T20 વર્લ્ડ કપ ફાઈનલનો ચોંકાવનારો સંયોગ, રોહિત-કોહલી-બુમરાહ નહીં જીતી શકશે આ ટ્રોફી?

બાર્બાડોસનું કેન્સિંગ્ટન ઓવલ મેદાન T20 વર્લ્ડ કપ 2024ના સૌથી મોટા મુકાબલો માટે તૈયાર છે. આ મેદાન પર ભારત અને દક્ષિણ આફ્રિકા વચ્ચે ખિતાબની જંગ ખેલાશે. T20 વર્લ્ડ કપની ફાઈનલ શાનદાર બનવા જઈ રહી છે કારણ કે ભારત અને દક્ષિણ આફ્રિકા બંનેએ આ ટુર્નામેન્ટમાં શાનદાર પ્રદર્શન કર્યું છે અને અત્યાર સુધી એક પણ મેચ હારી નથી.

T20 વર્લ્ડ કપ ફાઈનલનો અદ્ભુત સંયોગ

ખેર, અહીં મોટો પ્રશ્ન એ છે કે કઈ ટીમ કોના ઉપર વિજય મેળવશે અને કયો ખેલાડી તેની ટીમને ખિતાબની લડાઈ જીતાડશે? T20 વર્લ્ડ કપ ફાઈનલમાં એક અદભૂત સંયોગ છે જે તમને આશ્ચર્યચકિત કરશે. આ સંયોગ પ્રમાણે રોહિત શર્મા, વિરાટ કોહલી, જસપ્રીત બુમરાહ જેવા ખેલાડીઓ ફાઈનલમાં કંઈ કરી શકશે નહીં. ચાલો તમને જણાવીએ કે આ મામલો શું છે?

કોઈ બેટ્સમેન કે બોલર પ્લેયર ઓફ ધ મેચ બન્યો નથી

T20 વર્લ્ડકપની છેલ્લી 8 ફાઈનલ મેચોમાં ક્યારેય કોઈ બેટ્સમેન કે બોલર પ્લેયર ઓફ ધ મેચ બન્યો નથી. દરેક વખતે ફાઈનલ મેચમાં કોઈને કોઈ ઓલરાઉન્ડર કે વિકેટકીપર પોતાની ટીમની જીતનું કારણ બન્યા છે.

• ઓલરાઉન્ડર ઈરફાન પઠાણ T20 વર્લ્ડ કપ 2007ની ફાઈનલમાં પ્લેયર ઓફ ધ મેચ બન્યો હતો.
• શાહિદ આફ્રિદી T20 વર્લ્ડ કપ 2009ની ફાઈનલમાં પ્લેયર ઓફ ધ મેચ બન્યો હતો, તે ઓલરાઉન્ડર પણ હતો.
• T20 વર્લ્ડ કપ 2010ની ફાઈનલમાં ક્રેગ કિસવેટર પ્લેયર ઓફ ધ મેચ બન્યો. તે વિકેટકીપર-બેટ્સમેન હતો.
• માર્લોન સેમ્યુઅલ્સ T20 વર્લ્ડ કપ 2012ની ફાઈનલમાં પ્લેયર ઓફ ધ મેચ બન્યો, તે ઓલરાઉન્ડર પણ હતો.
• કુમાર સંગાકારા T20 વર્લ્ડ કપ 2014ની ફાઈનલમાં પ્લેયર ઓફ ધ મેચ બન્યો હતો, તે વિકેટકીપર-બેટ્સમેન પણ હતો.
• ઓલરાઉન્ડર માર્લોન સેમ્યુઅલ્સ ફરીથી T20 વર્લ્ડ કપ 2016ની ફાઈનલમાં પ્લેયર ઓફ ધ મેચ બન્યો.
• મિશેલ માર્શ T20 વર્લ્ડ કપ 2021માં પ્લેયર ઓફ ધ મેચ બન્યો, તે ઓલરાઉન્ડર પણ છે.
• સેમ કરન T20 વર્લ્ડ કપ 2022માં પ્લેયર ઓફ ધ મેચ બન્યો, તે ઓલરાઉન્ડર પણ છે.

ઓલરાઉન્ડર જ પ્લેયર ઓફ ધ મેચ બનશે

મતલબ, સંયોગ એવો સંકેત આપી રહ્યો છે કે T20 વર્લ્ડ કપ 2024માં માત્ર એક ઓલરાઉન્ડર જ પ્લેયર ઓફ ધ મેચ બનશે. હવે તે ભારતના હાર્દિક પંડ્યા, અક્ષર પટેલ, રવીન્દ્ર જાડેજા, કે પછી આફ્રિકાના માર્કો જેન્સન, એડન માર્કરામ, હેનરિક ક્લાસેન હશે, એ સમય જ કહેશે.

આ પણ વાંચો: IND vs SA: બાર્બાડોસમાં ફાઈનલ દરમિયાન કેટલો વરસાદ પડશે? જાણો દર કલાકની પરિસ્થિતિ