ZIM vs IND : જે ટીમ સામે કર્યુ હતુ ડેબ્યું, હવે તે ટીમ સામે જ KL Rahul કરશે કેપ્ટનશિપ, જાણો સમગ્ર માહિતી

કેએલ રાહુલ (KL Rahul) ની કેપ્ટન્સીમાં ટીમ ઈન્ડિયા (Team India) ઝિમ્બાબ્વેના પ્રવાસે ગઈ છે. અહીં બંને ટીમો વચ્ચે ત્રણ મેચની વનડે શ્રેણી રમાશે. મહત્વની વાત એ છે કે કેએલ રાહુલે પોતાની ડેબ્યૂ વનડે મેચ આ ટીમ સામે રમી હતી. હવે તે આ ટીમ સામે ભારતની કેપ્ટનશિપ કરતો જોવા મળશે. લોકેશ રાહુલે ઝિમ્બાબ્વે (Zimbabwe Cricket) સામે જોરદાર સદી ફટકારી હતી. તેની ઇનિંગની મદદથી ભારતે 9 વિકેટે જીત મેળવી હતી.

ધોનીની કેપ્ટનશિપ હેઠળ ટીમ ઇન્ડિયા 2016 માં ઝિમ્બાબ્વેના પ્રવાસે ગઇ હતી

મહેન્દ્ર સિંહ ધોની (MS Dhoni) ની કેપ્ટન્સીમાં ભારતીય ટીમ વર્ષ 2016માં ઝિમ્બાબ્વેના પ્રવાસે ગઈ હતી. આ શ્રેણીની પ્રથમ મેચ હરારેમાં રમાઈ હતી. પ્રથમ બેટિંગ કરતા ઝિમ્બાબ્વેએ 168 રન બનાવ્યા હતા. જવાબમાં ભારતે માત્ર એક વિકેટ ગુમાવીને મેચ જીતી લીધી હતી. આ દરમિયાન લોકેશ રાહુલ અને કરુણ નાયર ઓપનિંગ કરવા આવ્યા હતા. નાયર માત્ર 7 રન બનાવીને આઉટ થયો હતો. જ્યારે રાહુલે અણનમ સદી ફટકારી હતી. તેણે 115 બોલમાં અણનમ 100 રન બનાવ્યા હતા. રાહુલની ઇનિંગમાં 7 ફોર અને 1 સિક્સ સામેલ હતી.

લોકેશ રાહુલની આવી રહી છે કારકિર્દી

ઉલ્લેખનીય છે કે લોકેશ રાહુલ (KL Rahul) ની અત્યાર સુધીની કારકિર્દી શાનદાર રહી છે. તેણે 42 વનડેમાં 1634 રન બનાવ્યા છે. આ દરમિયાન કેએલ રાહુલએ 5 સદી અને 10 અડધી સદી ફટકારી હતી. આ દરમિયાન તેનો સર્વશ્રેષ્ઠ સ્કોર 112 રન રહ્યો છે. રાહુલે 43 ટેસ્ટ મેચમાં 2547 રન બનાવ્યા છે. તેણે આ ફોર્મેટમાં 7 સદી અને 13 અડધી સદી ફટકારી છે. તેણે 56 T20 આંતરરાષ્ટ્રીય મેચમાં 1831 રન બનાવ્યા છે. તેણે આ ફોર્મેટમાં 2 સદી અને 16 અડધી સદી ફટકારી છે.

વનડે સિરીઝનું સંપુર્ણ શેડ્યુલ

18 ઓગસ્ટ – 1લી ODI – હરારે (Zimbabwe) – બપોરે 12:45 કલાકે

20 ઓગસ્ટ – બીજી ODI – હરારે – બપોરે 12:45 કલાકે

22 ઓગસ્ટ – ત્રીજી ODI – હરારે – બપોરે 12:45 કલાકે

ઝિમ્બાબ્વે પ્રવાસ માટે ભારતીય ટીમ

શિખર ધવન (સુકાની), ઋતુરાજ ગાયકવાડ, શુભમન ગિલ, દીપક હુડા, રાહુલ ત્રિપાઠી, ઈશાન કિશન (વિકેટ કિપર), સંજુ સેમસન (વિકેટ કિપર), વોશિંગ્ટન સુંદર, શાર્દુલ ઠાકુર, કુલદીપ યાદવ, અક્ષર પટેલ, અવેશ ખાન, દ કૃષ્ણા, મોહમ્મદ સિરાજ, દીપક ચહર.