Vaibhav Suryavanshi : શતક પછી બતક… ગુજરાત સામે સદી ફટકારનાર વૈભવ સૂર્યવંશી મુંબઈ સામે ખાતું પણ ન ખોલાવી શક્યો

વૈભવ સૂર્યવંશીએ ગુજરાત ટાઈટન્સ સામે માત્ર 35 બોલમાં સદી ફટકારી હતી પરંતુ મુંબઈ ઈન્ડિયન્સ સામે તે લાચાર હતો. મુંબઈ ઈન્ડિયન્સના ફાસ્ટ બોલર દીપક ચહરે તેને પહેલી જ ઓવરમાં આઉટ કર્યો હતો. દીપક ચહરની ઉત્તમ લેન્થ ડિલિવરીએ વૈભવ સૂર્યવંશીને છેતર્યો અને તે બીજા જ બોલ પર વિલ જેક્સના હાથે કેચ આઉટ થયો હતો. મોટી વાત એ છે કે આ ખેલાડી છેલ્લી મેચમાં સદી ફટકારીને હીરો બન્યો હતો પરંતુ આ વખતે તે પોતાનું ખાતું પણ ખોલાવી શક્યો નહીં.

દીપક ચહરે વૈભવ સૂર્યવંશીની રમતનો અંત કર્યો

દીપક ચહરે વૈભવ સૂર્યવંશીની તાકાતનો લાભ લીધો હતો. વાસ્તવમાં, વૈભવ સૂર્યવંશી ફુલ પિચ બોલને જોરથી ફટકારે છે અને દીપક ચહરે ખૂબ જ ચતુરાઈથી બોલને તેની આગળ ફેંકી દીધો હતો. સૂર્યવંશી બોલની લંબાઈ નક્કી કરવામાં સક્ષમ હતો, પરંતુ બોલને ફટકારતી વખતે તે ઉંચાઈ આપવામાં નિષ્ફળ ગયો, પરિણામે બોલ સીધો મિડ-ઓન પર ઉભેલા વિલ જેક્સના હાથમાં ગયો અને કેચ આઉટ થયો.

સૂર્યવંશી મુંબઈ સામે ખાતું પણ ન ખોલાવી શક્યો

આઉટ થયા પછી વૈભવ સૂર્યવંશી ખૂબ જ નિરાશ દેખાતો હતો. તેનો ચહેરો રડવા જેવો થઈ ગયો, જોકે બધા તેની પ્રતિભાથી વાકેફ છે. માત્ર 14 વર્ષની ઉંમરે 35 બોલમાં સદી ફટકારવી એ કોઈ નાની વાત નથી. જોકે, વૈભવના આઉટ થવાથી રાજસ્થાન રોયલ્સને નુકસાન સહન કરવું પડ્યું.

રાજસ્થાને પાવરપ્લેમાં 5 વિકેટ ગુમાવી

વૈભવ ના આઉટ થયા પછી, યશસ્વી જયસ્વાલ પણ 13 રન બનાવીને આઉટ થયો. તેણે બે છગ્ગા ફટકાર્યા પણ બોલ્ટે તેને આઉટ કર્યા પછી જ રાહતનો શ્વાસ લીધો. બોલ્ટે નીતિશ રાણાને પણ સસ્તામાં આઉટ કર્યો હતો. કેપ્ટન રિયાન પરાગને બુમરાહએ આઉટ કર્યો. આ પછી, બુમરાહે પહેલા બોલ પર શિમરોન હેટમાયરને આઉટ કર્યો. પરિણામે, રાજસ્થાને પાવરપ્લેમાં જ 5 વિકેટ ગુમાવી દીધી હતી.

આ પણ વાંચો: IPL 2025 : શું ઝઘડાને કારણે ચેન્નાઈ સુપર કિંગ્સે રવિચંદ્રન અશ્વિનને ટીમમાંથી બહાર કરી દીધો હતો?

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો