IND vs WI: ભારત સામે T20 સિરીઝ માટે વેસ્ટ ઇન્ડિઝે ટીમ પસંદ કરી, ઇંગ્લેન્ડ સામે મેદાને ઉતરનારા 16 ખેલાડીઓને સ્થાન
T20 શ્રેણી માટે ટીમમાં કુલ 16 ખેલાડીઓ છે, જેનું સુકાની કિરોન પોલાર્ડ (Kieron Pollard) અને વાઇસ-કેપ્ટન નિકોલસ પૂરન છે. આ પહેલા વેસ્ટ ઈન્ડિઝે પણ પોતાની ODI ટીમની જાહેરાત કરી હતી.
વેસ્ટ ઈન્ડિઝે ભારત સામેની 3 મેચની T20 શ્રેણી માટે ટીમ (West Indies Cricket Team) ની જાહેરાત કરી છે. ટીમમાં કોઈ ફેરફાર નથી. મતલબ કે આ એ જ ટીમ છે જે ઈંગ્લેન્ડ સામે 5 મેચની ઘરેલુ T20 શ્રેણીમાં રમી રહી છે અને સારું પ્રદર્શન કરી રહી છે. ટીમમાં કુલ 16 ખેલાડીઓ છે, જેનું સુકાની કિરોન પોલાર્ડ (Kieron Pollard) અને વાઇસ-કેપ્ટન નિકોલસ પૂરન (Kieron Pollard) છે. અગાઉ વેસ્ટ ઈન્ડિઝે પણ તેમની ODI ટીમની જાહેરાત કરી હતી, જે 3 મેચની ODI શ્રેણીમાં ભારતનો સામનો કરશે. ODI ટીમની કમાન પણ પોલાર્ડના હાથમાં છે.
ભારત અને વેસ્ટ ઈન્ડિઝ વચ્ચે 16 ફેબ્રુઆરીથી ટી-20 સિરીઝ શરૂ થશે. બીજી મેચ 18 ફેબ્રુઆરીએ રમાશે જ્યારે ત્રીજી મેચ 20 ફેબ્રુઆરીએ રમાશે. ટી-20 સિરીઝ કોલકાતાના ઈડન ગાર્ડન્સમાં રમાશે. તે પહેલા 6 ફેબ્રુઆરીથી વનડે સિરીઝ રમાશે. બીજી ODI 9 ફેબ્રુઆરીએ રમાશે જ્યારે ત્રીજી ODI 11 ફેબ્રુઆરીએ રમાશે. એકંદરે, 6 થી 20 ફેબ્રુઆરીની વચ્ચે એટલે કે 14 દિવસમાં, વેસ્ટ ઈન્ડિઝ ભારતના પ્રવાસ પર ODI અને T20 બંને શ્રેણી રમશે.
T20 ટીમમાં ફેરફાર ન કરવા અંગે હેન્સે શું કહ્યું?
વેસ્ટ ઈન્ડિઝના મુખ્ય પસંદગીકાર ડેસમંડ હેન્સે ટી20 ટીમમાં ફેરફાર ન કરવા અંગે કહ્યું કે, “તમામ ખેલાડીઓ ઈંગ્લેન્ડ સામેની ટી20 શ્રેણીમાં સારું પ્રદર્શન કરી રહ્યા છે. તેથી અમે તે જ ખેલાડીઓ સાથે રહેવાનું નક્કી કર્યું છે. તે પોતાની પ્રતિભાનું શાનદાર પ્રદર્શન કરી રહ્યો છે અને અમને આશા છે કે તેના ભારત પ્રવાસમાં પણ આવી જ રમત જોવા મળશે.”
T20 શ્રેણી માટે 16 સભ્યોની વેસ્ટ ઈન્ડિઝની ટીમ નીચે મુજબ છે:
કિરોન પોલાર્ડ (કેપ્ટન), નિકોલસ પૂરન (વાઈસ-કેપ્ટન), ફેબિયન એલન, ડેરેન બ્રાવો, રોસ્ટન ચેઝ, શેલ્ડન કોટ્રેલ, જેસન હોલ્ડર, ડોમિનિક ડ્રેક્સ, શાઈ હોપ, અકીલ હુસૈન, બ્રાન્ડોન કિંગ, રોવમેન પોવેલ, રોમારિયો શેફર્ડ, ઓડિયન સ્મિથ, કાયલ માયર્સ, હેડન વોલ્શ જુનિયર.
વેસ્ટ ઈન્ડિઝના ભારત પ્રવાસનું સમયપત્રક
6 ફેબ્રુઆરી – 1લી ODI – અમદાવાદ 9મી ફેબ્રુઆરી – 2જી ODI – અમદાવાદ 11 ફેબ્રુઆરી – ત્રીજી ODI – અમદાવાદ
16 ફેબ્રુઆરી – 1લી T20 – કોલકાતા 18 ફેબ્રુઆરી – બીજી T20 – કોલકાતા 20 ફેબ્રુઆરી – ત્રીજી T20 – કોલકાતા
તમામ ODI મેચો નરેન્દ્ર મોદી સ્ટેડિયમમાં રમાશે. જ્યારે ટી-20 શ્રેણીની ત્રણેય મેચ ઈડન ગાર્ડન્સમાં રમાશે. અગાઉ ભારત 6 શહેરોમાં વેસ્ટ ઈન્ડિઝની યજમાની કરવા જઈ રહ્યું હતું. પરંતુ કોરોનાના કારણે સીરિઝનું સ્થળ ઘટાડવામાં આવ્યું છે.
આ પણ વાંચોઃ ટીમ ઈન્ડિયાના ખેલાડીએ IPL પર વ્યક્ત કર્યું દુઃખ, કહ્યું- 2014 થી 9 વખત હરાજીમાં નામ મોકલ્યુ, કોઈએ લીધો નહીં
આ પણ વાંચોઃ IND vs WI: ઋષભ પંત ટીમ ઇન્ડિયાનો વાઇસ કેપ્ટન બની શકે છે, વેસ્ટ ઇન્ડિઝ સિરીઝમાં થઇ શકે છે મોટો નિર્ણય!
