શોએબ અખ્તરે ઉમરાન મલિકને કહ્યું, મારો રેકોર્ડ તોડવો આસાન નથી, હાડકાં તૂટી જશે

ઉમરાન મલિકને (Umran Malik) વર્તમાન ક્રિકેટમાં સ્પીડનો નવો બાદશાહ કહેવામાં આવે તો ખોટું નહીં હોય. તે IPL 2022 માં ઝળકી રહ્યો છે. વિશ્વના નામાંકિત બોલરોમાં ઉમરાનની પોતાની આગવી ઓળખ ઊભી થઈ છે. બેટ્સમેનો તેના ઝડપી બોલ સામે થરથરી રહ્યા છે. ઉમરાન મલિકની બોલિગમાં વિકેટો ટપોટપ પડી રહી છે. હવે ઉમરાનની ઝડપે સરહદ પાર બેઠેલા પાકિસ્તાની બોલરોનું પણ ધ્યાન ખેંચ્યું છે. તમામ રેકોર્ડ તોડતી ઉમરાનની સ્પીડ પર શોએબ અખ્તરે (Shoaib Akhtar) મોટું નિવેદન આપ્યું છે. કદાચ એટલા માટે કે તેને પણ હવે ઉમરાનની ઝડપને કારણે પોતાનો રેકોર્ડ તૂટવાનો ડર સતાવી રહ્યો છે. ખરેખર, આ સમયે વિશ્વ ક્રિકેટમાં સૌથી ઝડપી બોલ (Fastest Ball) ફેંકવાનો રેકોર્ડ શોએબ અખ્તરના નામે છે. અને, ઉમરાને જે રીતે IPL 2022માં મેચ પ્રતિમેચ તેની ગતિને વધારી રહ્યો છે, તે જોતા શોએબ અખ્તરના રેકોર્ડ માટે મોટો ખતરો બની ગયો છે.

ઉમરાન મલિકે આ સિઝનમાં IPL ઈતિહાસનો બીજો સૌથી ઝડપી બોલ ફેંક્યો છે. તે પણ ત્યારે જ્યારે તે 154 kmphની ઝડપે બોલ ફેંકીને માત્ર 155 kmphની સ્પીડ પકડવાનું સપનું જોઈ રહ્યો હતો. આગલી જ મેચમાં આ સપનું સાકાર થયુ. અને પછી બોલ ફેંક્યો જેના કારણે તે IPL ઇતિહાસનો બીજો સૌથી ઝડપી બોલર બન્યો.

શું ઉમરાનની ગતિથી શોએબ અખ્તર નર્વસ છે ?

IPL 2022માં ઉમરાને 157 kmphની ઝડપે બોલ ફેંક્યો હતો. માત્ર શોન ટેટે જ IPLમા તેના કરતા વધુ ઝડપી બોલિંગ કરી છે, જેની સ્પીડ 157.7 kmph હતી. એટલે કે, જો જોવામાં આવે તો, IPL પીચ ઉપર ઉમરાન અને ઝડપી બોલ નાખવાના મુદ્દે ટોચ ઉપર રહેલા શોન ટેટ વચ્ચે માત્ર પોઈન્ટ 7 નો જ તફાવત દેખાય છે. આગામી મેચોમાં ઉમરાન, શોન ટેટની ઝડપને પણ પાછળ છોડી દે તો નવાઈ નહીં. પાકિસ્તાનમાં બેઠેલા શોએબ અખ્તરને આ વાતનો અહેસાસ થાય છે. આટલું જ નહીં, તેને એવું પણ લાગે છે કે તેનો રેકોર્ડ જોખમમાં આવવા લાગ્યો છે. તેથી જ તે ઉમરાનને ઉશ્કેરવા માંગતો હોય તેવા નિવેદનો આપવા પર તલપાપડ થયો છે, જેથી ઉમરાન ઘાયલ થાય અને તેનો રેકોર્ડ અકબંધ રહે.

ઉમરાન વર્લ્ડ રેકોર્ડથી માત્ર 4.3 કિમી પ્રતિ કલાક દૂર છે

પાકિસ્તાનના પૂર્વ ફાસ્ટ બોલરે શોએબ અખ્તરે, ઉમરાન વિશે શું કહ્યું, હવે જાણો. પરંતુ તે પહેલા અમે તમને જણાવી દઈએ કે શોએબ અખ્તરના નામે સૌથી ઝડપી બોલ ફેંકવાનો વર્લ્ડ રેકોર્ડ નોંધાયેલો છે. તેની ઝડપી બોલની સ્પીડ 161.3 kmph હતી. એટલે કે IPLમાં ઉમરાને ફેકેલા ઝડપી બોલ કરતાં 4.3 kmphની સ્પીડ વધુ છે.

અખ્તર ક્યાંય ઉશ્કેરતો તો નથી ને !

હવે જ્યારે શોએબને પૂછવામાં આવ્યું કે શું ઉમરાનમાં પણ તારા જેવી જ ઝડપી બોલ નાખવાની તાકાત છે, તો તારા ઝડપી બોલ નાખવાના રેકોર્ડને નષ્ટ કરશે? આ સવાલના જવાબમાં શોએબ અખ્તરે કહ્યું કે, જો ઉમરાન મારો રેકોર્ડ તોડશે તો મને ખુશી થશે. “અહી સુધી કો સારું છે પણ… તમે પણ કહેશો કે આ નિવેદનમાં એવું કંઈ નથી. પરંતુ સમસ્યા આ વસ્તુ સાથે નથી. તેની આગળની પંક્તિમાં ડર અને ભય બન્ને જોવા મળે છે. શોએબ અખ્તરનું સંપૂર્ણ નિવેદન વાંચો.

“જો ઉમરાન મારો રેકોર્ડ તોડશે તો મને ખુશી થશે. હા, પણ તે મારો રેકોર્ડ તોડવાના ચક્કરમાં, પોતાના હાડકાં તોડવા માંગતો નહી હોય. પ્રયાસ કરી રહ્યો છે. સારી વાત છે. હવે એક તરફ તેઓ ખુશી વ્યક્ત કરી રહ્યા છે અને બીજી તરફ તે એવું કહીને ઉમારનને ડરાવવાની કોશિશ કરી રહ્યો છે કે આવું ના કરીશ તારા હાડકાં તૂટી જશે.

ઉમરાન યુવાન છે. ફાસ્ટ બોલરમાં જે ઉત્સાહ હોવો જોઈએ તેટલો જ ઉત્સાહ તેનામાં છે. તમારે ફક્ત તે ઉત્સાહને કાબૂમાં રાખવાનો છે. આવા નિવેદનોને પોતાના પર હાવી ન થવા દેવા જોઈએ. જો શક્ય હોય તો ભવિષ્યમાં શોએબ અખ્તરનો રેકોર્ડ ચોક્કસપણે તોડી શકે છે.