Shubman Gill Six : શુભમન ગિલે ફટકાર્યો 104 મીટરનો ગગનચુંબી છગ્ગો, સ્ટેડિયમ બહાર ગયો બોલ, Watch Video

બુધવારે ભારત અને વેસ્ટ ઈન્ડિઝ (WI vs IND) વચ્ચે શ્રેણીની ત્રીજી અને છેલ્લી વનડે મેચ રમાઈ હતી. ભારતે ટોસ જીતીને પ્રથમ બેટિંગ કરવાનું પસંદ કર્યું અને શિખર ધવન (Shikhar Dhawan), શુભમન ગિલ (Shubman Gill) ની જોડીએ શાનદાર શરૂઆત કરી. શુભમન ગિલે પોતાની ઇનિંગનો એવો જોરદાર શોટ લગાવ્યો કે બોલ સ્ટેડિયમની બહાર ગયો.

ભારતની ઈનિંગની 15મી ઓવરમાં જ્યારે વેસ્ટ ઈન્ડિઝ તરફથી સ્પિનર ​​હેડન વોલ્શ બોલિંગ કરવા આવ્યો હતો. ત્યારે શુભમન ગિલ સ્ટ્રાઈક પર હતો. ઓવરના બીજા બોલ પર શુભમન ગિલ આગળ વધ્યો અને બોલને લોંગ ઓન તરફ ફટકાર્યો.

ગિલે 104 મીટર ઉચો છગ્ગો ફટકાર્યો

આ બોલ એટલો ઊંચો અને દૂર ગયો કે બધા આશ્ચર્યચકિત થઈ ગયા. શુભમન ગિલ (Shubman Gill) નો આ છગ્ગો 104 મીટર લાંબો હતો અને બોલ સ્ટેડિયમની છત પર નીકળી ગયો હતો. આ પછી અમ્પાયરોએ બોલ બદલવો પડ્યો હતો. ત્યાર બાદ મેચ આગળ વધી શકી હતી.

ત્રણેય વન-ડેમાં ધવન-ગિલની જોડાએ ભારતને શાનદાર શરૂઆત અપાવી

તમને જણાવી દઈએ કે વેસ્ટ ઇન્ડિઝ સામેની આ વન-ડે સિરીઝમાં શિખર ધવન અને શુભમન ગિલે ભારત માટે ઓપનિંગ કરી હતી અને ત્રણેય મેચમાં આ ખેલાડીઓએ ભારતને શાનદાર શરૂઆત અપાવી હતી. શિખર ધવન અને શુભમન ગિલ આ સિરીઝમાં અત્યાર સુધી સૌથી વધુ રન બનાવનાર બેટ્સમેન છે.

ભારતે વેસ્ટ ઇન્ડિઝના સુપડા સાફ કર્યા

ભારતીય ટીમે ત્રીજી વન ડેમાં શાનદાર પ્રદર્શન કરતા ડકવર્થ એન્ડ લુઈસના (Duckworth & Lewis) નિયમોને આધિન જીત મેળવી હતી. એ સાથે જ ભારતે વેસ્ટ ઈન્ડિઝ સામેની 3 એક દિવસીય મેચની શ્રેણીમાં 3-0થી જીત મેળવી. ત્રીજી વનડેમાં ડકવર્થ લુઈસ નિયમ હેઠળ વેસ્ટ ઈન્ડિઝને 35 ઓવરમાં 257 રન બનાવવાનો લક્ષ્યાંક મળ્યો હતો. પરંતુ કેરેબિયન ટીમ 26 ઓવરમાં 137 રન બનાવીને આઉટ થઈ ગઈ હતી. વરસાદ બાદ બદલાયેલી પરિસ્થિતિનો ભારતીય બોલરોએ ભરપૂર ફાયદો ઉઠાવ્યો હતો. વેસ્ટ ઈન્ડિઝ તરફથી કોઈ બેટ્સમેન અડધી સદી ફટકારી શક્યું ન હતું. વેસ્ટ ઇન્ડિઝના સુકાની નિકોલસ પૂરન અને બ્રેન્ડન કિંગે સૌથી વધુ 42-42 રન બનાવ્યા હતા. ભારત તરફથી ચહલે શાનદાર બોલિંગ કરી હતી. તેણે સૌથી વધુ 4 વિકેટ ઝડપી હતી. તો શાર્દુલ ઠાકુર અને મોહમ્મદ સિરાજે 2-2 વિકેટ અને અક્ષર પટેલ-પ્રસિદ્ધ કૃષ્ણાએ 1-1 વિકેટ ઝડપી હતી.