Virat Kohli, IPL 2023: વિરાટ કોહલીને ભૂલની મળી સજા, મોટા શોટના ચક્કરમાં વિકેટકીપરને આપી બેઠો કેચ

MI VS RCB: મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે વાનખેડે સ્ટેડિયમમાં રમાઈ રહી છે. આ દરમિયાન વિરાટ કોહલી માત્ર 1 જ રન નોંધાવીને વિકેટ ગુમાવી બેઠો હતો.

Virat Kohli dismissed 1 run at Wankhede MI vs RCB

TV9 Gujarati | Edited By: Avnish Goswami | Updated on: May 09, 2023 | 9:37 PM

IPL 2o23 ની આજે જબરદસ્ત મેચ વાનખેડેમાં રમાઈ રહી છે. મુંબઈ ઈન્ડિયન્સ અને રોયલ ચેલેન્જર્સ બેંગ્લોર વચ્ચે ટક્કર થઈ રહી છે. પ્લેઓફની રેસમાં સ્થાન બનાવી રાખવા માટે આજે મેચમાં જીત મહત્વની બની રહી એમ છે. ટોસ જીતીને બેંગ્લોરને પ્રથમ બેટિંગ માટે મેદાને ઉતારવાનો નિર્ણય રોહિત શર્માએ કર્યો હતો. ઓપનર વિરાટ કોહલી વાનખેડેમાં ફ્લોપ રહ્યો હતો. મેચની પ્રથમ ઓવરમાં જ તે પોતાની વિકેટ ગુમાવીને પરત ફર્યો હતો.

વિરાટ કોહલી ભારતીય સ્ટાર બેટર છે અને તે અનેક વિક્રમ આંતર રાષ્ટ્રીય ક્રિકેટ અને આઈપીએલમાં નોંધાવી ચૂક્યો છે. પરંતુ વાનખેડેમાં તે માત્ર એક જ રન નોંધાવીને પેવેલિયન પરત ફર્યો હતો. ખોટા શોટની પસંદગીએ તેને વિકેટકીપરના હાથમાં ઝડપાવ્યો હતો. બેંગ્લોર માટે કોહલીના બેટથી આજે રન નિકળવા જરુરી હતા અને તે આશાઓ ફળી નહોતી.

Web Stories View more

પાકિસ્તાનમાં આતંકવાદી હુમલાઓની તપાસ કોણ કરે છે?

ખાંડથી પણ વધુ ખતરનાક ધીમું ઝેર રોજ ખાઈ રહ્યા છે લોકો, નામ જાણીને ચોંકી જશો

Hidden Gold : તમારા ઘરની કઈ ઇલેક્ટ્રોનિક વસ્તુઓમાં હોય છે સોનું ? જાણો

AC Tips : સારી ઊંઘ માટે રાત્રે AC કેટલા પર રાખવું જોઈએ?

ચાખ્યા વગર કેવી રીતે ખબર પડે કે કાકડી કડવી છે કે નહીં ?

160 દિવસના પ્લાનમાં ફ્રી કોલિંગ અને દરરોજ 2GB ડેટા ! BSNL યુઝર્સની મોજ

માત્ર 1 રન નોંધાવ્યો

આમ તો વિરાટ કોહલીએ સિઝનમાં 2 એપ્રિલે મુંબઈ સામે બેટ ખોલીને રમતા એક તરફી જીત બેંગ્લોરને અપાવી હતી. જોકે એ મેદાન બેંગ્લોરનુ હોમ ગ્રાઉન્ડ હતુ. એટલે કે એમ ચિન્નાસ્વામી સ્ટેડિયમ હતુ. જ્યારે આ વખતે મેદાન વાનખેડે હતુ. મુંબઈ સામે આજે એવી જ રમતની આશા બેંગ્લોરની હતી જેવી અગાઉની મેચમાં મુંબઈ સામે રમી હતી. જોકે વાનખેડેમાં જે અંદાજથી શોટ રમવાનો પસંદ કર્યો હતો, એ શોટ ટીમના માટે ખતરનાક હતો. બેંગ્લોરે પ્રથમ ઓવરમાં જ પોતાની પ્રથમ વિકેટ મોટા ખેલાડીની રુપમાં ગુમાવવી પડી હતી.

Jostling Jason Behrendorff gets @mipaltan off to a rollicking start! 🤯🔥#IPLonJioCinema #IPL2023 #MIvRCB #TATAIPL pic.twitter.com/4gWaTxHA8v

— JioCinema (@JioCinema) May 9, 2023

જેસન બેહરનડોર્ફ પ્રથમ ઓવર લઈને બેંગ્લોર સામે આવ્યો હતો. ઓવરનમાં આગળ આવીને રમવા જતા કોહલીએ વિકેટ ગુમાવી હતી. જેસનના બોલને આગળ નિકળીને મોટો શોટ ફટકારવાનો પ્રયાસ વિરાટ કોહલીનો હતો. જોકે બોલ સ્વિંગ થઈને બહાર નિકળ્યો હતો અને કોહલીએ તેમાં ચૂક કરતા બેટની કિનારીને અડકીને બોલ વિકેટકીપર ઈશાન કિશનના હાથમાં પહોંચ્યો હતો. ફિલ્ડ અંપાયરે નોટ આઉટ આપ્યો હતો. પરંતુ ઈશાનના કહેવા પર રોહિત શર્માએ પળનોય વિલંબ કર્યા વિના રિવ્યૂ લીધુ હતુ. જેમાં કોહલી સ્પષ્ટ આઉટ જણાયો હતો.