T20 World Cup માં ICC એ મોટો ફેરફાર કર્યો, કેપ્ટનનો માથાનો દુખાવો વધશે, અમ્પાયરોની પોલ ખુલશે !
આઈસીસી મેન્સ ટી 20 વર્લ્ડ કપ લગભગ પાંચ વર્ષ પછી થઈ રહ્યો છે. અગાઉ આ ટુર્નામેન્ટ ભારતમાં 2016 માં રમાઈ હતી, જ્યારે વેસ્ટ ઈન્ડિઝે આ ખિતાબ જીત્યો હતો.
T20 World Cup : આઇસીસી મેન્સ ટી 20 વર્લ્ડ કપમાં પ્રથમ વખત ડિસિઝન રિવ્યૂ સિસ્ટમનો ઉપયોગ કરવામાં આવશે. આઈસીસીએ તેના વિશે મંજૂરી આપી છે. ટી 20 વર્લ્ડ કપ યુએઈ અને ઓમાનમાં રમાવાનો છે અને 17 ઓક્ટોબરથી શરૂ થશે.
ટુર્નામેન્ટ માટે, ICCએ રમતને લગતી શરતો જણાવી છે. આ અંતર્ગત, પ્રથમ વખત આ ટુર્નામેન્ટમાં DRS હશે. દરેક ઇનિંગ્સ અનુસાર દરેક ટીમને બે રિવ્યૂ મળશે. આઈસીસીએ જૂન 2020માં કહ્યું હતું કે, ટી 20 વર્લ્ડ કપ (T20 World Cup)દરમિયાન દરેક ટીમ દરેક ઇનિંગમાં વધારાનો રિવ્યુ મળશે. કોરોનાને કારણે ઓછા અનુભવી અમ્પાયરો (Umpires)ની હાજરીને ધ્યાનમાં રાખીને આ કરવામાં આવ્યું હતું. આ પછી, દરેક ટીમને T20 અને વનડેમાં એક ઇનિંગમાં બે અને ટેસ્ટમાં ત્રણ રિવ્ચુ આપવામાં આવે છે.
આઈસીસી (ICC)એ વરસાદને કારણે મેચમાં વિલંબ અથવા વિક્ષેપની સમસ્યાનો સામનો કરવા માટે પગલાં પણ લીધા છે. આ અંતર્ગત ઓવરોની સંખ્યા વધારવામાં આવી છે. ટી 20 વર્લ્ડ કપમાં, દરેક ટીમે ગ્રુપ સ્ટેજમાં મેચનું પરિણામ મેળવવા માટે ઓછામાં ઓછી પાંચ ઓવર બેટિંગ કરવાની જરૂર છે. ત્યારે જ ડકવર્થ-લુઈસ સિસ્ટમ (Duckworth-Lewis system) નિર્ણય કરશે.
અત્યારે એ જ ફોર્મ્યુલા ટી 20 ક્રિકેટમાં કામ કરે છે. પરંતુ વર્લ્ડ કપમાં સેમિફાઇનલ અને ફાઇનલ મેચ માટે ઓવરની ન્યૂનતમ સંખ્યા વધારવામાં આવી છે. આ મેચોમાં, બંને ટીમોએ ઓછામાં ઓછી 10 ઓવર રમ્યા બાદ જ મેચનું પરિણામ જાહેર થશે. ગયા વર્ષે મહિલા ટી 20 વર્લ્ડ કપ દરમિયાન પણ આ જ પદ્ધતિ અપનાવવામાં આવી હતી. ત્યારબાદ ભારત અને ઇંગ્લેન્ડ (India / England) વચ્ચેની સેમિફાઇનલ મેચમાં વરસાદ પડ્યો હતો.
પુરૂષોનો ટી 20 વર્લ્ડ કપ 5 વર્ષ બાદ યોજાઈ રહ્યો છે
પુરુષોનો ટી 20 વર્લ્ડ કપ(T20 World Cup) લગભગ પાંચ વર્ષ પછી થઈ રહ્યો છે. અગાઉ આ ટુર્નામેન્ટ ભારતમાં 2016 માં રમાઈ હતી. ત્યારે આંતરરાષ્ટ્રીય ટી 20 ક્રિકેટમાં DRSનો ઉપયોગ થયો ન હતો. આ કારણે, ટી 20 વર્લ્ડ કપમાં પણ ડીઆરએસ (DRS) નહોતું. 2018 થી આઈસીસીની પ્રથમ ટી 20 ટૂર્નામેન્ટમાં ડીઆરએસ રજૂ કરવામાં આવ્યું હતું. પછી વેસ્ટ ઈન્ડિઝમાં યોજાયેલા મહિલા ટી 20 વર્લ્ડ કપમાં, દરેક ઇનિંગ્સ માટે એક રિવ્યુ હતો. પછી 2020 મહિલા વર્લ્ડ કપમાં પણ આવું જ થયું.
અમ્પાયરોના નિર્ણયોમાં ખોમીઓ ઘટાડવા માટે ક્રિકેટમાં DRSની રજૂઆત કરવામાં આવી હતી. 2017 થી તેનો ઉપયોગ આઈસીસીની તમામ મોટી ટુર્નામેન્ટમાં થઈ રહ્યો છે. આ અંતર્ગત, અમ્પાયર કોઈ પણ નિર્ણય અંગે ત્રીજા અમ્પાયરની મદદ લઈ શકે છે, પછી ખેલાડીઓ ઓન-ફિલ્ડ અમ્પાયરના કોઈ પણ નિર્ણયને પડકારી શકે છે.