IPL 2023: વિશાળ Six કેદ કરતા ઘાયલ થયો કેમરામેન, બોલ વાગતા જ રાશિદ ખાન દોડતો પહોંચ્યો-Video

Trent Boult Six: જયપુરમાં રાજસ્થાનની બેટિંગ ઈનીંગ દરમિયાન મોટા શોટ ઓછા જોવા મળ્યા હતા, પરંતુ એક વિશાળ છગ્ગો ટ્રેન્ટ બોલ્ટે અંતિમ ક્રમે આવીને જમાવ્યો હતો જેના વડે કેમેરામેન ઘાયલ થયો હતો.

IPL cameraman injured Video

TV9 Gujarati | Edited By: Avnish Goswami | Updated on: May 06, 2023 | 9:45 AM

IPL 2023 ની સિઝનની હવે 50મી મેચ શનિવારે રમાનારી છે. આ પહેલા ગુજરાત ટાઈટન્સ અને રાજસ્થાન રોયલ્સ વચ્ચે જયપુરના સવાઈ માનસિંહ સ્ટેડિયમમાં મેચ રમાઈ હતી. મેચમાં ગુજરાત ટાઈટન્સે 9 વિકેટથી શાનદાર જીત નોંધાવી હતી. આ જીત સાથે હવે ગુજરાત ટાઈટન્સને હવે પ્લેઓફમાં પહોંચવા માટે કોઈ જ મુશ્કેલી નડશે નહીં. જોકે આ દરમિયાન ટ્રેન્ટ બોલ્ટે એક છગ્ગો જમાવ્યો હતો. આ છગ્ગો સિધો જ કેમેરામેન પર જઈને વાગ્યો હતો.

આમ તો ક્રિકેટમાં ખેલાડીઓને ઈજા પહોંચવી એ સામાન્ય વાત છે. જોકે આ ઈજા સાથે જ ટીમથી લઈ સૌ કોઈનો જીવ ઉંચો થઈ જાય છે. આ દરમિયાન અનેકવાર મોટા શોટ વડે દર્શકોને પણ ઈજા પહોંચી હોવાની ઘટનાઓ જોવા મળી છે. પરંતુ શુક્રવારે જયપુરમાં ટ્રેન્ટ બોલ્ટનો બોલ લાઈવ પ્રસારણ કરતા ટીવી કેમેરામેનને જઈને વાગ્યો હતો.

બોલ્ટનો ઘાતક છગ્ગો

જયપુરમાં રમાયેલી શુક્રવારની મેચ એક તરફી રહી હતી. ગુજરાતને આ મેચથી રનરેટ અને પોઈન્ટ્સ બંને રીતે મોટો ફાયદો થયો છે. જ્યારે રાજસ્થાનની ટીમ માટે હવે મુશ્કેલીઓની ગણતરી શરુ થઈ ચુકી છે. રાજસ્થાનની ટીમને ટોસ જીતીને પ્રથમ બેટિંગ કરવાનો દાવ સફળ રહ્યો નહોતો. રાજસ્થાનની ટીમ માત્ર 118 રન નોંધાવીને ઓલઆઉટ થઈ ગઈ હતી. ટ્રેન્ટ બોલ્ટ 10માં ક્રમે બોલીંગ કરવા માટે આવ્યો હતો અને આ દરમિયાન તેણે 15 રન ટીમના સ્કોર બોર્ડમાં ઉમેર્યા હતા.

આ પણ વાંચોઃ Nitish Rana- Saachi Marwah: KKR ના સુકાની નીતીશ રાણાની પત્નિનો પિછો કરી કારને ટક્કર મારી, ઘટનાથી સાચી ડરી ગઈ!

બોલ્ટે 15 રનની આ ઈનીંગ દરમિયાન એક છગ્ગો જમાવ્યો હતો. તેની સિક્સર વડે રાજસ્થાનને 6 રન મળ્યા હતા. આ છગ્ગો સીધો જ ડીપ મિડવિકેટ પર જમાવ્યો હતો. પરંતુ બોલ સિધો કેમેરામેન પર જઈ પડ્યો હતો. કેમેરામેન બોલ્ટની સિક્સરના બોલને ફોલો કરી ટીવીના લાઈવ પ્રસારણ માટે કેમરામાં કેદ કરી રહ્યો હતો, પરંતુ એ બોલ પોતાની પર જ પડ્યો હતો. જોકે સદનસીબે આ બોલ માથા પર નહીં વાગતા રાહત રહી હતી.

Great gesture this from @rashidkhan_19 🤗👏🏻#TATAIPL | #RRvGT pic.twitter.com/zWiTjvhqoF

— IndianPremierLeague (@IPL) May 5, 2023

ગુજરાત ટાઈટન્સ ટીમનો સ્ટાર ખેલાડી રાશિદ ખાન આ ઘટના જોઈને સીધો જ કેમરામેન તરફ દોડ્યો હતો તે બાંઉન્ડી પર પેનલ કુદીને કેમેરામેનની સ્થિતી જોવા માટે પહોંચ્યો હતો અને હાલચાલ જાણીને તુરત મેદાનમાં પરત ફર્યો હતો.