Hardik Pandyaએ પોતાની બોલિંગને લઈને આપી મોટી પ્રતિક્રિયા

હાર્દિક પંડ્યા (Hardik Pandya) હવે સતત બોલિંગ કરતો જોવા મળી શકે છે. તેની લાઈન અને લેન્થમાં પણ સુધારો જોવા મળ્યો છે. દરમિયાન હાર્દિક પંડ્યાએ કહ્યું છે કે તે હવે સતત બોલિંગ કરી રહ્યો છે અને 4 ઓવર નાખી શકે છે. વેસ્ટ ઈન્ડિઝ સામે હાર્દિક પંડ્યાની બોલિંગ શાનદાર રહી છે. વિન્ડીઝ સામેની ત્રીજી T20 મેચમાં ભારતની જીત બાદ હાર્દિક પંડ્યાએ કહ્યું કે હા, હું પહેલા બોલિંગ કરતો હતો. જ્યારે કોઈ સારી બોલિંગ કરતું ન હતું, ત્યારે હું મધ્યમાં ફિલર તરીકેનું કામ કરતો હતો. હું કદાચ કહી શકું છું કે હવે હું ત્રીજા સીમર તરીકે અથવા ચોથા સીમર તરીકે ચાર ઓવર ફેંકી શકું છું. તો હું બેટથી સમાન યોગદાન આપી શકું છું.

મહત્વનું છે કે ભારતીય ટીમનો ઓલરાઉન્ડ હાર્દિક પંડ્યા (Hardik Pandya) છેલ્લા ઘણા સમયથી ઈજાના કારણે મેદાનથી દુર રહ્યો હતો. ઈજા બાદ કમબેક કર્યા બાદ તે બોલિંગ કરી શકતો ન હતો. ત્યારબાદ તેણે આઈપીએલ 2022 (IPL 2022)માં ગુજરાત ટાઇટન્સ ટીમ તરફથી રમ્યો અને બેટ-બોલથી શાનદાર પ્રદર્શન કરીને પોતાની ટીમને ચેમ્પિયન બનાવી હતી. આ અંગે તેણે કહ્યું કે દેખીતી રીતે જ મને બોલિંગનો આનંદ આવ્યો છે અને તેનાથી ટીમને સંતુલન મળે છે. તેનાથી કેપ્ટનને આત્મવિશ્વાસ પણ મળે છે. પછી મેં વિચાર્યું કે મને લાગ્યું કે તે ટીમને સંતુલન આપે છે તેથી મારે બોલિંગ માટે થોડો સમય લેવો જોઈએ.

મંગળવારે વેસ્ટ ઈન્ડિઝ સામે રમાયેલી મેચમાં હાર્દિક પંડ્યાએ ચાર ઓવરમાં 19 વિકેટે 1 રનની શાનદાર બોલિંગ કરી હતી. હાર્દિક પંડ્યાની પ્રથમ ઓવરમાં બ્રાન્ડન કિંગની વિકેટ લઈને ટીમને રમતમાં પ્રથમ સફળતા મળી હતી. ત્રીજી T20 મેચમાં ભારતીય ટીમ (Team India)એ વેસ્ટ ઈન્ડિઝ (West Indies Cricket)ની ટીમને 7 વિકેટના મોટા અંતરથી હરાવ્યું હતું. આ રીતે સિરીઝ પણ 2-1થી ડ્રો થઈ ગઈ છે. ટીમ ઈન્ડિયાને વેસ્ટ ઈન્ડિઝ તરફથી 165 રનનો ટાર્ગેટ મળ્યો હતો. ભારતને 3 વિકેટે મળી હતી. ટીમ ઈન્ડિયાને આગામી બે મેચમાં એક જીતવાની છે.