ધોનીના થાકી પડવાના મામલે હવે હરભજન પણ ઈરફાનના ટ્વીટ પર સહમતી દર્શાવી, નામ લીધા વિના ધોની પર તકાયુ નિશાન

ટીમ ઈન્ડીયાના પુર્વ ક્રિકેટર ઈરફાન પઠાણ બાદ હવે હરભજનના ટ્વીટને લઈને ક્રિકેટના ચાહકોમાં ચર્ચાઓ ગરમ બની છે. હરભજન સિંહે પણ હવે ધોની પર શબ્દોના તીર મારવાનો પ્રયાસ કર્યો છે. એક પછી એક બંનેના ટ્વીટ સામે આવવાને લઈને સોશિયલ મીડિયા પર ધોનીના ચાહકોના પણ કાન ઉભા થઈ ગયા છે. ઈરફાન પઠાણે ચાલુ વર્ષે જ ક્રિકેટના તમામ ફોર્મેટમાંથી નિવૃત્તી જાહેર કરી દીધી હતી તો વળી હરભજનસિંહ પણ ક્રિકેટમાં હવે એક્ટીવ નથી. હરભજન વર્ષ 2016થી લઈને અત્યાર સુધી ભારત માટે રમી શક્યો નથી. પઠાણ પણ તેની આખરી મેચ ભારત માટે 2012ના વર્ષમાં રમ્યો હતો. ત્યાર પછી તે કેટલીક ઘરેલુ ક્રિકેટ રમ્યો હતો. પરંતુ ટીમ ઈન્ડીયામાં પરત ફરી શક્યો નહોતો.

શનિવારે ચેન્નાઈ સુપર કિંગ્સે હૈદરાબાદ સામેની મેચમાં હાર સહન કરવી પડી હતી. મેચની અંતિમ ઓવર દરમ્યાન ધોની ગરમીના કારણે થાકી ગયો હતો. જોકે તેણે મેચના અંત સુધી મેદાન પર રહેવા પ્રયાસ કર્યો હતો. સાથે જ મેચને પણ અંત સુધી પોતાના પક્ષે બનાવવા માટે મથતો રહ્યો હતો. પરંતુ તે મેચને બચાવી શક્યો નહોતો. જેને લઈને હવે તેની હાર બાબતે ઈરફાન અને હરભજનના ટ્વીટ મારફતે સોશિયલ મીડિયાના ઉપયોગકર્તાઓએ હવે ધોનીના ચાહકોને ચોંકાવી દીધા છે. જે ચોંકાવનારી ટ્વીટમાં હરભજને ઈરફાનની ટ્વીટ પર રીપ્લાય કરતી પોસ્ટ ટ્વીટ કરી હતી. હરભજને લખ્યુ હતુ કે હું પણ 10000000 પ્રતિશત સહમત છુ.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો