ના બેટિંગ, ના બોલિંગ… છતાં સ્ટીવ સ્મિથે રચી દીધો ‘ઇતિહાસ’, ટેસ્ટ ક્રિકેટમાં તોડી નાખ્યો ‘મોટો રેકોર્ડ’

સ્ટીવ સ્મિથ ટેસ્ટ ક્રિકેટમાં સૌથી વધુ કેચ લેનાર ખેલાડી બની ગયો છે. તેણે Joe Rootને પાછળ છોડીને ઇતિહાસ રચ્યો છે. ઓસ્ટ્રેલિયન ખેલાડીએ આ રેકોર્ડ સાઉથ આફ્રિકા સામેની પ્રથમ ટેસ્ટના ત્રીજા દિવસે (રવિવારે) બનાવ્યો. યજમાન ટીમની પ્રથમ ઇનિંગ્સમાં સ્મિથે પહેલો કેચ કેપ્ટન ટેમ્બા બાવુમાનો લીધો અને રેકોર્ડ ડેવિડનો કેચ લેવાની સાથે બનાવ્યો.

સાઉથ આફ્રિકાની પ્રથમ ઇનિંગ્સની 28મી ઓવરના ત્રીજા બોલ પર ટેમ્બા બાવુમા આઉટ થયો. આમાં નેથન લાયનના બોલ પર સ્ટીવ સ્મિથે કેચ ઝડપ્યો. આ પછી 31મી ઓવરના પહેલા બોલ પર સ્મિથે વધુ એક શાનદાર કેચ ઝડપ્યો. આ કેચ ડેવિડ બેડિંગહામનો હતો, જે પોતાની અડધી સદીથી 1 રન દૂર રહી ગયો.

ટેસ્ટમાં સૌથી વધુ કેચ લેનાર ખેલાડી બન્યો ‘Steve Smith’

બેડિંગહામનો કેચ લેવાની સાથે સ્મિથ ટેસ્ટ ક્રિકેટમાં સૌથી વધુ કેચ લેનાર ખેલાડી બની ગયો છે. તેણે ઇંગ્લેન્ડના જો રૂટને પાછળ છોડી દીધો છે. સ્મિથે ટેસ્ટમાં અત્યાર સુધી 221 કેચ પકડ્યા છે. 220 કેચ સાથે રૂટ બીજા સ્થાને પહોંચી ગયા છે.

ટેસ્ટ ક્રિકેટમાં સૌથી વધુ કેચ પકનારા ટોપ-5 ફિલ્ડર

1. 221*- સ્ટીવ સ્મિથ (ઓસ્ટ્રેલિયા)
2. 220*- જો રૂટ (ઇંગ્લેન્ડ)
3. 210- રાહુલ દ્રવિડ (ભારત)
4. 205- મહેલા જયવર્ધને (શ્રીલંકા)
5. 200- જેક કાલિસ (સાઉથ આફ્રિકા)

ઓસ્ટ્રેલિયા વિરુદ્ધ સાઉથ આફ્રિકા પ્રથમ ટેસ્ટની વાત કરીએ તો, ઓસ્ટ્રેલિયાની પ્રથમ ઇનિંગ્સ 390 રન પર સમાપ્ત થઈ હતી. મેટ રેનશોએ સૌથી વધુ 190 રન બનાવ્યા હતા. સાઉથ આફ્રિકા માટે પ્રથમ ઇનિંગ્સમાં વિલેમ મુલ્ડરે સૌથી વધુ 4 વિકેટ લીધી. માર્કો જેનસને 3 અને એનરિક નોર્ખિયાએ 2 વિકેટ ઝડપી.

સાઉથ આફ્રિકાની પ્રથમ ઇનિંગ્સ ચાલુ છે. સમાચાર લખાયા ત્યાં સુધી ટીમે 188 રન બનાવી લીધા છે પરંતુ તેમની 6 વિકેટ પડી ચૂકી છે. ઓસ્ટ્રેલિયાના કેપ્ટન પેટ કમિન્સે શાનદાર બોલિંગ કરી, શરૂઆતની 6 માંથી 3 વિકેટ કમિન્સે લીધી.

ક્રિકેટ જગતમાં નવો ઇતિહાસ રચાયો! ઓસ્ટ્રેલિયાના બેટ્સમેને તોડી નાખ્યો વિરાટ કોહલીનો ‘ઐતિહાસિક રેકોર્ડ’