમાં ઇંગ્લેંડની સામે ભારત આ પહેલા જ 227 રન થી હાર મેળવી હતી. ટીમ ઇન્ડીયા (Team India) આ સમયે સિરીઝમાં 0-1 થી પાછળ છે. આ મેચનુ પરિણામ ખૂબ જ મહત્વનુ બની રહેશે, કારણ કે જો ભારત મેચ હારશે તો શ્રેણી ની જીત ની તક ગુમાવી દેશે. સાથે જ વિશ્વ ટેસ્ટ ચેમ્પિયનશીપ (World Test Championship) ની ફાઇનલમાં પણ સ્થાન મેળવવાનો મોકો ગુમાવી દેશે. ભારતે બુમરાહ (Jaspreet Bumrah) ને આરામ આપ્યો હતો અને તેના સ્થાને સિરાજ (Mohammad Siraj) નો સમાવેશ કરવામાં આવ્યો હતો.

અક્ષર પટેલ આ પહેલા જ પ્રથમ બે ટેસ્ટ મેચ માટે ટીમ ઇન્ડીયા માટે પસંદ કરવામાં આવ્યો હતો. પરંતુ તે ચેન્નાઇ માં રમાયેલી પ્રથમ ટેસ્ટ શરુ થવા પહેલા જ ઇજાને લઇને બહાર થયો હતો. તે શરુઆતની બંને ટેસ્ટ મેચ ગુમાવી તેમ લાગી રહ્યુ હતુ, પરંતુ બીજી ટેસ્ટ પહેલા જ તે નેટ પર પરત ફરતા જ ટેસ્ટમાં ડેબ્યુ કરવાની આશા જાગી હતી. જોકે હવે તેને અંતિમ ઇલેવનમાં સ્થાન મળી ચુક્યુ છે. આ પહેલા તે ઇજા થી બહાર થવાને લઇને કુલદિપ યાદવ પ્રબળ દાવેદાર મનાતો હતો પરંતુ ઓચિંતા જ શાહબાઝ નદિમને સ્થાન અપાતા વિવાદ સર્જાયો હતો. જોકે હવે કુલદિપ યાદવને પણ ટીમમાં સ્થાન મળ્યુ છે.

ભારતીય ટીમઃ રોહીત શર્મા, શુભમન ગીલ, ચેતેશ્વર પૂજારા, વિરાટ કોહલી, અજિંક્ય રહાણે, ઋષભ પંત, અક્ષર પટેલ, આર અશ્વિન, કુલદીપ યાદવ, ઇશાંત શર્મા અને મોહમ્મદ સિરાજ.

ઇંગ્લેંડની ટીમઃ રોરી બર્ન્સ, ડોમિનિક સિબ્લી, ડેનિયલ લોરેન્સ, જો રૂટ, બેન સ્ટોક્સ, ઓલી પોપ, બેન ફોક્સ, મોઈન અલી, જેક લીચ, સ્ટુઅર્ટ બ્રોડ અને ઓલી સ્ટોન.