T20 ક્રિકેટ મેચ માટે જ્યારે પણ અભિષેક શર્મા અને ઈશાન કિશન મેદાનમાં ઉતરે છે, ત્યારે દર્શકોને ચોગ્ગા અને છગ્ગાની રમઝટ જોવા મળે છે. તાજેતરમાં વેસ્ટ ઈન્ડિઝ સામેની T20 શ્રેણીમાં પણ આવી જ આક્રમક બેટિંગ જોવા મળી હતી. 22 ઓક્ટોબરથી ટીમ ઈન્ડિયાનો સામનો કરવા જઈ રહેલા ન્યૂઝીલેન્ડના ખેલાડીઓ, ભારતીય ક્રિકેટરોના પ્રદર્શન પર ખૂબ બારીકાઈથી નજર રાખી રહ્યા છે. ક્રાઈસ્ટચર્ચમાં રમાનારી પ્રથમ મેચ પહેલા, ફાસ્ટ બોલર જેકબ ડફીએ સંકેત આપ્યો છે કે, અભિષેક શર્મા અને ઈશાન કિશન જેવા બેટ્સમેનોનું આક્રમક પ્રભુત્વ ન્યૂઝીલેન્ડમાં એટલું અસરકારક નહીં રહે. જાણો જેકબ ડફીએ આવુ કેમ કહ્યું.

ક્રાઈસ્ટચર્ચમાં રન બનાવવા મુશ્કેલ છે

ભારતીય બેટ્સમેનો પોતાના દેશની પીચો પર જે મુક્તપણે રમે છે, તેવો જ અંદાજ ક્રાઈસ્ટચર્ચના હેગલી ઓવલ મેદાન પર જાળવી રાખવો એક પડકાર હશે. ડફીએ કહ્યું, “મને અહીં 250 રનનો સ્કોર બનવાની અપેક્ષા નથી. હેગલી ઓવલની બાઉન્ડ્રી ઘણી મોટી છે. અહીં T20 ક્રિકેટ રમવા માટે કદાચ થોડી ‘પરંપરાગત’ (old-school) રણનીતિ અપનાવવી પડશે. અહીં 170 થી 200 રનનો સ્કોર જોવા મળી શકે છે. અમે વેસ્ટ ઈન્ડિઝ સામેની શ્રેણી જોઈ છે અને તે મુજબ અમારી રણનીતિ અને યોજનાઓ તૈયાર કરી છે. હું અમારી રણનીતિની વિગતો જાહેર નહીં કરું, પરંતુ અમે સંપૂર્ણ રીતે તૈયાર રહીશું.”

INDIA FLAT-PITCH, 250-RUN CULTURE IS RUINING T20 CRICKET?

️: Jacob Duffy believes scores of 170–200 could be the ideal range for T20 cricket at Hagley Oval. He says 250-run matches would ruin cricket for him and hopes the bigger boundaries bring back some old-school T20 cricket.

— Sam (@cricsam02) October 20, 2026

ન્યૂઝીલેન્ડમાં રન બનાવવા સરળ કામ નથી

અત્રે ઉલ્લેખનીય છે કે, ન્યૂઝીલેન્ડની ધરતી પર ભારતીય બેટ્સમેનોને રન બનાવવા સહેલું નહીં હોય. સંજુ સેમસન, અભિષેક શર્મા અને ઈશાન કિશન જેવા ખેલાડીઓ ભારતમાં ભલે સંપૂર્ણ સ્વતંત્રતા સાથે રમતા હોય, પરંતુ ન્યૂઝીલેન્ડમાં આવું કરવું મુશ્કેલ હશે. તાજેતરમાં, આયર્લેન્ડ અને ઈંગ્લેન્ડના પ્રવાસ દરમિયાન ભારતીય ટીમને ભારે સંઘર્ષ કરવો પડ્યો હતો.

આયર્લેન્ડે તો ભારત સામે ‘ક્લીન સ્વીપ’ પણ કરી હતી. ઈંગ્લેન્ડે પણ ભારતને સરળતાથી હરાવ્યું હતું. ન્યૂઝીલેન્ડની પરિસ્થિતિ પણ આ બંને દેશો જેવી જ છે. ટીમ ઈન્ડિયા પોતાની ભૂલોમાંથી શીખશે કે કેમ તે જોવાનું રહે છે. એવું જણાય છે કે ટીમ ઈન્ડિયાનો મુખ્ય ઉદ્દેશ્ય ન્યુઝીલેન્ડમાં ટેસ્ટ શ્રેણી જીતવાનો છે, જે T20 અને વન-ડે (ODI) શ્રેણી પછી રમાશે. ટીમનું લક્ષ્ય વર્લ્ડ ટેસ્ટ ચેમ્પિયનશિપ પર છે. જોકે, તે પહેલાં તેઓ T20 અને વન-ડે શ્રેણીમાં પણ સારું પ્રદર્શન કરવાનો પ્રયાસ કરશે.

Breaking News : રોહિત-સૂર્યાની ક્લબમાં સામેલ થવાની તક, વિરાટ કોહલીની બરાબરી! ન્યૂઝીલેન્ડ સામે અભિષેક શર્માના નિશાને રહેશે 3 મોટા રેકોર્ડ