MS ધોનીના પ્રોડક્શન હાઉસની પહેલી ફિલ્મ ધમાલ મચાવવા તૈયાર, આજે થશે રીલીઝ
હરીશ કલ્યાણ, ઈવાના અને નાધિયા અભિનીત ધોની એન્ટરટેઈનમેન્ટ પ્રોડક્શનલ લિમિટેડની સૌપ્રથમ ફિલ્મ 'લેટ્સ ગેટ મેરિડ' મૂવી તેલુગુમાં 4 ઓગસ્ટે રિલીઝ થશે. જેને લઈ ધોનીના ફેન્સમાં ભારે ઉત્સાહ જોવા મળી રહ્યો છે.
પૂર્વ ભારતીય કેપ્ટન મહેન્દ્ર સિંહ ધોની (MS Dhoni) ના પ્રોડક્શન હાઉસ “ધોની એન્ટરટેઈનમેન્ટ પ્રાઈવેટ લિમિટેડ”ની પહેલી ફિલ્મ આજે રીલીઝ થશે. ક્રિકેટ બાદ ધોનીએ હવે મૂવી ઇન્ડસ્ટ્રીમાં જંપ લાવ્યું છે એન હવે તેની પહેલી ફિલ્મ રીલીઝ થઈ રહી છે. આ ફિલ્મ એક પારિવારિક રોમેન્ટિક કોમેડી ડ્રામા છે. આ ફિલ્મ તેલુગુ ભાષામાં રીલીઝ થશે. આ ફિલ્મનું નામ ‘LGM‘છે.
ટ્વિટર અકાઉન્ટ પર કરી પોસ્ટ
‘ધોની એન્ટરટેઈનમેન્ટ પ્રાઈવેટ લિમિટેડ’ દ્વારા તેમના ઓફિશિયલ ટ્વિટર અકાઉન્ટ પર આ ફિલ્મના રીલીઝ અંગે ટ્વિટ કરવામાં આવ્યું હતું. તેમણે પોસ્ટના કેપ્શનમાં લખ્યું હતું, #LGMTelugu માટે તૈયાર રહો – એક પારિવારિક મનોરંજન કે જે એક મહત્વપૂર્ણ સામાજિક વિષય પર રોમાંસ, કોમેડી, લાગણીઓ અને મનોરંજન સાથે ચર્ચા કરે છે – 4 ઓગસ્ટથી થિયેટરોમાં #LGMTeluguની મજા લેવાનું ચૂકશો નહીં.
Get ready for #LGMTelugu – A family entertainer that discusses an important societal topic with elements of romance, comedy, emotions and entertainment – don’t miss the fun ride that is #LGMTelugu in theatres, from August 4th. pic.twitter.com/YO8EPb5FQ8
— Dhoni Entertainment Pvt Ltd (@DhoniLtd) August 3, 2023
લેટ્સ ગેટ મેરિડની સ્ટાર કાસ્ટ
ધોની એન્ટરટેઈનમેન્ટની પહેલી ફિલ્મ લેટ્સ ગેટ મેરિડમાં હરીશ કલ્યાણ, ઈવાના, નાદિયા અને યોગી બાબુ મહત્વની ભૂમિકામાં જોવા મળશે. રમેશ થમિલમાની આ ફિલ્મ દ્વારા દિગ્દર્શક તરીકેની શરૂઆત કરશે. તેણે આ ફિલ્મના ગીતો પણ કમ્પોઝ કર્યા છે.
10 જુલાઇએ ટ્રેલર થયું હતું લોન્ચ
7 જુલાઇના દિવસે ધોનીએ પોતાનો 42મો જન્મદિવસ ઉજવ્યો હતો, જેના ત્રણ દિવસ બાદ જ પોતાના પ્રોડક્શનની પહેલી ફિલ્મ લેટ્સ ગેટ મેરિડ (LGM)નું ટ્રેલર અને ઑડિયો લૉન્ચ કર્યું હતું . LGMનું ટ્રેલર લોન્ચ થયા બાદ તેનો વીડિયો સોશિયલ મીડિયા પર ઝડપથી વાયરલ થયો હતો.
Audiences who’ve seen #LGM in theatres have come out with good reviews for the film on Book My Show. Watch the entertainer with your entire family in theatres now! pic.twitter.com/k9mdXOTis5
— Dhoni Entertainment Pvt Ltd (@DhoniLtd) August 2, 2023
ચેન્નાઈમાં ધોનીનો જબ્બર ક્રેઝ
ધોની એન્ટરટેઈનમેન્ટ પ્રાઈવેટ લિમિટેડ પ્રોડક્શન હાઉસની પ્રથમ ફિલ્મ તેલુગુ ભાષામાં આજે રિલીઝ થશે. જેને લઈ ચેન્નાઈમાં ધોનીના ફેન્સ ખૂબ જ ઉત્સાહમાં છે. ધોનીનું ચેન્નાઈ સાથે ખાસ કનેક્શન છે. ધોની IPLમાં પણ ચેન્નાઈ સુપર કિંગ્સ તરફથી જ રમે છે ટીમને પાંચ વાર ચેમ્પિયન પણ બનાવી ચૂક્યો છે. ધોનીનો દુનિયભરમાં ક્રેઝ છે. પરંતુ ચેન્નાઈમાં ધોનીનો બહુ જ મોટો ફેન બેઝ છે. જેનો તેના પ્રોડક્શન હાઉસની પહેલી ફિલ્મને ફાયદો થશે.
