Cricket: શ્રીલંકાના ઓલરાઉન્ડર થિસારા પરેરાએ પણ ફટકારી 6 બોલમાં 6 સિક્સર, જુઓ વિડીયો

શ્રીલંકા (Sri Lanka) ના ઓલરાઉન્ડર થિસારા પરેરા (Thisara Perera) ઇતિહાસ રચી દીધો છે. તેણે કોલંબોના એક ઘરેલુ ટુર્નામેન્ટ દરમ્યાન કોઇ પણ પ્રકારના પ્રોફેશનલ્સ ક્રિકેટમાં એક ઓવરમાં છ બોલમાં છ છગ્ગા લગાવી દીધા છે. આમ કરનારો તે શ્રીલંકાનો પ્રથમ ક્રિકેટર બની ચુક્યો છે. તેણે આ ઉપલબ્ધી પનાગોડા (Panagoda) સૈન્ય મેદાનમાં ચાલી રહેલી કલબ્સ મર્યાદિત ઓવરની લિસ્ટ એ ટુર્નામેન્ટમાં હાંસલ કરી હતી. તે બ્લૂમફિલ્ડ ક્રિકેટ (Bloomfield Cricket) અને એથલેટિક ક્લબ (Athletic Club) વચ્ચેની મેચમાં શ્રીલંકન આર્મીની કેપ્ટનશીપ કરી રહ્યો હતો.

તેણે 13 બોલમાં અણનમ 52 રન બનાવ્યા હતા. તેની ઇનીંગમાં આઠ છગ્ગા સામેલ હતા. આ ઇનીંગ કોઇ શ્રીલંકન નો લિસ્ટ એ માં બીજુ સૌથી ઝડપી અર્ધશતક પણ છે. પૂર્વ શ્રીલંકન ઓલરાઉન્ડર કૌશલ્યા વિરરત્ને એ 2005માં 12 બોલમાં અર્ધશતક લગાવ્યુ હતુ. પરેરાએ આ પ્રકારે પ્રોફેશનલ ક્રિકેટમાં આ ઉપલબ્ધિી હાંસલ કરનારો નવમો ક્રિકેટર બની ગયો છે. જુઓ વિડીયો.

તેના પહેલા ગોરફિલ્ડ સોબર્સ, રવિ શાસ્ત્રી, હર્ષિલ ગિબ્સ, યુવરાજ સિંહ, રોસ વાઇટલરે, હઝરતુલ્લાહ જજઇ, લિયો કાર્ટર અને તાજેતરમાં કિયરોન પોલાર્ડ આમ કરી ચુક્યા છે. પરેરા એ શ્રીલંકાના માટે છ ટેસ્ટ, 166 વન ડે અને 64 T20 આંતરરાષ્ટ્રીય મેચ તેના દ્રારા રમવામાં આવી છે.

પરેરાએ 50 ઓવરની મેચોમાં આ પ્રકારનુ પ્રરાક્રમ કરનારો હવે બીજો ક્રિકેટર બની ચુક્યો છે. વન ડેમાં સૌથી પહેલા સાઉથ આફ્રિકાનો પૂર્વ ક્રિકેટર હર્ષિલ ગિબ્સએ આ પ્રકારે છ બોલમાં છ છગ્ગા લગાવ્યા હતા. સર ગારફિલ્ડ સોબર્સ ક્રિકેટમાં આમ કરનારો તે પ્રથમ બેટસમેન બન્યા હતા. તેમણે 1968 માં આ પ્રકારનો ચમત્કાર સર્જ્યો હતો. તો રવિ શાસ્ત્રીએ 1985માં એક જ ઓવરમાં છ છગ્ગા લગાવ્યા હતા.