ઇન્ડિયન પ્રીમિયર લીગ (IPL 2022) માં પંજાબ કિંગ્સ (Punjab Kings) અને કોલકાતા નાઈટ રાઈડર્સ (Kolkata Knight Riders) વચ્ચે મેચ રમાઈ હતી. આ મેચમાં કોલકાતાએ એક તરફી જીત મેળવી હતી અને પંજાબને 6 વિકેટે હરાવ્યું હતું. આ મેચ બાદ ઓરેન્જ કેપની (Orange Cap) રેસમાં બદલાવ જોવા મળ્યો છે. કોલકાતા માટે તોફાની ઈનિંગ્સ રમનાર વેસ્ટ ઈન્ડિઝના આન્દ્રે રસેલે (Andre Russell) ઓરેન્જ કેપ કબજે કરી છે. તેણે 31 બોલમાં અણનમ 70 રન બનાવ્યા. રસેલે આ મેચમાં તે ફોર્મ બતાવ્યું જેના માટે તે જાણીતો છે. તેણે પોતાની ઇનિંગમાં 8 છગ્ગા અને માત્ર 2 ચોગ્ગા ફટકાર્યા હતા.
દરેક સિઝનમાં ચાહકો અને ખેલાડીઓ માટે ઓરેન્જ કેપ ખૂબ જ મહત્વપૂર્ણ છે. લીગ દરમિયાન આ કેપ મેળવવી દરેક બેટ્સમેનનું સપનું હોય છે. જેના માટે તે સમગ્ર લીગ દરમિયાન સખત મહેનત કરતા રહે છે. ઓરેન્જ કેમ્પ તેની ક્ષમતા માટે સૌથી મોટો એવોર્ડ છે. સમગ્ર લીગ દરમિયાન, ઓરેન્જ કેપ વિવિધ બેટ્સમેનોના માથા પર શોભે છે અને અંતે તે બેટ્સમેન કે જેણે સૌથી વધુ રન બનાવ્યા છે તેને ઓરેન્જ કેપ આપવામાં આવી છે.
છેલ્લી સિઝનની વાત કરીએ તો, આ કેપ ચેન્નાઈ સુપર કિંગ્સના યુવા સ્ટાર ઋતુરાજ ગાયકવાડે પહેરી હતી. તેણે સિઝનની 16 મેચમાં 635 રન બનાવીને આ કેપ કબજે કરી હતી. જોકે છેલ્લી સિઝનમાં તેના પાર્ટનર ફાફ ડુ પ્લેસિસે તેને ફાઈનલ મેચ સુધી ટક્કર આપી હતી. ડુ પ્લેસિસે 633 રન બનાવ્યા હતા અને 2 રનના માર્જિનથી તેણે આ કેપ મેળવવાની તક ગુમાવી દીધી હતી. આ વર્ષે પણ ફાફ ડુ પ્લેસિસ આ રેસમાં છે. જો કે ગાયકવાડ હજુ ઘણો પાછળ છે. લીગ હજુ પ્રારંભિક તબક્કામાં છે પરંતુ ધીમે ધીમે આ રેસમાં ઘણા દાવેદાર બનવા જઈ રહ્યા છે.
Andre Russell and Tim Southee all smiles for the #IPLSelfie post #KKR‘s win against #PBKS.#TATAIPL pic.twitter.com/Opzn2ZJopV
— IndianPremierLeague (@IPL) April 1, 2022
IPL 2022 માં ગુરુવારે ચેન્નાઈ સુપર કિંગ્સ અને લખનૌ સુપર જાયન્ટ્સ વચ્ચે મેચ રમાઈ હતી. આ મેચ બાદ ઓરેન્જ કેપની રેસમાં ફાફ ડુ પ્લેસિસ સૌથી આગળ હતો. જેણે અત્યાર સુધી 2 મેચમાં 93 રન બનાવ્યા છે. પરંતુ શુક્રવારે રમાયેલી મેચમાં રસેલે તેને એક જ દાવમાં પાછળ છોડી દીધો હતો. રુસેએ 70 રનની ઇનિંગ સાથે ડુ પ્લેસિસને પ્રથમ સ્થાનેથી હટાવી દીધો હતો.
રસેલના હવે ત્રણ મેચમાં કુલ 95 રન છે. RCBનો કેપ્ટન ડુ પ્લેસિસ બીજા નંબર પર છે. ત્રીજા નંબર પર મુંબઈ ઈન્ડિયન્સનો ઈશાન કિશન છે. ઈશાને એક મેચ રમીને 81 રન બનાવ્યા છે. ચોથા નંબર પર ચેન્નાઈનો રોબિન ઉથપ્પા છે. જેણે બે મેચમાં 78 રન બનાવ્યા છે. તે પાંચમા નંબરે છે. પંજાબના ભાનુકા રાજપક્ષે. તેના નામે 74 રન છે.
આ પણ વાંચો : IPL 2022: રસેલના તોફાન સામે ઉડ્યું પંજાબ, કોલકાતાએ 6 વિકેટે મેચ જીતી લીધી, ઉમેશ યાદવની 4 વિકેટ
આ પણ વાંચો : SA vs BAN, 2nd Test: બાંગ્લાદેશને મોટો ફટકો, Shakib Al Hasan ટેસ્ટ સીરિઝમાંથી આઉટ