MS Dhoniને શિક્ષણ વિભાગે શિક્ષકની નોકરી માટે ઈન્ટરવ્યુમાં બોલાવ્યો, ધોની ગેરહાજર રહ્યો!

હાલ તો આંતરરાષ્ટ્રીય ક્રિકેટથી એમએસ ધોની (MS Dhoni) નિવૃત્ત છે, પરંતુ IPL ફ્રેન્ચાઈઝી સાથે જોડાયેલો છે. પરંતુ આ દરમ્યાન ધોનીનું નામ શિક્ષકની નોકરી (Post Of Teacher) મેળવવાની અરજીને લઈને ચર્ચામાં આવ્યુ છે. ચર્ચા સાંભળીને કદાચ પહેલી નજરે એમ લાગશે કે ધોની નવા રુપમાં દેખાવવા માંગતો હોઈ શકે છે. પરંતુ એ સવાલનો જવાબ જાણવા માટે હજુ આગળની કહાની પર નજર ફેરવવી પડશે.

છત્તીસગઢ સરકારે (Chhattisgarh Goverment) શિક્ષકોની ભરતી માટે કાર્યક્રમ યોજ્યો હતો. આ માટે 14,850 શિક્ષકોની ભરતી સ્થાનો માટે અરજીઓ માંગવામાં આવી હતી. જેમાં મહેન્દ્રસિંહ ધોનીના નામની અરજી શિક્ષણ વિભાગને મળી હતી. શિક્ષકના પદ માટેની અરજીને જોઈને અધિકારીઓને પહેલાતો આશ્વર્ય લાગ્યુ હતુ. કારણ કે અરજીમાં ધોનીના પિતાનું નામ સચિન તેંડુલકર (Sachin Tendulkar) દર્શાવ્યુ હતુ.

છત્તીસગઢના શિક્ષણ વિભાગે આ બધાયમાં સૌથી વધુ આશ્વર્ય ફેલાવી દીધુ હતુ. કારણ કે પહેલા તો શિક્ષક તરીકે અરજી મળી, પિતા સચિન અને છતાંય પાછુ તેને ઈન્ટરવ્યુ માટે કોલ મોકલ્યો. ગત શુક્રવારે જ શિક્ષણના અધિકારીઓ 15 ઉમેદવારોને બોલાવ્યા હતા. જેમાં ધોની સિવાયના 14 ઉમેદવારો હાજર રહ્યા હતા. તેની ગેરહાજરી બાદ હવે શિક્ષણ વિભાગે અરજી ફેક હોવાનું સ્વીકાર્યુ છે.

થઈ શકે છે પોલીસ ફરિયાદ

એમએસ ધોનીના નામે કોઈ બીજાએ ફેક અરજી કરી દીધી હોવાનું માન્યા બાદ શિક્ષણના અધિકારીઓ લાલઘૂમ થયા છે. કારણ કે હવે સમગ્ર મામલાની ખબર છત્તીસગઢ જ નહીં પણ દેશભરમાં ફેલાવા લાગી છે. જેથી હવે ફેક અરજી કરનાર વિરુદ્ધ પોલીસ ફરીયાદ દાખલ કરવાની કાર્યવાહી શરુ કરી છે.

IPL 2021માં ટીમ ધોનીનું દમદાર પ્રદર્શન

ધોનીની ટીમનું પ્રદર્શન IPL 2021 દરમ્યાન શાનદાર રહ્યુ હતુ. ધોનીની ટીમ ચેન્નાઈ સુપર કિંગ્સે ગત સિઝન IPL 2020 દરમ્યાન નિરાશાજનક પ્રદર્શન કર્યુ હતુ. ધોનીની ટીમ CSKએ ટૂર્નામેન્ટમાં પ્રથમવાર પ્લેઓફથી બહાર રહી હતી. આ વર્ષની સિઝનમાં ટીમ ધોનીએ ટોપ થ્રી ટીમોમાં સ્થાન ધરાવે છે. UAEમાં રમાનારી આગળની મેચોમાં CSK પ્રથમ હાલ્ફ જેવુ જ પ્રદર્શન કરે તેવી આશા વર્તાઈ રહી છે.

આ પણ વાંચોઃ T20 World Cup: અમદાવાદમાં ટૂર્નામેન્ટની ફાઇનલ મેચ યોજવાનો BCCI નો હતો પ્લાન, આ રીતે કરાયુ હતુ આયોજન