IPL 2024: ‘બચપન કે પ્યાર’ સાથે જોવા મળ્યો ધોની, CSKની હારનું દર્દ ભૂલી ગયો માહી!
IPL 2024માં ચેન્નાઈ સુપર કિંગ્સનો પ્રવાસ ખતમ થઈ ગયો છે. RCB સામેની હાર સાથે તે પ્લેઓફની રેસમાંથી બહાર થઈ ગઈ હતી. ટીમનો વિકેટકીપર એમએસ ધોની હવે તેના શહેર રાંચીમાં છે અને ત્યાં એન્જોય કરી રહ્યો છે. IPLની હારને ભૂલવા ધોનીએ બાળપણના પ્રેમનો સહારો લીધો છે, જેનો વીડિયો પણ વાયરલ થયો છે.
ચેન્નાઈ સુપર કિંગ્સના ચાહકોનું દિલ તૂટી ગયું છે. આ ટીમ IPL 2024માંથી બહાર થઈ ગઈ છે. RCB સામેની હાર સાથે, IPL 2024માં આ ટીમની સફર સમાપ્ત થઈ ગઈ. ચાહકોને આશા હતી કે આ ટીમ ફરી એકવાર ફાઈનલમાં પહોંચશે અને ટ્રોફી જીતશે, પરંતુ એવું થયું નહીં. ટીમની હાર પર ધોની પણ ઘણો નિરાશ જોવા મળ્યો હતો. જો કે હવે આ ખેલાડી હારનું દર્દ ભૂલીને રાંચી પરત ફર્યો છે અને ધોની હવે પોતાના બાળપણના પ્રેમ સાથે સમય વિતાવી રહ્યો છે.
ધોનીની બાઈક રાઈડ
ધોની રાંચીના રસ્તાઓ પર બાઈક ચલાવતો જોવા મળ્યો હતો. રાંચીના રાજકુમારનો એક વીડિયો સોશિયલ મીડિયા પર વાયરલ થઈ રહ્યો છે જેમાં તે યામાહાની R-X 100 બાઈક ચલાવતો જોવા મળી રહ્યો છે. ધોનીને નાનપણથી જ બાઈકનો ખૂબ શોખ છે. ક્રિકેટમાં સફળતા હાંસલ કર્યા પછી, આ ખેલાડીએ ઘણી શાનદાર બાઈકો ખરીદી અને હવે તેના ઘરના એક માળ પર માત્ર બાઈકો જ છે.
RCBના ચાહકો ધોનીથી નારાજ
જો કે, IPL 2024માં RCB સામે ચેન્નાઈ સુપર કિંગ્સની હાર બાદ ધોની પણ વિવાદમાં આવ્યો હતો. વાસ્તવમાં ચેન્નાઈની હાર બાદ ધોનીએ RCBના ખેલાડીઓ સાથે હાથ મિલાવ્યો ન હતો અને પેવેલિયન પરત ફર્યો હતો. પરંતુ અહીં દાવો કરવામાં આવી રહ્યો છે કે ધોની લાંબા સમય સુધી RCBના ખેલાડીઓની રાહ જોતો રહ્યો. RCBના ખેલાડીઓ પોતાની ઉજવણીમાં વ્યસ્ત હતા અને પછી ધોની પેવેલિયન પરત ફર્યો હતો. ધોનીએ આવું કર્યા બાદ RCBના ચાહકો તેના પર નારાજ થયા છે.
MS Dhoni enjoying a bike ride in Ranchi. ❤️pic.twitter.com/RjHZqeCTqg
— Mufaddal Vohra (@mufaddal_vohra) May 20, 2024
શું ધોની હવે IPLમાંથી નિવૃત્ત થશે?
જો કે, IPL 2024માં ચેન્નાઈ સુપર કિંગ્સની સફર પૂરી થયા બાદ એક મોટો સવાલ એ છે કે શું ધોની હવે IPL રમશે? શું તે નિવૃત્ત થશે? અત્યારે આ સવાલનો જવાબ કોઈની પાસે નથી, પરંતુ IPL 2024માં ધોનીએ જે ફોર્મમાં બતાવ્યું હતું તે જોતા એવું નથી લાગતું કે ધોનીએ સંન્યાસ લેવો જોઈએ.
આ પણ વાંચો : IPL 2024 : રોહિત શર્મા જૂઠું બોલ્યો ? સ્ટાર સ્પોર્ટ્સે ભારતીય કેપ્ટનને આપ્યો જવાબ
