Ranji Trophy: મુંબઇના બેટ્સમેને સૌરાષ્ટ્ર સામે બેવડુ શતક ફટકાર્યુ, અજિંક્ય રહાણે સાથે મળીને 252 રનની ભાગીદારી નોંધાવી હતી
મુંબઈના મિડલ ઓર્ડર બેટ્સમેન સરફરાઝ ખાને (Sarfaraz khan) સૌરાષ્ટ્ર સામે શાનદાર બેવડી સદી ફટકારી, IPL 2022 ઓક્શનમાં તેને બેઝ પ્રાઇઝ પર જ ખરીદવામાં આવ્યો હતો.
રણજી ટ્રોફીમાં સરફરાઝ ખાન (Sarfaraz khan) ની બેવડી સદીનો સિલસિલો અટકવાનું નામ નથી લઈ રહ્યો. આ જમણા હાથના મિડલ ઓર્ડર બેટ્સમેને સૌરાષ્ટ્ર (Saurashtra vs Mumbai) સામે બેવડી સદી ફટકારી હતી. સરફરાઝે છેલ્લી 9 ઇનિંગ્સમાં બીજી બેવડી સદી ફટકારી છે અને તેણે એક ત્રેવડી સદી પણ ફટકારી છે. સરફરાઝનુ બેટ એવા સમયે ચમક્યુ જ્યારે મુંબઈ ની ટીમને તેની ખૂબ જ જરૂર હતી. મુંબઈએ માત્ર 44 રનમાં 3 વિકેટ ગુમાવી દીધી હતી. કેપ્ટન પૃથ્વી શો માત્ર 1 રન બનાવીને આઉટ થયો હતો. આ પછી અજિંક્ય રહાણે (Ajinkya Rahane) અને સરફરાઝ અહેમદે મુંબઈની કમાન સંભાળી હતી. રહાણે અને સરફરાઝ વચ્ચે 252 રનની જોરદાર ભાગીદારી નોંધાઈ હતી.
અમદાવાદમાં રમાઇ રહેલી બંને ટીમો વચ્ચેની મેચ દરમિયાન રહાણેએ 290 બોલમાં 129 રનની ઇનિંગ રમી હતી. રહાણેના બેટમાંથી 17 ચોગ્ગા અને 2 છગ્ગા આવ્યા હતા. આ અનુભવી બેટ્સમેન સાથે સરફરાઝે પણ ભારે ધમાલ મચાવી હતી. સરફરાઝે ધીમી શરૂઆત કરી હતી પરંતુ તે પછી તે સૌરાષ્ટ્રના બોલરો પર તૂટી પડ્યો હતો. સરફરાઝે ગુરુવારે સદી એએ પહોંચ્યો હતો અને આગળ રમતા સરફરાઝે શુક્રવારે બેવડી સદી ફટકારી હતી. ગત રણજી સિઝનમાં સરફરાઝે 6 મેચમાં 928 રન બનાવ્યા હતા. સરફરાઝની બેટિંગ એવરેજ 154 થી વધુ હતી. સરફરાઝના બેટમાં 112 ચોગ્ગા અને 22 છગ્ગા હતા.
The moment when Sarfaraz Khan reached his ton v Saurashtra in Ahmedabad pic.twitter.com/KXiwEm92wc
— Sarang Bhalerao (@bhaleraosarang) February 17, 2022
મોટી ઇનીંગની આદત
સરફરાઝ અહેમદને મોટી ઇનિંગ્સ રમવાની આદત પડી ગઈ છે. સરફરાઝે ગત રણજી સિઝનમાં 391 બોલમાં અણનમ 301 રન બનાવ્યા હતા. આ પછી તેના બેટે 213 બોલમાં અણનમ 226 રન બનાવ્યા હતા. સરફરાઝે પણ 177 રનની ઇનિંગ રમી હતી. જો કે, આટલી શાનદાર ઇનિંગ્સ છતાં સરફરાઝને IPL 2022ની હરાજીમાં મોટી કિંમત મળી ન હતી. જમણા હાથના બેટ્સમેનને દિલ્હી કેપિટલ્સે માત્ર 20 લાખની મૂળ કિંમતે ખરીદ્યો હતો.
આઇપીએલ કરિયર
આઈપીએલમાં બેંગ્લોર અને પંજાબની ટીમ માટે સરફરાઝ ખાન રમ્યો છે. આ બેટ્સમેનને 40 મેચમાં તક મળી છે જેમાં તેણે 23.21ની એવરેજથી 441 રન બનાવ્યા છે. સરફરાઝનો સ્ટ્રાઈક રેટ પણ 138 થી વધુ છે. સરફરાઝે અડધી સદી ફટકારી છે. સરફરાઝે તેની પ્રથમ આઈપીએલ મેચ 2015માં રમી હતી. છેલ્લી 6 સિઝનમાં સરફરાઝને યોગ્ય તકો મળી ન હતી. જોકે હવે દિલ્હી કેપિટલ્સે આ બેટ્સમેન પર દાવ લગાવ્યો છે. સરફરાઝને તેના ફોર્મ પ્રમાણે તક મળે છે કે કેમ તે જોવું રહ્યું.