સંઘર્ષ અને ક્ષમતાનું અદભૂત સમન્વય છે ‘યશસ્વી જયસ્વાલ’, વિશ્વ ક્રિકેટ પર કરશે ‘રાજ’
યશસ્વી જયસ્વાલે વેસ્ટ ઈન્ડિઝ સામે ડેબ્યૂ ટેસ્ટમાં સદી ફટકારી કમાલ કરી છે. આ સદી સાથે જ તેણે ટીમ ઈન્ડિયાનો ભવિષ્યનો સુપર સ્ટાર ગણવામાં આવી રહ્યો છે. યશસ્વી વેસ્ટ ઈન્ડિઝમાં ડેબ્યૂમાં સદી ફટકારનાર પ્રથમ ભારતીય છે.
જ્યારે કરોડો ભારતીયો ઊંઘી રહ્યા હતા ત્યારે યશસ્વીએ વેસ્ટ ઈન્ડિઝમાં ઈતિહાસ રચ્યો હતો. ડાબા હાથના ઓપનર યશસ્વી જયસ્વાલે (Yashaswi Jaiswal) પોતાની પ્રથમ ટેસ્ટ મેચમાં જ શાનદાર સદી ફટકારી હતી.
ભારતના ઈતિહાસમાં આવું પહેલીવાર બન્યું જ્યારે કોઈ ખેલાડી વેસ્ટ ઈન્ડિઝ ગયો અને ડેબ્યૂ ટેસ્ટ મેચમાં સદી ફટકારવામાં સફળ રહ્યો. ડોમિનિકા ટેસ્ટનો બીજો દિવસ પૂરો થયો પરંતુ જયસ્વાલની ઇનિંગ અટકી ન હતી. આ ખેલાડી 143 રન બનાવીને અણનમ પરત ફર્યો હતો.
યશસ્વી જયસ્વાલ લાંબી રેસનો ઘોડો
વેસ્ટ ઈન્ડિઝ સામે જયસ્વાલે જે પ્રકારની ઈનિંગ્સ રમી તે જોયા બાદ એક વાત સ્પષ્ટ થાય છે કે આ ખેલાડી લાંબી રેસનો ઘોડો છે. જયસ્વાલે માત્ર એક જ સદી ફટકારી છે પરંતુ આ ખેલાડી આવી ઘણી સદી ફટકારવાનો છે. જયસ્વાલમાં એવું શું ખાસ છે કે તેની માત્ર એક જ ઇનિંગ જોયા બાદ લાગે છે કે આ ખેલાડી વિશ્વ ક્રિકેટ પર રાજ કરવા આવ્યો છે. તમને જણાવી દઈએ કે જયસ્વાલની ખાસિયત જે તેને અન્ય બેટ્સમેન કરતા અલગ બનાવે છે.
Oh YEShasvi! 👏 👏
A HUNDRED on debut! 💯
What a special knock this has been! 🙌🙌
Follow the match ▶️ https://t.co/FWI05P4Bnd#TeamIndia | #WIvIND | @ybj_19 pic.twitter.com/OkRVwKzxok
— BCCI (@BCCI) July 13, 2023
યશસ્વી જયસ્વાલનું ફૂટવર્ક અદ્ભુત
બેટ્સમેનની ગુણવત્તા તેના ફૂટવર્કથી જાણી શકાય છે અને જયસ્વાલના પગની હિલચાલ ખરેખર અદ્ભુત છે. બોલ ફુલ લેન્થ હોય કે શોર્ટ ઓફ લેન્થ, યશસ્વીને કોઈ ફરક પડતો નથી. ગુડ લેન્થ એરિયામાંથી ફરતો બોલ પણ યશસ્વીને ખૂબ જ ઝડપથી સમજાય છે. આ સિવાય તેના હાથ અને આંખોનો તાલમેલ પણ અદ્ભુત છે. પ્રથમ ટેસ્ટ ઇનિંગ્સમાં તેણે પોતાના તમામ ગુણો દુનિયાને બતાવી દીધા.
