ICC Awards: દશકાની સૌથી શાનદાર ODI ટીમમાં પણ ભારત અગ્રેસર, ધોની કેપ્ટન
ICC એ આ દાયકાની શ્રેષ્ઠ ODI ટીમની ઘોષણા કરી છે. વર્ષ 2011 થી 2020 ની વચ્ચે વનડેમાં સર્વશ્રેષ્ઠ પ્રદર્શન કરનારા ખેલાડીઓને આ ટીમમાં સ્થાન આપવામાં આવ્યું છે. ટીમની કેપ્ટનશીપ પૂર્વ ભારતીય કેપ્ટન એમએસ ધોની (MS Dhoni) ના હાથમાં આપવામાં આવી છે. ધોનીની કેપ્ટનશીપ હેઠળના આ જ દાયકામાં ભારતે 2011 માં વર્લ્ડ કપ (World Cup) અને […]
ICC એ આ દાયકાની શ્રેષ્ઠ ODI ટીમની ઘોષણા કરી છે. વર્ષ 2011 થી 2020 ની વચ્ચે વનડેમાં સર્વશ્રેષ્ઠ પ્રદર્શન કરનારા ખેલાડીઓને આ ટીમમાં સ્થાન આપવામાં આવ્યું છે. ટીમની કેપ્ટનશીપ પૂર્વ ભારતીય કેપ્ટન એમએસ ધોની (MS Dhoni) ના હાથમાં આપવામાં આવી છે. ધોનીની કેપ્ટનશીપ હેઠળના આ જ દાયકામાં ભારતે 2011 માં વર્લ્ડ કપ (World Cup) અને 2013 માં ચેમ્પિયન્સ ટ્રોફી (Champions Trophy) જીતી હતી. આ ટીમમાં ધોની ઉપરાંત વધુ 2 ભારતીય ખેલાડીઓનો હાલના કેપ્ટન વિરાટ કોહલી (Virat Kohli) અને રોહિત શર્મા (Rohit Sharma) તરીકે સમાવેશ કરવામાં આવ્યો છે.
આઇસીસી વનડે ટીમ ઓફ ધ ડિકેડ (Team of the Decade) માં પણ ભારતીય ખેલાડીઓની સંખ્યા સૌથી વધુ છે. આ સિવાય ઓસ્ટ્રેલિયા અને દક્ષિણ આફ્રિકાના 2-2 ખેલાડીઓનો સમાવેશ કરવામાં આવ્યો છે. બાંગ્લાદેશ, ન્યુઝીલેન્ડ, ઇંગ્લેન્ડ અને શ્રીલંકાના એક એક ખેલાડીને આ ટીમમાં સ્થાન મળ્યું છે.
આ ટીમમાં ઓપનિંગની ભૂમિકા વર્તમાન રાઉન્ડના 2 સૌથી સફળ ઓપનર રોહિત શર્મા અને ડેવિડ વોર્નર ને આપવામાં આવી છે. ભારતીય કેપ્ટન વિરાટ કોહલી ત્રીજા નંબરે છે, જે ટીમ ઈન્ડિયા માટે પણ ત્રીજા નંબરે બેટિંગ કરી છે. મધ્યમ ક્રમમાં દક્ષિણ આફ્રિકાના દિગ્ગજ બેટ્સમેન એબી ડી વિલિયર્સ અને એમએસ ધોની છે. સ્વાભાવિક ધોનીને ટીમનો વિકેટકિપર બનાવવામાં આવ્યો છે.
https://twitter.com/ICC/status/1343121949770321922?s=20
આ સિવાય 2 ઓલરાઉન્ડરોને પણ આ ટીમમાં સ્થાન મળ્યું છે. ઇંગ્લેન્ડમાં વર્લ્ડ કપ વિજેતા ટીમનો હિસ્સો બેન સ્ટોક્સ અને બાંગ્લાદેશના સ્પિનર ઓલરાઉન્ડર શાકિબ અલ હસનનો સમાવેશ તેમાં થયો છે. જ્યારે એકપણ ભારતીય ખેલાડી બોલિંગમાં સ્થાન પામી શક્યો નથી. છેલ્લા 2 વર્લ્ડ કપના સૌથી સફળ ફાસ્ટ બોલરો, ઓસ્ટ્રેલિયાના મિશેલ સ્ટાર્ક અને ન્યુઝીલેન્ડના ટ્રેન્ટ બોલ્ટ બોલિંગ આક્રમણનું નેતૃત્વ કરશે. તેમને ટેકો આપવા માટે શ્રીલંકાના દિગ્ગજ બોલર લસિથ મલિંગા હશે. દક્ષિણ આફ્રિકાના ઇમરાન તાહિર ટીમમાં મુખ્ય સ્પિનરની ભૂમિકામાં પસંદ કર્યો છે.
આઇસીસીએ પણ ટેસ્ટ ટીમની ઘોષણા કરી છે, જેમાં વિરાટ કોહલીને ટીમની કમાન મળી છે. તેના સિવાય રવિચંદ્રન અશ્વિન અન્ય ભારતીય ખેલાડી છે. કોહલી એકમાત્ર ખેલાડી છે જે ત્રણેય ફોર્મેટમાં સામેલ છે.
Latest News Updates
