વિશ્વભરમાં સૌથી વધુ લોકપ્રિય ઈન્ડિયન પ્રીમિયર હવે પુરુષોની ટૂર્નામેન્ટ બાદ મહિલા ક્રિકેટ લીગની શરુઆત કરવા જઈ રહ્યુ છે. આ માટે પાંચ ટીમોનુ ઓક્શન થઈ ચુક્યુ છે અને હવે ખેલાડીઓનુ ઓક્શન થનારુ છે. મીડિયા રીપોર્ટનુસાર આગામી 13 ફેબ્રુઆરીએ મુંબઈમાં ખેલાડીઓનુ ઓક્શન યોજાનાર છે. 5 ટીમો 90 જેટલી મહિલા ખેલાડીઓને ખરીદશે અને આ માટે વિશ્વભરની મહિલા ખેલાડીઓએ પોતાના નામ રજીસ્ટ્રેશન કરાવ્યા છે. વિશ્વની સ્ટાર ખેલાડીઓ પણ મહિલા લીગના ઓક્શનની રાહ જોઈ રહી છે, કારણ કે વિશ્વમાં મહિલા ક્રિકેટ નવા જ અંદાજમાં જોવા મળશે.
મહિલા પ્રીમિયર લીગની શરુઆતની સિઝનને લઈ પહેલાથી જ રોમાંચ સાથે તેની શરુઆતની આતુરતા જોવા મળી રહી છે. હવે જોકે હવે પ્રથમ સિઝન આડે માત્ર એક જ મહિનો રહેવા પામ્યો છે. આગામી મહિને મહિલા ક્રિકેટરો ભારતમાં આયોજીત થનારી મહિલા લીગમાં ધૂમ મચાવશે.
મીડિયા રિપોર્ટનુસાર આગામી 13 ફેબ્રુઆરીને સોમવારે મુંબઈમાં ઓક્શનનુ આયોજન થઈ શકે છે. આ માટે હજુ અધિકારીક રીતે એલાન ભારતીય ક્રિકેટ બોર્ડ દ્વારા કરવામાં આવ્યુ નથી. જોકે 13મી તારીખ નિશ્ચિત હોવાનુ રિપોર્ટસમાં બતાવાઈ રહ્યુ છે. આ પહેલા ફેબ્રુઆરી મહિનાની શરુઆતે જ ઓક્શન યોજવાની વાત ચર્ચામાં હતી. પરંતુ જલ્દીથી તે શક્ય નહોતુ. આમ હવે તે એક સપ્તાહ પાછળની તારીખે ઓક્શન થવાની સંભાવનાર છે.
ઓક્શનમાં વિશ્વભરની 90 મહિલા ખેલાડીઓને પાંચ ટીમોનો હિસ્સો બનવાનો મોકો મળશે. આ માટે વિશ્વભરની મહિલા ખેલાડીઓએ મહિલા લીગના ઓક્શન માટે પોતાના નામ રજીસ્ટ્રેશન કરાવ્યા છે.
Published On - 11:44 pm, Sun, 5 February 23