ઇંગ્લેન્ડે T20 વર્લ્ડ કપ 2022નો ખિતાબ જીત્યો હતો. 16 ટીમોમાંથી, વિશ્વને T20 ક્રિકેટમાં શ્રેષ્ઠ ટીમ મળી, પરંતુ હવે આગામી સિઝનમાં આ ફોર્મેટની વર્લ્ડ ચેમ્પિયન બનવા માટે 16 નહીં પણ 20 ટીમો વચ્ચે સ્પર્ધા થશે. 2024માં T20 વર્લ્ડ કપની યજમાની યુએસએ અને વેસ્ટ ઈન્ડિઝ દ્વારા કરવામાં આવશે અને વર્લ્ડ કપની આગામી સિઝન માટે ટૂર્નામેન્ટમાં મોટો ફેરફાર કરવામાં આવ્યો છે. આગામી સિઝનમાં 20 ટીમો વચ્ચે સ્પર્ધા થશે. એટલું જ નહીં, આગામી સિઝનના ક્વોલિફાયર પણ રમાશે નહીં. યુએસએમાં પ્રથમ વખત ક્રિકેટની આટલી મોટી ઈવેન્ટનું આયોજન થવા જઈ રહ્યું છે.
યજમાન હોવાના કારણે યુએસએ અને વેસ્ટઈન્ડિઝ સીધા જ ટૂર્નામેન્ટ માટે ક્વોલિફાય કરશે. 20 ટીમની આ ટૂર્નામેન્ટ નોકઆઉટ પહેલા 2 તબક્કામાં રમાશે પરંતુ 2021 અને 2022માં રમાયેલા પ્રથમ રાઉન્ડ કે પછી સુપર 12 ફોર્મેટથી અલગ હશે. તમામ ટીમને 4 ગ્રુપમાં વેચવામાં આવશે. દરેક ગ્રુપમાં 5-5 ટીમ હશે. દરેક ગ્રુપની ટોપ 2 ટીમ સુપર 8માં પ્રવેશ કરશે. જ્યાં તમામ ટીમને 4-4થી 2 ગ્રુપમાં વેચવામાં આવશે. બંન્ને ગ્રુપની ટૉપ 2 ટીમે સેમીફાઈનલમાં એન્ટ્રી કરશે.
ટી 20 વર્લ્ડકપ 2024ની શરુઆતની 2 જગ્યા પહેલા જ યજમાન વેસ્ટઈન્ડિઝ અને યુએસએ માટે બુક છે. ત્યારબાદ 2022 વર્લ્ડકપના પ્રદર્શન અને 14 નવેમ્બર સુધી આઈસીસી ટી20 રેન્કિંગના આધાર પર આગામી 10 ટીમ નક્કી થશે. એટલે કે, 10 ટીમ પહેલાથી જ નક્કી છે.
આ સિવાય ટી20 વર્લ્ડકપ 2024ની અન્ય 8 ટીમનો નિર્ણય રીઝનલ ક્વોલિફિકેશનના આધાર પર થશે. આફ્રિકા, એશિયા અને યુરોપની પાસે 2-2 ક્વોલિફિકેશન સ્પોર્ટ છે. જ્યારે અમેરિકા અને પૂર્વી એશિયા પેસિફિકની પાસે 1-1 સ્પોર્ટ છે. રીઝનલ ક્વોલિફિકેશન જીતનારી ટીમ ભારત, ઓસ્ટ્રેલિયા, ઈંગ્લેન્ડ, પાકિસ્તાન જેવી ટીમે ગ્રુપમાં જગ્યા બનાવી છે.
ESPNcricinfoના રિપોર્ટ અનુસાર 20 માંથી 12 ટીમોને વેસ્ટ ઈન્ડિઝ અને અમેરિકામાં યોજાનાર T20 વર્લ્ડ કપ 2024માં સીધી એન્ટ્રી મળશે. આમાં ઓસ્ટ્રેલિયામાં આ વર્ષે યોજાનાર T20 વર્લ્ડ કપની ટોપ-8 ટીમો સિવાય વેસ્ટ ઈન્ડિઝ અને અમેરિકાના રૂપમાં બે યજમાન દેશો પણ સામેલ છે.