Yuzvendra Chahal એ પોતાનો ફેમસ પોઝ રિક્રિએટ કર્યો, ટ્વીટ કરીને લખ્યું- ફેવરિટ પોઝ, ફેવરિટ ગ્રાઉન્ડ

ભારતના લેગ સ્પિનર ​​યુઝવેન્દ્ર ચહલ (Yuzvendra Chahal) તેના એક ખાસ પોઝ માટે ખૂબ જ પ્રખ્યાત છે. વાસ્તવમાં યુઝવેન્દ્ર ચહલનો આ પોઝ પહેલીવાર 2019 વર્લ્ડ કપ (World Cup 2019) દરમિયાન જોવા મળ્યો હતો. હવે તેણે ફરીથી પોતાનો પ્રખ્યાત પોઝ રિક્રિએટ કર્યો છે. યુઝવેન્દ્ર ચહલે બેંગલુરુના એમ ચિન્નાસ્વામી સ્ટેડિયમ (M Chinnaswamy Stadium) માં તેના મનપસંદ પોઝને ફરીથી બનાવ્યો. આ સાથે તેણે બેંગ્લોરના એમ ચિન્નાસ્વામી સ્ટેડિયમને પોતાનું મનપસંદ મેદાન ગણાવ્યું.

ચહલ લાંબા સમય સુધી IPL માં RCB નો ભાગ રહ્યો છે

ઉલ્લેખનીય છે કે, યુઝવેન્દ્ર ચહલ લાંબા સમયથી IPL માં રોયલ ચેલેન્જર્સ બેંગ્લોર (Royal Challengers Bangalore) નો ભાગ હતો. જોકે, IPL મેગા ઓક્શન પહેલા રોયલ ચેલેન્જર્સ બેંગ્લોરે યુઝવેન્દ્ર ચહલ (Yuzvendra Chahal) ને રિટેન કર્યો ન હતો. આ વર્ષની IPL મેગા ઓક્શનમાં રાજસ્થાન રોયલ્સ (Rajasthan Royals) એ આ ખેલાડીને પોતાની સાથે જોડ્યો હતો. જો આપણે આ IPL સિઝનમાં યુઝવેન્દ્ર ચહલના પ્રદર્શનની વાત કરીએ તો તેણે પણ આ સિઝનમાં અપેક્ષા મુજબ શાનદાર પ્રદર્શન કર્યું.

ફેવરીટ પોઝ, ફેવરીટ ગ્રાઉન્ડ

યુઝવેન્દ્ર ચહલે ટ્વીટર (Twitter) પર પોતાનો ફેમસ પોઝ પોસ્ટ કરતા કેપ્શન લખ્યું હતું કે ‘ફેવરિટ પોઝ, ફેવરિટ ગ્રાઉન્ડ’ યુઝવેન્દ્ર ચહલે એમ ચિન્નાસ્વામી સ્ટેડિયમ (M Chinnaswamy Stadium) માં 113 T20 મેચમાં 139 વિકેટ લીધી હતી. યુઝવેન્દ્ર ચહલ વર્ષ 2014માં RCB સાથે જોડાયો હતો. જ્યારે 2013 સુધી તે મુંબઈ ઈન્ડિયન્સ (Mumbai Indians) નો ભાગ હતો. જોકે યુઝવેન્દ્ર ચહલને મુંબઈ ઈન્ડિયન્સ તરફથી રમવાની ઘણી તકો મળી ન હતી.

ચહલ સોશિયલ મીડિયામાં વધુ એક્ટિવ રહે છે

ભારતીય દિગ્ગજ સ્પિનર ​​યુઝવેન્દ્ર ચહલ (Yuzvendra Chahal) સોશિયલ મીડિયા પર ખૂબ જ એક્ટિવ રહે છે. ભારતીય સ્પિનર યુઝવેન્દ્ર ચહલ ઘણીવાર તેમની પત્ની ધનશ્રી સાથે રીલ્સ શેર કરે છે. આ સિવાય તે ફની રીલ્સની સાથે સાથે ભારતીય ખેલાડીઓ સાથે લાઈવ ચેટમાં પણ દેખાતો રહે છે. યુઝવેન્દ્ર ચહલનું ધ્યાન હવે આવનારી ટુર્નામેન્ટ એશિયા કપ 2022 અને ટી20 વર્લ્ડ કપ 2022 પર વધુ છે. તેને હાલ ટી20 ક્રિકેટમાં ટીમ ઇન્ડિયામાં પોતાનું સ્થાન વધુ મજબુત કરી લીધું છે.