સ્મૃતિ મંધાનાની ખાસ સહેલી અને વર્લ્ડ કપ વિનર ક્રિકેટરે પલાશ મુછલ સામે આ પગલું ભર્યું?
પલાશ મુછલ અને સ્મૃતિ મંધાનાના લગ્ન મુલતવી રાખવામાં આવ્યા બાદથી સોશિયલ મીડિયા પર વિવિધ અફવાઓ ફેલાઈ રહી છે. હવે, એવો દાવો કરવામાં આવી રહ્યો છે કે સ્મૃતિ મંધાનાની ખાસ સહેલી અને ભારતીય ક્રિકેટર રાધા યાદવે પલાશને અનફોલો કરી દીધો છે. જે બાદ હવે ચર્ચાઓએ વધુ જોર પકડ્યું છે અને અનેક સવાલો ઉભા થઇ રહ્યા છે.
સ્મૃતિ મંધાનાના 23 નવેમ્બરના રોજ યોજાનાર લગ્ન મુલતવી રાખવામાં આવ્યા છે. પલાશ મુચ્છલ સાથેના લગ્ન પહેલા જ તેના પિતા બીમાર પડી ગયા હતા, જેના કારણે તેમને હોસ્પિટલમાં દાખલ થવું પડ્યું હતું. સ્મૃતિ મંધાનાના લગ્ન મુલતવી રાખવામાં આવ્યા ત્યારથી અનેક અટકળો ચાલી રહી છે. સોશિયલ મીડિયા પર વાયરલ પોસ્ટ્સ પલાશ મુચ્છલ વિશે પ્રશ્નો ઉભા કરી રહી છે. દરમિયાન, અહેવાલો સૂચવે છે કે સ્મૃતિ મંધાનાની ખાસ મિત્ર અને ભારતીય ક્રિકેટર રાધા યાદવે પલાશ મુચ્છલને અનફોલો કરી દીધો છે.
રાધા યાદવે પલાશને અનફોલો કર્યો?
સોશિયલ મીડિયા યુઝર્સ દાવો કરી રહ્યા છે કે રાધા યાદવે પલાશ મુછલને અનફોલો કરી દીધો છે. આવી અનેક પોસ્ટ કરવામાં આવી છે, જોકે TV9 એ આ વાતની પુષ્ટિ કરી નથી. રાધા યાદવે પણ સ્મૃતિ મંધાનાના લગ્નમાં હાજરી આપી હતી. જેમીમા રોડ્રિગ્સ અને શ્રેયંકા પાટીલ પણ હાજર રહ્યા હતા, પરંતુ બંને ખેલાડીઓ હજુ પણ પલાશને ફોલો કરી રહી છે. લગ્ન મુલતવી રાખ્યાના બીજા દિવસે સ્મૃતિ મંધાનાએ પણ ઇન્સ્ટાગ્રામ પરથી તેના લગ્નના ફોટા ડીલીટ કર્યા, જેના કારણે અનેક પ્રશ્નો ઉભા થયા.
Smriti Mandhana best friend Radha Yadav unfollowed Palash Muchhal. pic.twitter.com/g1oEA1sKwa
— Rahul kumar (@Kumar_rahul_raj) November 25, 2025
પલાશની માતાએ મોટી વાત કહી
આ દરમિયાન પલાશ મુછલની માતા અમિતાએ પણ મીડિયા સાથે વાત કરી. તેમણે જણાવ્યું કે મંધાનાના પિતાની તબિયત બગડ્યા બાદ પલાશે જ લગ્ન અને અન્ય વિધિઓ મુલતવી રાખવા કહ્યું હતું. અમિતા મુછલે સમજાવ્યું, “પલાશ સ્મૃતિ મંધાનાના પિતા સાથે ખૂબ જ લગાવ ધરાવે છે. તેઓ સ્મૃતિ કરતાં વધુ નજીક છે. જ્યારે આ બન્યું, ત્યારે પલાશે સ્મૃતિ પહેલા લગ્નની વિધિઓ ન કરવાનો નિર્ણય લીધો. જ્યાં સુધી મંધાનાના પિતા સ્વસ્થ ન થાય ત્યાં સુધી તે લગ્નની વિધિઓ નહીં કરે.”
આ પણ વાંચો: IND vs SA: શ્રેણી હારવાની કોઈ અસર નહીં પડે… રવિન્દ્ર જાડેજાનું ચોંકાવનારું નિવેદન
