ધોનીને મીસ કરી રહી છે પત્નિ સાક્ષી, પરંતુ આ કારણે માહીથી દુર રહેવાનુ પસંદ કર્યુ

T-20 લીગ ચાલતી હોય તો આમ તો સ્ટેડીયમ દર્શકોથી ખીચોખીચ ભરેલુ રહેતુ હોય છે. આ દરમ્યાન દર્શકોનો શોર બકોર બીજું કંઇ પણ સાંભળવા દેતો હોતો નથી. ખેલાડીઓના પરીવાર વાળા પણ ઉત્સાહ વધારવા માટે દર્શક ગેલેરીમાં નજરે ચઢતા હોય છે. જો કે આ બધુ સામાન્ય દિવસો દરમ્યાન હોય છે. પરંતુ હાલમાં તો કોરોનાકાળમાં આમાનું કશુ જ નથી. હાલમાં લીગ યુએઈમાં રમાઈ રહી છે. ના તો સ્ટેડીયમ દર્શકોથી ભરેલુ છે કે, ના તો ખેલાડીઓના પરીવારજનો પણ નજરે ચઢે છે. કોરોનાકાળની આ વિકટ સ્થિતીમાં ખેલાડીઓ પણ પોતાના પરીવારજનોથી દુર રહીને રમી રહ્યા છે. ચેન્નાઈ સુપર કિંગ્સના કેપ્ટન મહેન્દ્રસિંહ ધોની પણ પત્ની સાક્ષી અને દિકરી જીવા વીના જ યુએઈ પહોંચ્યા છે. ધોની આમ તો પોતાની ભાવનાઓને છુપાવવા માટે જાણીતો છે, પરંતુ સાક્ષીએ એ વાત સ્વીકાર કરવામાં સહેજ પણ દેર નથી કરી કે પોતાને માહીની યાદી સતાવી રહી છે.

એક સમાચાર સંસ્થા સાથે વાતચીત દરમ્યાન સાક્ષીએ કહ્યુ છે કે તેમના માટે યુએઈ જવુ એ આસાન નહોતુ. સાક્ષી મુજબ હું લીગની મેચો દરમ્યાન સ્ટેડીયમમાં હાજર રહીને મેચ નિહાળવાને મીસ નથી કરતી. કારણ કે હું ટીવી પર જ મેચ જોઈ લઉ છુ. પરંતુ હું મારા પતિને ખુબ જ મીસ કરી રહી છુ. આ દરમ્યાન સાક્ષીએ એ વાતનો પણ ખુલાસો કર્યો હતો કે, તે ધોની સાથે યુએઈ કેમ નથી ગઈ. આ વાતના સવાલના જવાબમાં સાક્ષી ધોનીએ કહ્યુ છે કે, ઈમાનદારીથી સાચી વાત કહુ તો જીવા અને મારા માટે બે મહીના સુધી બાયો બબલમાં રહેવુ બેહદ મુશ્કેલ હતુ.

આજે હૈદરાબાદથી ટકરાશે ચેન્નાઈ

પાંચેક દિવસના બ્રેક પછી મહેન્દ્રસિંહ ધોનીની આગેવાની હેઠળ ચેન્નાઈ સુપર કિંગ્સની ટીમ સનરાઈઝર્સ હૈદરાબાદની સામે મેદાનમાં ઉતરશે. જો કે અત્યાર સુધીમાં ચેન્નાઈએ ત્રણ મેચ રમી છે. જેમાંથી બેમાં તેને હાર મળી છે તો હૈદરાબાદનો પણ હાલની સિઝનમાં એવો જ રેકોર્ડ છે. ત્રણ મેચમાં ચેન્નાઈને રાજસ્થાન રોયલ્સ અને દિલ્હી કેપીટલ્સે હાર આપી છે. જો કે લીગની ઉદ્ઘઘાટન મેચમાં જ મુંબઈ ઈન્ડિયન્સ કે ચાર વાર ટાઇટલ જીતનારી છે તેને હરાવી દીધી હતી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો