Trending Video : ઋષભ પંતનો ગગનચુંબી છગ્ગો! બોલ સ્ટેડિયમની બહાર રસ્તા પર પડ્યો, બોલર અને અમ્પાયર જોતા રહી ગયા!

ઋષભ પંતે ન્યૂઝીલેન્ડ સામેની ટેસ્ટ મેચમાં 102 મીટરનો ગગનચુંબી છગ્ગો ફટકારી સૌને ચોંકાવી દીધો. તેનો આ શાનદાર શોટ સીધો સ્ટેડિયમની બહાર રસ્તા પર જઈને પડ્યો હતો. પંતના આ પાવરફુલ શોટને જોઈને બોલર અને અમ્પાયર પણ આશ્ચર્યચકિત થઈ ગયા હતા.

Trending Video : ઋષભ પંતનો ગગનચુંબી છગ્ગો! બોલ સ્ટેડિયમની બહાર રસ્તા પર પડ્યો, બોલર અને અમ્પાયર જોતા રહી ગયા!
Rishabh Pant Six
Image Credit source: AI Generated
| Updated on: Nov 22, 2026 | 10:29 AM

વેલિંગ્ટનના બેસિન રિઝર્વ મેદાન પર ભારત અને ન્યૂઝીલેન્ડ વચ્ચે રમાયેલી પ્રથમ ટેસ્ટ મેચમાં ભારતીય બેટ્સમેનોએ શાનદાર સ્કોર કર્યો. ભારતે પહેલી ઈનિંગમાં 720 રન બનાવીને ન્યૂઝીલેન્ડ ટીમ સામે પોતાનો સર્વોચ્ચ ટેસ્ટ સ્કોર કર્યો. યશસ્વી જયસ્વાલ, કેએલ રાહુલ, દેવદત્ત પડિક્કલ, શુભમન ગિલ, ઋષભ પંત અને ધ્રુવ જુરેલની શાનદાર બેટિંગથી ભારતે ન્યૂઝીલેન્ડ સામે 352 રનની મોટી લીડ મેળવી હતી. આ સાથે જ ભારતીય ટીમે ન્યૂઝીલેન્ડને બેકફૂટ પર ધકેલી દીધું.

ઋષભ પંતનો 102 મીટરનો ગગનચુંબી છગ્ગો

ત્રીજા દિવસના અંતે 55 રન પર નોટઆઉટ રહેલો ઋષભ પંતે આજે (22 નવેમ્બર) ચોથા દિવસે પણ પોતાની આક્રમક બેટિંગ ચાલુ રાખી હતી. તેણે માત્ર 153 બોલમાં 128 રનની ઇનિંગ્સ રમી હતી. આ ઇનિંગ્સમાં તેણે 10 ચોગ્ગા અને 6 છગ્ગા માર્યા હતા. આ ઇનિંગ્સની સૌથી વધુ ચર્ચામાં રહેલી ક્ષણ ત્યારે આવી, જ્યારે ઋષભ પંતે ન્યૂઝીલેન્ડના ફાસ્ટ બોલર કાઇલ જેમિસનની બોલિંગમાં 102 મીટરનો ગગનચુંબી છગ્ગો માર્યો. આ બોલ સીધો સ્ટેડિયમની બહાર રસ્તા પર જઈને પડ્યો. આવા લાંબા છગ્ગા સામાન્ય રીતે T20 ક્રિકેટમાં જોવા મળે છે. જોકે ટેસ્ટ ક્રિકેટમાં પંતના આ શોટે મેદાનમાં હાજર દર્શકોની સાથે બોલરોને પણ આશ્ચર્યચકિત કરી દીધા.

ટેસ્ટ ક્રિકેટમાં સૌથી વધુ છગ્ગા ફટકારનાર ખેલાડીઓની યાદીમાં પંત બીજા સ્થાને

ઋષભ પંતે પોતાની આક્રમક બેટિંગના દમ પર ટેસ્ટ ક્રિકેટમાં વધુ એક મોટો રેકોર્ડ પોતાના નામે કર્યો છે. તેણે ન્યૂઝીલેન્ડનો પૂર્વ કેપ્ટન બ્રેન્ડન મેક્કુલમને પાછળ છોડીને ટેસ્ટ ક્રિકેટમાં સૌથી વધુ છગ્ગા ફટકારનારા બેટ્સમેનોની યાદીમાં બીજું સ્થાન મેળવ્યું છે. પંતના નામે હવે કુલ 108 છગ્ગા નોંધાયા છે. આ યાદીમાં ઇંગ્લેન્ડનો બેન સ્ટોક્સ 138 છગ્ગા સાથે પ્રથમ સ્થાને છે.

ટેસ્ટ ક્રિકેટમાં સૌથી વધુ છગ્ગા ફટકારનારા બેટ્સમેનો

  • 138 છગ્ગા – બેન સ્ટોક્સ
  • 108 છગ્ગા – ઋષભ પંત
  • 107 છગ્ગા – બ્રેન્ડન મેક્કુલમ

ઋષભ પંતે રચ્યો ઇતિહાસ

ઋષભ પંતે 128 રનની શાનદાર ઇનિંગ્સ સાથે વધુ એક ઐતિહાસિક સિદ્ધિ પોતાના નામે કરી છે. ન્યૂઝીલેન્ડ સામેની આ જ ટેસ્ટ મેચમાં સદી ફટકારનાર કેએલ રાહુલ એવો પાંચમો ભારતીય બેટ્સમેન બન્યો હતો, જેણે તમામ SENA દેશો (દક્ષિણ આફ્રિકા, ઇંગ્લેન્ડ, ન્યૂઝીલેન્ડ અને ઓસ્ટ્રેલિયા)માં ટેસ્ટ સદી ફટકારી હોય. આ સાથે જ ઋષભ પંતે પણ આ સિદ્ધિ મેળવીને ઇતિહાસ રચ્યો હતો. તે તમામ SENA દેશોમાં ટેસ્ટ સદી ફટકારનાર છઠ્ઠો ભારતીય બેટ્સમેન બન્યો છે.

આ પણ વાંચો, Breaking News : ભારતીય ક્રિકેટર યુઝવેન્દ્ર ચહલ ભાજપમાં જોડાયો, OBC મોરચાની રાષ્ટ્રીય કાર્યસમિતિમાં વિશેષ આમંત્રિત સભ્ય તરીકે નિમણૂક

Follow Us
Loading...
Unable to load recommendations.