IPL 2022 તેના પ્રારંભિક તબક્કામાં છે. પ્રથમ સપ્તાહમાં ચાહકોને ઘણી રોમાંચક મેચ જોવા મળી છે. ગુરુવારે ચેન્નાઈ સુપર કિંગ્સ (Chennai Super Kings) અને લખનૌ સુપર જાયન્ટ્સ (Lucknow Super Giants) વચ્ચે મેચ રમાશે. આ મેચ મુંબઈમાં રમાવાની છે. લીગમાં બંને ટીમોએ હાર સાથે શરૂઆત કરી હતી. લીગમાં પ્રથમ વખત રમી રહેલી લખનૌ સુપર જાયન્ટ્સની ટીમને ગુજરાત જાયન્ટ્સે હાર આપી હતી. બીજી તરફ ચેન્નાઈ સુપર કિંગ્સનો કોલકાતા નાઈટ રાઈડર્સ દ્વારા પરાજય થયો હતો. આ મેચ સાથે બંને ટીમો જીતનું ખાતું ખોલવાનો પ્રયાસ કરશે.
આ બંને ટીમોની શરૂઆત સારી રહી ન હતી અને તેમની હારનું કારણ બ્રેબોર્ન સ્ટેડિયમમાં યોજાયેલી મેચમાં ટોચના ક્રમના બેટ્સમેનો નિષ્ફળ રહેવાનુ હતુ. આઈપીએલની વર્તમાન સિઝન હમણાં જ શરૂ થઈ છે, પરંતુ ટોસ મહત્વની ભૂમિકા ભજવે છે, કોઈપણ ટીમ જો ટોસ જીતે તો ફિલ્ડિંગ કરવાનું પસંદ કરે છે.
વાનખેડે સ્ટેડિયમમાં પ્રથમ બેટિંગ કર્યા પછી ચેન્નાઈ અને લખનૌ બંને મેચ હારી ગયા હતા અને બ્રેબોર્ન સ્ટેડિયમમાં પરિસ્થિતિ અલગ નથી જ્યાં બીજી ઇનિંગ્સ દરમિયાન ઝાકળ નોંધપાત્ર અસર કરી શકે છે. રવિન્દ્ર જાડેજા અને કેએલ રાહુલ બંને પ્રથમ વખત કેપ્ટન તરીકે એકબીજાનો સામનો કરવા જઈ રહ્યા છે.
LSG અને CSK વચ્ચે IPL 2022 ની મેચ 31 માર્ચ (ગુરુવાર) ના રોજ રમાશે.
LSG અને CSK વચ્ચેની મેચ મુંબઈના બ્રેબ્રોન સ્ટેડિયમમાં રમાશે.
LSG અને CSK વચ્ચેની મેચ સાંજે 7.30 વાગ્યે શરૂ થશે. ટોસ સાંજે 7 વાગ્યે થશે.
LSG અને CSK વચ્ચેની મેચનું જીવંત પ્રસારણ Star Sports 1, Star Sports 1 HD, Star Sports 3 અને Star Sports 3 HD પર થશે.
LSG અને CSK વચ્ચેની મેચનું લાઈવ સ્ટ્રીમિંગ Disney+ Hotstar, Jio TV અને Airtel TV પર જોઈ શકાશે. તમે Tv9gujarati.com પર મેચના તમામ લાઇવ અપડેટ્સ વાંચી શકો છો.