IPL 2026 : ઓક્શન વચ્ચે IPL 2026ની તારીખ જાહેર, જાણો શિડ્યુલ સહિત સમગ્ર માહિતી
IPL 2026ના આયોજનની તારીખો સામે આવી ગઈ છે. 19મી સીઝન પુરુષોના T20 વર્લ્ડ કપના સમાપન પછી લગભગ ત્રણ અઠવાડિયા પછી શરૂ થશે. સતત બીજા વર્ષે, IPL ની તારીખો પાકિસ્તાન સુપર લીગ (PSL) સાથે ટકરાશે
T20 ફોર્મેટમાં સૌથી રોમાંચક લીગ, IPLની નવી સીઝનને લઈને આજે ઓક્શન ચાલી રહ્યું છે. ક્રિકબઝના રિપોર્ટ મુજબ IPLની શરુઆત 26 માર્ચથી થઈ શકે છે અને 31 મેં સુધી મેચ ચાલી શકે છે. આ દરમિયાન 10 ટીમોની કુલ 84 મેચ યોજાશે.
ક્યારે યોજાશે Ipl મેચ?
ઇન્ડિયન પ્રીમિયર લીગ (IPL) ની આગામી સીઝન, IPL 2026, 26 માર્ચથી 31 મે દરમિયાન યોજાઈ શકે છે. પણ હજુ સુધી મેચનું કોઈ શિડ્યુલ સામે આવ્યું નથી. આ IPL 2026 ની તારીખો ફ્રેન્ચાઇઝ પ્રતિનિધિઓ અને IPL અધિકારીઓ વચ્ચે અબુ ધાબીમાં થયેલી બેઠક બાદ એક દિવસ પહેલા જાહેર કરવામાં આવી હતી. ક્રિકબઝના અહેવાલ મુજબ, IPL 2026 26 માર્ચથી શરૂ થશે અને 31 મેના રોજ સમાપ્ત થશે. IPL સીઝન 19 ની તારીખોની પુષ્ટિ ટીમોને તેમના મેચોનું આયોજન કરવામાં મદદ કરશે.
આજે ઓક્શનમાં અત્યાર સુધી કેટલા ખેલાડી વેચાયા?
અત્યાર સુધી દિલ્હી કેપિટલ્સે 2 કરોડમાં ડેવિડ મિલર, અને બીજા 2 કરોડમાં બેન ડકેટને ખરીદ્યો છે. આ સિવાય કોલકાતા એ કેમરન ગ્રીન પર સૌથી વધારે બોલી લગાવી 25.20 કરોડમાં તેને ખરીદ્યો છે અને કોલકાતાએ ફિન એલનને 2 કરોડમાં ખરીદી લીધો છે.
આ સિવાય લખનઉં સુપર જાયન્ટ્સે વાનિન્દુ હસરંગાને 2 કરોડમાં ખરીદ્યો છે. મુબંઈએ પણ 1 કરોડમાં ક્વિંટન ડિકોકને ખરીદી ખાતું ખોલ્યું છે તે બાદ રોયલ ચેલેન્જર્સ બેંગ્લુરુએ વેંકટેશ અય્યરને 7 કરોડમાં ખરીદ્યો છે.
IPL ની પ્રથમ મેચ ક્યાં યોજાશે?
મંગળવારે હરાજી પહેલા એક બ્રીફિંગ દરમિયાન IPLના CEO હેમાંગ અમીને ઔપચારિક રીતે તારીખોની જાહેરાત કરી. પરંપરાગત રીતે, ટુર્નામેન્ટની પહેલી મેચ ડિફેન્ડિંગ ચેમ્પિયનના ગૃહ શહેરમાં યોજાય છે. આનાથી બેંગલુરુના એમ ચિન્નાસ્વામી સ્ટેડિયમ રોયલ ચેલેન્જર્સ બેંગ્લોર (RCB) મેચનું આયોજન કરી શકે છે. જોકે, અબુ ધાબીમાં પ્રી-ઓક્શન મીટિંગમાં હાજરી આપતી ફ્રેન્ચાઇઝીઓમાં સ્થળની ઉપલબ્ધતા ચર્ચાનો મુખ્ય વિષય રહે છે.
IPL હરાજી ક્યાં થઈ રહી છે?
IPL 2026 માટે હરાજી આજે અબુ ધાબીમાં થઈ રહી છે, જેમાં ત્રણ વખતની ચેમ્પિયન કોલકાતા નાઈટ રાઈડર્સ (KKR) સૌથી વધુ પૈસા સાથે હરાજીમાં પ્રવેશ કર્યો છે.
