IND VS AUS: ઓસ્ટ્રેલિયાની વનડે સિરીઝ બાદ ટીમ ઈન્ડિયાની બહાર થઈ શકે છે આ ખેલાડી, કાઉન્ટડાઉન શરૂ!
ભારત અને ઓસ્ટ્રેલિયા (IND VS AUS)વચ્ચે 22 સપ્ટેમ્બરથી ODI સિરીઝ શરૂ થઈ રહી છે. પ્રથમ મેચ મોહાલીમાં રમાશે, જેમાં દરેકની નજર એક એવા ખેલાડી પર રહેશે જે જો આ સિરીઝમાં નિષ્ફળ જાય તો ટીમ ઈન્ડિયાની બહાર થઈ શકે છે.
એશિયા કપમાં ચેમ્પિયન બન્યા બાદ હવે ટીમ ઈન્ડિયા સામે પડકાર ઓસ્ટ્રેલિયાનો છે, જેની સામે આ ટીમ 22 સપ્ટેમ્બરથી ત્રણ મેચની વનડે સીરીઝ રમવા જઈ રહી છે. ઓસ્ટ્રેલિયા સામે વનડે સિરીઝની પ્રથમ મેચ મોહાલીમાં રમાશે. મોટી વાત એ છે કે આ સિરીઝની પ્રથમ બે મેચમાં કેએલ રાહુલના હાથમાં કમાન્ડમાં છે કારણ કે રોહિત શર્માને આરામ આપવામાં આવ્યો છે. જ્યારે વિરાટ, હાર્દિક પંડ્યા અને કુલદીપ યાદવ પણ પ્રથમ બે મેચમાં નહીં રમે.
આવી સ્થિતિમાં ટીમ ઈન્ડિયા માટે ઓસ્ટ્રેલિયાને હરાવવું સ્વાભાવિક રીતે આસાન નહીં હોય. ટીમ ઈન્ડિયા સિવાય આ સિરીઝમાં એક ખૂબ જ મહત્વપૂર્ણ ખેલાડીની કસોટી થવા જઈ રહી છે.તે ખેલાડી માટે આ સિરીઝ ઘણી મહત્વની છે. કારણ કે જો તે આ સિરીઝમાં નિષ્ફળ જશે તો તેને ટીમ ઈન્ડિયામાંથી બહાર થવું પડી શકે છે.
આ પણ વાંચો : Breaking News : વરસાદને કારણે ભારત-મલેશિયાની મેચ રદ્દ, Team Indiaએ સેમિફાઈનલમાં મેળવ્યુ સ્થાન
અમે વાત કરી રહ્યા છીએ સૂર્યકુમાર યાદવની જેમના પર બધાની નજર ટકેલી છે. સૂર્યકુમાર યાદવ વિશ્વના નંબર 1 T20 બેટ્સમેન છે પરંતુ તેને હજુ સુધી ODI ફોર્મેટ પસંદ નથી આવ્યું. જોકે ખરાબ પ્રદર્શન છતાં સૂર્યાને વનડે ટીમમાં જાળવી રાખવામાં આવ્યો છે અને તેનું નામ વર્લ્ડ કપની ટીમમાં પણ છે. પરંતુ વર્લ્ડકપની ટીમ હજુ લોક થઈ નથી અને ઓસ્ટ્રેલિયા સીરીઝમાં જો તેઓ કોઈ ભૂલ કરે છે તો વર્લ્ડ કપમાં સૂર્યાની જગ્યાએ કોઈ અન્ય ખેલાડીની પસંદગી થઈ શકે છે.
ODIમાં સૂર્યકુમારની સફર
સૂર્યકુમાર યાદવને અત્યાર સુધી વનડેમાં 25 ઇનિંગ્સ રમવાની તક મળી છે અને આ ખેલાડી 24.40ની એવરેજથી માત્ર 537 રન જ બનાવી શક્યો છે. તેના બેટમાંથી માત્ર 2 અડધી સદી આવી છે. હાલમાં જ સૂર્યાને એશિયા કપમાં બાંગ્લાદેશ સામે રમવાની તક મળી હતી જેમાં તે માત્ર 26 રન બનાવી શક્યો હતો. તમને જણાવી દઈએ કે, છેલ્લી 19 ODI ઇનિંગ્સમાં સૂર્યાએ એકપણ અડધી સદી ફટકારી નથી. સૂર્યાએ લગભગ 19 મહિના પહેલા તેની છેલ્લી ODI અડધી સદી ફટકારી હતી.
ઓસ્ટ્રેલિયા સામે શાંત રહ્યો
ઓસ્ટ્રેલિયા એકમાત્ર એવો પ્રતિસ્પર્ધી છે જેની સામે સૂર્યકુમાર યાદવ છેલ્લી વનડે સિરીઝમાં પોતાનું ખાતું પણ ખોલી શક્યો ન હતો. વાનખેડે, વિશાખાપટ્ટનમ, ચેન્નાઈમાં સૂર્યકુમાર 0 રને આઉટ થયો હતો. આ બેટ્સમેન આખી સિરીઝમાં માત્ર 6 બોલ જ રમી શક્યો હતો. સ્વાભાવિક છે કે આ વખતે ફરી સૂર્યા માટે ઓસ્ટ્રેલિયા સામે રન બનાવવું આસાન નહીં હોય.
વર્લ્ડ કપની ટીમ માટે રન બનાવવા મહત્વપૂર્ણ છે
સૂર્યકુમાર યાદવ માટે વર્લ્ડ કપની ટીમમાં રહેવા માટે રન બનાવવા મહત્વપૂર્ણ છે. કારણ કે જો આમ નહીં થાય તો તિલક વર્મા પણ તેમનું સ્થાન લઈ શકે છે. કારણ કે આ ખેલાડી ડાબોડી બેટ્સમેન હોવાની સાથે બોલિંગ પણ કરી શકે છે. હવે જો સૂર્યકુમાર યાદવને તેના ટીકાકારોને ચૂપ કરવા હોય તો તેના માટે આ સમયે રન બનાવવા ખૂબ જરૂરી છે.
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
