IND vs AUS: હાર્દિક પંડ્યાએ રમી વન-ડે કેરીયરની સૌથી મોટી પારી, ધોનીનો 12 વર્ષ જૂનો રેકોર્ડ તોડ્યો

ભારતીય ક્રિકેટ ટીમને પહેલા વન ડે મેચમાં ઓસ્ટ્રેલીયાએ જીત માટે 375 રનનુ વિશાળ લક્ષ્ય આપ્યુ હતુ. જેના જવાબમાં ટીમ ઇન્ડિયાએ શરુઆત તો સારી કરી હતી. પરંતુ કેપ્ટન કોહલી, ઓપનર અગ્રવાલ, ઐયર અને રાહુલ જેવા મહત્વના ખેલાડીઓ પીચ પર લાંબો સમય ટકી શક્યા નહી. ત્યાર બાદ આવેલા હાર્દિક પંડ્યા એ ધવન સાથે મળીને ભારતીય પારીને સંભાળી હતી.

શિખર ધવન સાથે મળીને પાંચમી વિકેટ માટે 128 રનની ભાગીદારી કરી હતી. શિખર ધવન પણ આઉટ થઇ જતા હાર્દિકે જવાબદારીને આગળ વધારી હતી. જોકે તે પોતાના કેરીયરની પ્રથમ સદી ફટકારવા થી ચુકી ગયો હતો. હાર્દીક પંડ્યાએ 76 બોલમાં 90 રનની શાનદાર રમત રમી હતી. જે માટે તેણે 7 ચોગ્ગા અને 4 છગ્ગા પણ ફટકાર્યા હતા. હાર્દિક પંડ્યા માટે તેના વન ડે ક્રિકેટના કેરીયરની સૌથી મોટી ઇનીંગ હતી.

હાર્દિક પંડ્યા બેશક પોતાનું પ્રથમ વન ડે શતક લગાવવાનુ ચુકી ગયો છે. જોકે તેણે પોતાની આ રમત ના દમ પર એમએસ ધોનીને પાછળ છોડી દીધો છે. ઓસ્ટ્રેલીયામાં વન ડે ક્રિકેટમાં ભારત તરફથી છઠ્ઠા નંબર પર બેટીંગ કરતા સૌથી મોટો સ્કોર મહેન્દ્રસિંહ ધોનીના નામે હતો. પરંતુ હવે હાર્દિક પંડ્યા તેના થી આગળ નિકળી ગયો છે. એમએસ ધોનીએ વર્ષ 2008માં કાંગારુ ટીમ સામે તેમની જ ધરતી પર છઠ્ઠા નંબર પર બેટીંગ કરતા અણનમ 88 રનની રમત રમી હતી. હવે 12 વર્ષ પછી હાર્દિક એ તે રેકોર્ડને તોડી દીધો છે. હવે ઓસ્ટ્રેલીયામાં ભારત તરફ થી વન ડેમાં છઠ્ઠા નંબર પર રમતા સૌથી વધુ રન બનાવનારો બેટ્સમેન બની ગયો છે.

ઓસ્ટ્રેલીયામાં છઠ્ઠા નંબર પર બેટીંગ કરતા વધુ રન બનાવનારા બેટ્સમેન

90 રન, હાર્દિક પંડ્યા, વર્ષ 2020

88* રન, એમએસ ધોની, વર્ષ 2008

75 રન કપિલ દેવ, વર્ષ 1980

https://twitter.com/ICC/status/1332266900898918401?s=20

https://twitter.com/ICC/status/1332339903263371268?s=20