Virat Kohli ને લઈ ભારતીય દિગ્ગજે આપ્યુ મોટુ નિવેદન, અશ્વિનને ટેસ્ટ માંથી બહાર કરી શકાતો હોય તો કોહલીને T20 થી કેમ નહીં?
આ અનુભવી ભારતીય ખેલાડીએ કહ્યું કે જો ટેસ્ટના બીજા સર્વશ્રેષ્ઠ બોલર આર અશ્વિન (R Ashwin) ને ટીમમાંથી બહાર કરી શકાય છે તો વિશ્વનો નંબર વન પણ બહાર બેસી શકે છે.
વિરાટ કોહલી (Virat Kohli) લાંબા સમયથી ખરાબ ફોર્મ સામે ઝઝૂમી રહ્યો છે. હવે ભારતીય ટીમના પૂર્વ કેપ્ટન કપિલ દેવે (Kapil Dev) ટીમમાં સ્થાનને લઈને મોટું નિવેદન આપ્યું છે. તે કહે છે કે જો આર અશ્વિન જેવા બોલરને ટેસ્ટ ટીમની પ્લેઈંગ ઈલેવનમાંથી બહાર કરી શકાય છે તો લાંબા સમયથી ખરાબ ફોર્મમાં ઝઝૂમી રહેલા વિરાટ કોહલીને ટી-20 ટીમમાંથી કેમ નહીં. તેમણે કહ્યું કે કોહલીને ભારતીય ટીમ (Indian Cricket Team) માંથી બાકાત રાખવો કોઈ મોટો મુદ્દો ન હોવો જોઈએ. કોહલી 2019થી મોટી ઇનિંગ્સ રમી શક્યો નથી. કોહલીની બેટ વડે છેલ્લી સદી 22 નવેમ્બર 2019 ના રોજ બાંગ્લાદેશ સામેની કોલકાતા ટેસ્ટ મેચમાં આવી હતી.
નવા ખેલાડીઓને બહાર રાખી શકતા નથી
ભૂતપૂર્વ દિગ્ગજ ભારતીય ક્રિકેટરનું માનવું છે કે જો ભારતીય ટીમ મેનેજમેન્ટ શાનદાર લયમાં ચાલી રહેલા ખેલાડીઓને પૂરતી તકો નહીં આપે તો તે તેમની સાથે અન્યાય થશે. એક ટીવી ચેનલ સાથેની વાતચીતમાં કપિલ દેવે કહ્યું કે જો તમે ટેસ્ટના બીજા સર્વશ્રેષ્ઠ બોલર અશ્વિનને ડ્રોપ કરી શકો છો તો વિશ્વનો નંબર વન ખેલાડી પણ બહાર બેસી શકે છે. તેણે વધુમાં કહ્યું કે હું ઇચ્છું છું કે કોહલી રન બનાવે, પરંતુ આ સમયે તે તે રંગમાં દેખાતો નથી જે આપણે જાણીએ છીએ. તેણે તેના પ્રદર્શનના આધારે પોતાનું નામ બનાવ્યું છે અને જો તે પ્રદર્શન નહીં કરે તો તમે નવા ખેલાડીઓને બહાર નહીં રાખી શકો.
નવા ખેલાડીઓ કોહલી માટે બાબતો મુશ્કેલ બનાવે છે
પોતાની કપ્તાનીમાં ભારતને પ્રથમ વખત વર્લ્ડ ચેમ્પિયન બનાવનાર આ દિગ્ગજે કહ્યું કે હું ઈચ્છું છું કે નવા ખેલાડીઓ એટલું મજબૂત પ્રદર્શન કરે કે કોહલી માટે વસ્તુઓ મુશ્કેલ બની જાય. તેમજ ભૂતપૂર્વ ભારતીય કેપ્ટન એવી રીતે વાપસી કરે કે જે નવા ખેલાડીઓ કરી શકે અને તેમનું સ્તર વધુ વધારવું પડે. હું ઈચ્છું છું કે બંને વચ્ચે સારી સ્પર્ધા થાય. કપિલ દેવે એમ પણ કહ્યું હતું કે વિરાટને વેસ્ટ ઈન્ડિઝના પ્રવાસમાંથી આરામ લેવા પર તેને ટીમમાંથી બહાર કર્યાનો વિચાર કરવો જોઈએ. તેણે કહ્યું કે જો તમે ઇચ્છો તો તમે તેને આરામ કહી શકો છો અથવા તેને ટીમમાંથી બહાર કરી શકો છો.
Latest News Updates
