ઈંગ્લેન્ડે 3 ટેસ્ટ મેચની શ્રેણીમાં ન્યૂઝીલેન્ડનો સફાયો કરી દીધો હતો. આ સાથે જ એ વાતની પુષ્ટિ થઈ ગઈ કે ડિફેન્ડિંગ ચેમ્પિયન ન્યુઝીલેન્ડ આ વખતે વર્લ્ડ ટેસ્ટ ચેમ્પિયનશિપની ફાઈનલ રમી શકશે નહીં. તે રેસમાંથી બહાર છે. પરંતુ બાકીની ટીમો માટેનું સમીકરણ શું કહે છે? અને, ભારતીય ક્રિકેટ ટીમ (Indian Cricket Team) જે ગત વખતે WTCની રનર-અપ હતી. આ વખતે ટીમ ઈન્ડિયાનુ ગણિત કેવું છે? શું એજબેસ્ટન ટેસ્ટ (Edgbaston) વર્લ્ડ ટેસ્ટ ચેમ્પિયનશિપ (World Test Championship) ની દ્રષ્ટિએ તેના માટે કરો-ઓર-મરો ગેમ બની ગઈ છે? આ મોટા પ્રશ્નનો જવાબ જાણવા માટે પોઈન્ટ ટેબલમાં એક પછી એક તમામ ટીમોની સ્થિતિ સમજવી પડશે.
ન્યુઝીલેન્ડ પર ક્લીન સ્વીપ બાદ પણ ઈંગ્લેન્ડની સ્થિતિ સારી નથી. તેણે હવે એજબેસ્ટનમાં ભારત સાથે રમવાનું છે. દક્ષિણ આફ્રિકાના પડકારનો સામનો કરવો અને પછી પાકિસ્તાનનો પણ સામનો કરવાનો છે. આવી સ્થિતિમાં, જો તે બધી મેચો જીતી જાય તો પણ તેનું ફાઈનલ રમવું મુશ્કેલ છે કારણ કે તેના પછી પણ પર્સેન્ટેજ 50 થી થોડી ઉપર જ રહેશે.
ટીમ ઈન્ડિયાએ હજુ 7 ટેસ્ટ રમવાની છે, એક ઈંગ્લેન્ડ સાથે, 4 ઓસ્ટ્રેલિયા સામે અને ઘરઆંગણે બાંગ્લાદેશ સાથે. જો ભારત તમામ મેચ જીતી જાય તો તેની પાસે 74.53 ટકા હશે. દરમિયાન, જો તેઓ ભારત સામે હારી જશે તો ઓસ્ટ્રેલિયાની ટકાવારી પણ ઘટી જશે. હવે જો ભારત સાતમાંથી એક ટેસ્ટ હારશે તો પણ તેની ટકાવારી 68.98 રહેશે. જો 2 હારશે તો ટકાવારી 63.42 થશે. હવે આ સ્થિતિમાં એજબેસ્ટન ટેસ્ટને જોતા જો ભારત હારશે તો પણ વર્લ્ડ ટેસ્ટ ચેમ્પિયનશિપની ફાઈનલ રમવાની આશા અકબંધ રહેશે. એટલે કે એજબેસ્ટન ટેસ્ટમાં ડુ ઓર ડાઈ જેવી કોઈ વાત નથી.
વર્લ્ડ ટેસ્ટ ચેમ્પિયનશિપની ફાઈનલ રમવાની પાકિસ્તાનની આશા હાલમાં સૌથી વધુ ઉજળી છે. તેણે હજુ 7 ટેસ્ટ રમવાની છે જેમાંથી 5 ટેસ્ટ તેના ઘરે રમવાની છે. જેમાં 3 ઈંગ્લેન્ડ સામે અને 2 ટેસ્ટ ન્યૂઝીલેન્ડ સામે છે. તે જ સમયે, બહારની 2 ટેસ્ટમાં તેને શ્રીલંકામાં રમવાનું છે. જો તે આ 7 ટેસ્ટમાંથી 5 પણ જીતે છે, તો તેની ટકાવારી 65થી ઉપર હશે. એટલે કે વર્લ્ડ ટેસ્ટ ચેમ્પિયનશીપની ફાઈનલ રમવાનો મોટો દાવેદાર હાલમાં દેખાઈ રહ્યો છે.
શ્રીલંકાની આશા પણ અકબંધ છે. જો કે, ત્યા સુધી પહોંચવાનો માર્ગ થોડો અઘરો છે. આ માટે તેણે ઓસ્ટ્રેલિયા અને પાકિસ્તાનને ઘરઆંગણે હરાવવું પડશે અને પછી ન્યુઝીલેન્ડના ઘરે જીત મેળવવી પડશે. 65% સુધી પહોંચવા માટે તેમને ઓછામાં ઓછી 4 જીત અને 1 ડ્રોની જરૂર છે.
ઓસ્ટ્રેલિયાની ટીમે 11 ટેસ્ટ રમવાની છે. જો તે ઘરઆંગણે રમાયેલી 5માંથી 4 ટેસ્ટ અને એશિયામાં 2 ટેસ્ટ જીતી લે તો તેના માટે 65 પર્સેન્ટાઈલને સ્પર્શ કરવાનું આસાન બની જશે. બીજી તરફ દક્ષિણ આફ્રિકા સામે ઈંગ્લેન્ડ કે ઓસ્ટ્રેલિયામાંથી કોઈ એક વિદેશી ટેસ્ટ શ્રેણી જીતવાનો પડકાર રહેશે.
Published On - 10:35 pm, Wed, 29 June 22