IPL 2022: તિલક વર્માએ ફટકારેલ સિક્સર Live પ્રસારણ કરી રહેલ કેમરામેનના માથામાં વાગી, જોનારા ઘડીક ભર ચિંતામાં મુકાયા

રાજસ્થાન રોયલ્સે 193 રનનો સ્કોર ખડક્યો છે, જેના જવાબમાં મુંબઈએ પણ દમદાર રમત દર્શાવી હતી, તિલક વર્માએ પણ આતશી ઈનીંગ સાથે અડધી સદી ફટકારી હતી.

Tilak Verma શાનદાર અડધી સદી ફટકારી હતી

TV9 Gujarati | Edited By: Avnish Goswami | Updated on: Apr 03, 2022 | 9:20 AM

મુંબઈમાં રાજસ્થાન રોયલ્સ અને મુંબઈ ઈન્ડિયન્સ (Mumbai Indians) વચ્ચે ટક્કર જામી છે. ટોસ હારીને પ્રથમ બેટીંગ માટે મેદાને ઉતરેલ રાજસ્થાન રોયલ્સે (Rajasthan Royals) મોટો સ્કોર ખડકી દીધો છે. રાજસ્થાન માટે ઓપનર જોસ બટલરે સદી ફટકારી ટીમના મોટા સ્કોર માટે મોટી ભૂમિકા ભજવી હતી. જવાબમાં લક્ષ્યનો પિછો કરતા. મુંબઈએ જબરદસ્ત શરુઆત કરી હતી. તિલક વર્મા અને ઈશાન કિશને વિશાળ ભાગીદારી વડે રન ચેઝ માટે મજબૂત પાયો ઉભો કર્યો હતો. તિલક વર્મા (Tilak Verma) એ તેની ઈનીંગમાં છગ્ગા વાળી રમત દર્શાવી હતી. આવો જ એક છગ્ગો તેણે ફટકારતા તે સીધો જ મેચનુ પ્રસારણ કરી રહેલ ટીમના કેમરામેનને જઈને વાગ્યો હતો.

તિલક વર્માએ ક્રિઝ પર ઉતરતા જ મક્કમતાપૂર્વકની રમત દર્શાવી હતી. તેણે એક બાદ એક તેણે જ્યારે મોકો મળ્યો ત્યારે ચોગ્ગા અને છગ્ગા ફટકારવાનુ ચુક્યો નહોતો. તેણે આવી જ રીતે 12 મી ઓવરમાં એક શાનદાર છગ્ગો ફટકાર્યો હતો. 12 મી ઓવર રિયાન પરાગ લઈને આવ્યો હતો. જેની ઓવરના શરુઆતના 4 બોલમાં 5 રન ઈશાન કિશન અને તિલકે મેળવ્યા હતા. ઓવરનો 5મા બોલનો સામનો તિલક કરી રહ્યો હતો, જે બોલને તેણે લોંગ ઓ પર હવામાં ફટકારી દીધો હતો.

Web Stories View more

Bank Of Baroda માંથી 50 લાખની હોમ લોન પર EMI કેટલી ચૂકવવી પડશે

ભારતના 5 રાજ્યો જ્યાં તમામ મુસ્લિમોને મળી રહ્યો છે અનામતનો લાભ

ગરમીમાંથી ઘરે પરત ફર્યા પછી ના કરતા આવી ભૂલો, સ્વાસ્થ્ય પર થશે ગંભીર અસર

તમે પણ ઘરે બેઠા ધોનીના ફાર્મથી મંગાવી શકો છો આ વસ્તુ, જુઓ

જામનગર બાદ અહીં થશે અનંત રાધિકાનું બીજું પ્રી વેડિંગ સેલિબ્રેશન, જુઓ તસવીર

દડો હવાઈ યાત્રા વડે સિધો જ છગ્ગાના સ્વરુપમાં બાઉન્ડરીની પાર પહોંચ્યો હતો. પરંતુ બોલ જમીન પર ટપ્પો ખાવાને બદલે મેચનુ પ્રસારણ કરી રહેલી ટીમનો હિસ્સો રહેલા કેમેરામેનના માથામાં જઈને પડ્યો હતો. કેમરામેન પણ મેદાનનુ પ્રસારણ કરવામાં ધ્યાન કેન્દ્રીત હતુ એ જ દરમિયાન આ છગ્ગા વાળો બોલ તેના માથા પર વાગ્યો હતો. કેમરામેન કેમરાને ટ્રાયપોડને સહારે છોડી દઈને ચોંકીને બાજુ પર ખસી ગયો હતો. જોકે માથા પર કેપ અને હેડફોન હોવાને લઇ બોલની ઈજા સદનસીબે થઈ નહોતી. જોકે આ દૃશ્યે મેચ નિહાળનારા સૌ કોઈને ઘડીક ભર તો ચિંતામાં મુકી દીધા હતા. કારણ કેમેરામેનના બોલ વાગવાની ઘટનાનુ પણ અન્ય લાઈવ કેમરા દ્વારા સીધુ પ્રસારણ થઈ રહ્યુ હતુ.

https://t.co/MnWdf3Cpaz #TilakVarma

— ANOOP DEV (@AnoopCricket) April 3, 2022

ઘટના બાદ બાઉન્ડરી નજીક રહેલા ખેલાડીઓએ પણ ચિંતા સાથે ઈશારાથી કેમેરામેનના હાલચાલ પુછી લીધા હતા. પરંતુ કેમરામેને પણ સ્વસ્થ હોવાનો ઈશારો કરી ફરીથી લાઈવ પ્રસારણ માટેના કામમાં જોડાઈ ગયો હતો.