0,0,0… Jofra Archer એ કરી એવી કમાલ કે IPL ના 19 વર્ષમાં આવું નથી થયું, બનાવ્યો નવો રેકોર્ડ, જુઓ Video

Jofra Archer એ IPL 2026માં એક અનોખી સિદ્ધિ મેળવી છે, જે IPLના 19 વર્ષના ઇતિહાસમાં પહેલા ક્યારેય જોવા મળી નથી. રાજસ્થાન રોયલ્સ માટે રમતા આ ઇંગ્લિશ ફાસ્ટ બોલરે પોતાની ઘાતક બોલિંગથી ટીમને મજબૂત શરૂઆત અપાવી છે. ખાસ કરીને પાવરપ્લે દરમિયાન તેમની અસરકારક બોલિંગ વિરોધી ટીમ માટે મોટી મુશ્કેલી બની રહી છે.

રાજસ્થાન રોયલ્સની આ સીઝનમાં સારી શરૂઆત પાછળ Vaibhav Suryavanshi અને Yashasvi Jaiswal ની આક્રમક બેટિંગ મહત્વપૂર્ણ રહી છે, પરંતુ બોલિંગમાં આર્ચરનો ફાળો પણ એટલો જ મહત્વનો રહ્યો છે. તેઓ લગભગ દરેક મેચમાં પાવરપ્લે દરમિયાન વિકેટ લઈને ટીમને મજબૂત સ્થિતિમાં મૂકી રહ્યા છે.

19 એપ્રિલે Kolkata Knight Riders સામે રમાયેલી મેચમાં આર્ચરે પોતાના પહેલા જ બોલ પર Tim Seifert ને બોલ્ડ કરીને એક ખાસ રેકોર્ડ બનાવ્યો. આ માત્ર તે મેચ સુધી મર્યાદિત નહોતું, પરંતુ આ સતત ત્રીજી મેચ હતી જેમાં આર્ચરે પોતાની ઇનિંગના પહેલા જ બોલે વિકેટ લીધી હતી.

આ પહેલા તેમણે Royal Challengers Bangalore સામે Phil Salt ને અને Sunrisers Hyderabad સામે Abhishek Sharma ને પણ પ્રથમ બોલે આઉટ કર્યા હતા. આ સિદ્ધિ સાથે આર્ચર IPLના ઇતિહાસમાં સતત ત્રણ મેચમાં પ્રથમ બોલે વિકેટ લેનાર પ્રથમ બોલર બન્યો છે, જે એક અનોખી અને દુર્લભ ઉપલબ્ધિ છે.

આ સાથે જ આર્ચરે Mohammed Shami ના રેકોર્ડની પણ બરાબરી કરી છે. અત્યાર સુધી IPLમાં ઇનિંગના પહેલા જ બોલે પાંચ વખત વિકેટ લેવાનો રેકોર્ડ માત્ર શમીના નામે હતો. હવે આર્ચરે પણ પાંચ વખત આ સિદ્ધિ મેળવીને તેમના રેકોર્ડની સમતા કરી છે.

IPL 2026ની 28મી મેચ સુધીમાં આર્ચરે પાવરપ્લેમાં કુલ છ વિકેટ લઈને આ સીઝનમાં સૌથી વધુ પાવરપ્લે વિકેટ લેનાર બોલર તરીકે પોતાનું સ્થાન મજબૂત બનાવ્યું છે. તેમની આ સતત પ્રભાવશાળી કામગીરી રાજસ્થાન રોયલ્સ માટે આ સીઝનમાં મોટી શક્તિ સાબિત થઈ રહી છે.

IND W vs SA W : અનુષ્કા શર્માએ તમ ઈન્ડિયા માટે કર્યું ડેબ્યૂ, સાઉથ આફ્રિકા સામે મળ્યો મોકો