IPL 2026: ઓક્શન પહેલા જ મોટો ખેલ ! CSKએ ‘કેમેરોન ગ્રીન’ પર ₹21 કરોડનો મોટો દાવ રમ્યો, ‘વેંકટેશ ઐયર’ ₹17.5 કરોડમાં KKR માં જોડાયો

IPL 2026 ની હરાજી 16 ડિસેમ્બરે અબુ ધાબીના એતિહાદ એરેનામાં યોજાશે. આ વર્ષે હરાજી માટે કુલ 359 ખેલાડીઓને શોર્ટલિસ્ટ કરવામાં આવ્યા છે. જો કે, ફક્તને ફક્ત 77 ખેલાડીઓ જ ખરીદી શકાશે. આ સમય દરમિયાન, સ્ટાર ખેલાડીઓ ખરીદવા માટે 10 ટીમો વચ્ચે જોરદાર ટક્કર જોવા મળશે.

‘કેમેરોન ગ્રીન’ પર દરેક ટીમની નજર!

આ મીની-હરાજી પહેલા, ભૂતપૂર્વ ભારતીય ઓફ-સ્પિનર ​​રવિચંદ્રન અશ્વિને તેની યુટ્યુબ ચેનલ પર એક મોક ઓક્શન કર્યું હતું. ચાહકોએ તમામ 10 IPL ટીમો માટે બોલી લગાવી હતી, જેમાં કેમેરોન ગ્રીન સૌથી વધુ ડિમાન્ડમાં રહ્યો હતો.

આ મોક ઓક્શનમાં ઓસ્ટ્રેલિયન ઓલરાઉન્ડર કેમેરોન ગ્રીન પર સૌથી વધુ બોલી લગાવવામાં આવી. ચેન્નાઈ સુપર કિંગ્સે તેને ₹21 કરોડમાં પોતાની ટીમનો ભાગ બનાવ્યો. ખાસ વાત એ છે કે, કેમેરોન ગ્રીન માટે કોલકાતા નાઈટ રાઈડર્સે પણ જોરદાર બોલી લગાવી હતી.

મોક ઓક્શનમાં Sold અને Unsold ખેલાડીઓની લિસ્ટ

• કેમેરોન ગ્રીન – 21 કરોડ રૂપિયા, ચેન્નાઈ
• લિયામ લિવિંગસ્ટોન – 18.5 કરોડ રૂપિયા, કોલકાતા
• વેંકટેશ ઐયર – 17.5 કરોડ રૂપિયા, કોલકાતા
• રવિ બિશ્નોઈ – 10.5 કરોડ રૂપિયા, હૈદરાબાદ
• જેસન હોલ્ડર – 9 કરોડ રૂપિયા, લખનૌ
• મતિશા પથિરાના – 7 કરોડ રૂપિયા, દિલ્હી
• પૃથ્વી શો – 5.25 કરોડ રૂપિયા, કોલકાતા
• ડેવિડ મિલર – 4.5 કરોડ રૂપિયા, પંજાબ
• જોની બેયરસ્ટો – 3.75 કરોડ રૂપિયા, કોલકાતા
• ટિમ સેઈફર્ટ – 3 કરોડ રૂપિયા, દિલ્હી
• બેન ડકેટ – 4 કરોડ રૂપિયા, કોલકાતા
• જેમી સ્મિથ – 3.75 કરોડ રૂપિયા, દિલ્હી
• આકાશ દીપ – 3.25 કરોડ રૂપિયા, ચેન્નાઈ
• અકીબ નબી – 3 કરોડ રૂપિયા, દિલ્હી
• વાનિંદુ હસરંગા – 2 કરોડ રૂપિયા, લખનૌ
• રચિન રવિન્દ્ર – 2.25 કરોડ રૂપિયા, પંજાબ
• મુસ્તફિઝુર રહેમાન – 3.5 કરોડ રૂપિયા, બેંગલુરુ
• એનરીચ નોર્ટજે – 3 કરોડ રૂપિયા, હૈદરાબાદ
• રાહુલ ચહર – 3.25 કરોડ રૂપિયા, રાજસ્થાન
• જોશ ઇંગ્લિસ – 2 કરોડ રૂપિયા, ચેન્નાઈ
• અકીલ હુસૈન – 2 કરોડ રૂપિયા, ચેન્નાઈ
• અભિનવ મનોહર – 1.75 કરોડ રૂપિયા, લખનૌ

કોણ રહ્યું ‘Unsold’?

1. સ્ટીવ સ્મિથ – ‘Unsold’
2. ડેવોન કોનવે – ‘Unsold’
3. જેક ફ્રેઝર મેકગર્ક – ‘Unsold’

ઓલરાઉન્ડરની ડિમાન્ડ વધારે

બંને ટીમોને સ્ટાર ઓલરાઉન્ડરની જરૂર છે, તેથી મીની ઓક્શનમાં પણ કેમેરોન ગ્રીન માટે સમાન લડાઈ જોવા મળી શકે છે. આ ઉપરાંત, ઇંગ્લેન્ડના લિયામ લિવિંગસ્ટોન પર પણ જોરદાર બોલી લગાવવામાં આવી હતી. કોલકાતાએ તેને ₹18.5 કરોડમાં ખરીદ્યો હતો. વધુમાં યુવા ભારતીય ઓલરાઉન્ડર વેંકટેશ ઐયર પણ ₹17.5 કરોડમાં કોલકાતાની ટીમમાં જોડાયો હતો.

‘પૃથ્વી શો’ પણ KKR માં

ભારતીય ક્રિકેટનું ભવિષ્ય ગણાતો પૃથ્વી શો પણ આ મોક ઓક્શનમાં ટોપ પર રહ્યો હતો. ગયા વર્ષની મેગા ઓક્શનમાં તે વેચાયો ન હતો. જો કે, કોલકાતા નાઈટ રાઈડર્સે તેને મોક ઓક્શનમાં ₹5.25 કરોડમાં ખરીદ્યો, જેનાથી તેનું IPL કમબેક પણ થઈ ગયું.

અનુભવી ખેલાડીઓ ‘Unsold’

ભારતીય સ્પિનર ​​રવિ બિશ્નોઈને હૈદરાબાદે ₹10.5 કરોડમાં ખરીદ્યો. બીજીબાજુ દિલ્હીએ સ્ટાર બોલર મતિશા પથિરાના માટે ₹7 કરોડ ખર્ચ્યા હતા. નોંધનીય છે કે, સ્ટીવ સ્મિથ અને ડેવોન કોનવે જેવા અનુભવી ખેલાડીઓ વેચાયા ન હોતા.