બેવડી સદી ફટકાર્યા બાદ ન કરી ઉજવણી, ઓસ્ટ્રેલિયામાં પાકિસ્તાનના નવા કેપ્ટન સાથે શું થયું?

પાકિસ્તાનની ટીમ ઓસ્ટ્રેલિયાના પ્રવાસે છે અને તેના નવા ટેસ્ટ કેપ્ટન શાન મસૂદે આ પ્રવાસ પર પગ મૂકતાની સાથે જ તેનું આકર્ષણ ફેલાવવાનું શરૂ કરી દીધું છે. તેની કેપ્ટનશિપની તાકાત જોવાનું બાકી છે. પરંતુ, તે પહેલા તેણે પોતાના બેટથી મોટી ઈનિંગ રમી બતાવી છે. શાન મસૂદે ઓસ્ટ્રેલિયાના મેદાન પર ઉતરતાની સાથે જ સદી નહીં પરંતુ બેવડી સદી ફટકારી હતી. કેનબેરામાં રમાઈ રહેલી પ્રેક્ટિસ મેચમાં તેણે ઓસ્ટ્રેલિયાની પ્રાઈમ મિનિસ્ટર ઈલેવન ટીમ સામે આ કારનામું કર્યું હતું.

શાન મસૂદે અણનમ 201 રન બનાવ્યા

શાન મસૂદે પ્રેક્ટિસ મેચની પ્રથમ ઈનિંગ્સમાં પોતાની શાનદાર બેવડી સદી ફટકારી હતી. 295 બોલનો સામનો કરીને તેણે અણનમ 201 રન બનાવ્યા હતા, જેમાં 14 ચોગ્ગા અને 1 છગ્ગાનો સમાવેશ થાય છે. શાન મસૂદની કેપ્ટન ઈનિંગને કારણે પાકિસ્તાને 9 વિકેટે 391 રન બનાવીને પ્રથમ દાવ ડિકલેર કર્યો હતો.

ફર્સ્ટ ક્લાસ ક્રિકેટમાં શાન મસૂદની ત્રીજી બેવડી સદી

શાન મસૂદે ફર્સ્ટ ક્લાસ ક્રિકેટમાં ફટકારેલી આ પહેલી બેવડી સદી નથી. આ પહેલા તેણે વધુ બેવડી સદી ફટકારી હતી. મતલબ, એકંદરે તેણે ફર્સ્ટ ક્લાસ ક્રિકેટમાં 3 બેવડી સદી ફટકારી છે. હવે સવાલ એ છે કે શાન મસૂદ દ્વારા ઓસ્ટ્રેલિયન ધરતી પર ફટકારવામાં આવેલી બેવડી સદીની શા માટે ઉજવણી ન કરી?

Respect

A nice start to life as captain for Shan Masood, who has brought up a double-century off 295 balls against the Prime Minister’s XI.

Stream every ball of the #PMXIvPAK tour match from Canberra: https://t.co/1tD7x5ADlW pic.twitter.com/oiBzSZQqbE

— cricket.com.au (@cricketcomau) December 7, 2023

શાન મસૂદે બેવડી સદીની ઉજવણી ન કરી

બેવડી સદી બાદ શાન મસૂદની ઉજવણીની તસવીરમાં તે પોતાનું બેટ અડધું ઉંચુ કરતો જોવા મળે છે, જાણે તેણે બેવડી સદી નહીં પણ અડધી સદી ફટકારી હોય. સામાન્ય રીતે, બેવડી સદી પછી, બેટ્સમેન તેના બંને હાથ ખોલે છે અને બેટને હવામાં લહેરાવે છે. પોતાનું હેલ્મેટ ઉતારે છે અને લોકોનું અભિવાદન સ્વીકારે છે. પરંતુ, શાન મસૂદની ઉજવણીમાં એવું કંઈ નહોતું.

પ્રશ્ન એ છે કે આવું કેમ થયું?

ડબલ સેન્ચુરીની કોઈ ઉજવણી ન કરવા પાછળનું મુખ્ય કારણ પાકિસ્તાનના બાકીના બેટ્સમેનોનું ખરાબ પ્રદર્શન હોઈ શકે છે. પ્રેક્ટિસ મેચની પ્રથમ ઈનિંગમાં શાન મસૂદે પોતાની ટીમના અડધાથી વધુ રન બનાવ્યા હતા. જો તેમના 201 રનને બાદ કરીએ તો પાકિસ્તાનના 8 બેટ્સમેનોએ મળીને સ્કોર બોર્ડ પર માત્ર 190 રન બનાવ્યા હતા, જેમાંથી 13 રન એકસ્ટ્રા હતા. એટલું જ નહીં, પાકિસ્તાન તરફથી અન્ય કોઈ બેટ્સમેન અડધી સદી પણ ફટકારી શક્યો નહીં. શાન મસૂદના 201 અણનમ રન બાદ જો કોઈ બેટ્સમેનનો સૌથી વધુ 41 રનનો સ્કોર હોય તો તે સરફરાઝ અહેમદનો હતો.

પાકિસ્તાન ટીમના પ્રદર્શનથી કેપ્ટન ખુશ નથી

શાન મસૂદે આવા શાનદાર પ્રદર્શન બાયડ પણ કોઈ ઉજવણી ન કરી કારણકે તે કેપ્ટન ટીમના પ્રદર્શનથીખુશ નથી. શાન મસૂદ ઓસ્ટ્રેલિયાના કપરા પ્રવાસ વિશે જાણે છે. તે જાણે છે કે આ માત્ર પ્રેક્ટિસ મેચ છે પરંતુ ઓસ્ટ્રેલિયા સાથે 14 ડિસેમ્બરથી શરૂ થનારી ટેસ્ટ સિરીઝમાં જો બેટ્સમેનોની હાલત આવી જ રહી તો પાકિસ્તાન માટે મુશ્કેલી ઊભી થઈ શકે છે.

આ પણ વાંચો: સુરતમાં ચાલુ મેચ દરમિયાન ગૌતમ ગંભીર અને શ્રીસંત વચ્ચે બબાલ, જુઓ વીડિયો