બંને સ્પિન-પેસ સામે મજબૂત બેટિંગ
ઘણીવાર બેટ્સમેન સ્પિન અથવા પેસ બેમાંથી એક સામે સારું રમવામાં પારંગત હોય છે. વિરાટ કોહલી અને રોહિત શર્મા જેવા ખેલાડીઓને પણ સ્પિન સામે રમવામાં સમસ્યા હોય છે પરંતુ યશસ્વી અલગ છે. આ ખેલાડી સ્પિન અને પેસ બંને સામે ખૂબ જ સરળતાથી બેટિંગ કરે છે. વેસ્ટ ઈન્ડિઝ પાસે જયસ્વાલને ટેસ્ટ કરવા માટે પૂરતા સારા સ્પિનરો નથી પરંતુ આ ખેલાડીએ ડોમેસ્ટિક ક્રિકેટથી લઈને IPLમાં દમદાર સ્પિનરોનો સામનો કર્યો છે અને આ 21 વર્ષનો બેટ્સમેન સ્પિનરો સામે સારી બેટિંગ કરી શકે છે.
यशस्वी भवः 💯 . .#INDvWIonFanCode #WIvIND pic.twitter.com/59Uq9ik1If
— FanCode (@FanCode) July 13, 2023
પરિસ્થિતિ અનુસાર બેટિંગ કરવાની ક્ષમતા
યશસ્વી જયસ્વાલની સૌથી મોટી તાકાત તેની બેટિંગ ગિયર બદલવાની ક્ષમતા છે. જયસ્વાલ પરિસ્થિતિ અનુસાર પોતાની રમતને ઝડપી અને ધીમી બનાવી શકે છે. IPLમાં જયસ્વાલે લગભગ 170ની સ્ટ્રાઈક રેટથી 625 રન બનાવ્યા હતા, જ્યારે હવે ટેસ્ટ ડેબ્યૂમાં આ ખેલાડીએ 220 બોલમાં સદી ફટકારી છે. જયસ્વાલ લાલ બોલની રમતમાં પણ આક્રમક બેટિંગ કરે છે, પરંતુ ડોમિનિકાની પિચ પર મોટી ઇનિંગ્સ રમવા માટે સેટ કરવું જરૂરી હતું અને આ ખેલાડીએ પણ એવું જ કર્યું. જયસ્વાલ ડોમિનિકાની પીચને સમજી ગયો અને પછી તે સદી સુધી પહોંચી ગયો.
આ પણ વાંચો : Emerging Asia Cup: કેપ્ટન યશ ધુલની શાનદાર સદી, ભારતે UAEને બે વિકેટે હરાવ્યું
Dream Test debut for Yashasvi Jaiswal 🔥
How it happened ➡️ https://t.co/jNI9E8d0hO #WIvIND | #WTC25 pic.twitter.com/rsI2Ac6kgv
— ICC (@ICC) July 14, 2023
માનસિક રીતે ખૂબ જ મજબૂત
ટેસ્ટ ક્રિકેટમાં સારું પ્રદર્શન કરવા માટે બેટ્સમેનનું માનસિક રીતે મજબૂત હોવું જરૂરી છે. યશસ્વી માનસિક રીતે ખૂબ જ મજબૂત છે. બહુ નાની ઉંમરે તેણે ઘર છોડી દીધું. તે મુંબઈમાં તંબુમાં રહેતો, દૂધની ડેરીમાં કામ કર્યું, પાણીપૂરી વેચી, જો કોઈ ખેલાડી આટલી બધી મુશ્કેલીઓનો સામનો કરીને ટીમ ઈન્ડિયા સુધી પહોંચ્યો હોય છે અને તે માનસિક રીતે ખૂબ જ મજબૂત છે. જયસ્વાલમાં એવા તમામ ગુણો છે જે તેને વિશ્વ ક્રિકેટનો સુપરસ્ટાર બનાવી શકે છે, હવે આ ખેલાડીએ દરેક મેચમાં વધુ શીખવું પડશે, તેની સાતત્યતા પર કામ કરવું પડશે. જો આવું થશે તો યશસ્વી ક્રિકેટમાં ધમાલ મચાવશે.
