IPL 2021 ની ટૂર્નામેન્ટ શરુ થવાને પણ હવે દિવસો ગણાવા લાગ્યા છે. એક બાજુ મહત્વના ભારતીય ખેલાડીઓ હાલમાં ઇંગ્લેન્ડ પ્રવાસ પર છે. તો બીજી બાજુ હવે UAE માં IPL ટીમોના કેમ્પની શરુઆત જઇ રહી છે. ચેન્નાઇ સુપર કિંગ્સ (Chennai Super Kings) IPL 2021 માં સફળતા મેળવવા માટે પુરો દમ લગાવી દેવાના પ્રયાસમાં હોવાનુ જણાઇ રહ્યુ છે. જે મુજબ ધોની (MS Dhoni)ની ટીમ ચેન્નાઇ UAE પહોંચી ચુકી છે. જ્યાં હવે IPL ની તૈયારીઓ શરુ કરાશે.
ચેન્નાાઇ સુપર કિંગ્સ (CSK) દ્વારા ટ્રેનિંગ કેમ્પની શરુઆત સાથે જ એક બાદ એક ખેલાડીઓ સામેલ થતા જશે. ચેન્નાઇ ની ટીમના ખેલાડીઓમાં ઘણા ખરા દિગ્ગજ સહિતના ખેલાડીઓ કોઇ રાષ્ટ્રીય ટીમમાં સામેલ નથી. આમ ચેન્નાઇની ટીમને UAE માં પોતાનો વહેલા ટ્રેનિંગ કેમ્પ શરુ કરવો સરળ બની રહ્યો છે.
UAE પહોંચતા જ ચેન્નાઇ સુપર કિંગ્સ ટીમે તસ્વીરો શેર કરી હતી. દુબઇના આંતરરાષ્ટ્રીય એરપોર્ટથી બહાર નિકળતા ધોની સહિત ના ખેલાડીઓની તસ્વીરો શેર કરી હતી. સાથે જ કેપ્શનમાં લખ્યુ હતુ કે, પહોંચી ગયા વ્હીસલ સામ્રાજ્યમાં, UAE.
Touchdown
📍Whistles Kingdom, UAE#UrsAnbudenEverywhere #WhistlePodu #Yellove 🦁💛 pic.twitter.com/z2pkKWtCws
— Chennai Super Kings – Mask P😷du Whistle P🥳du! (@ChennaiIPL) August 13, 2021
તસ્વીરો મુજબ ચેન્નાઇ ટીમના કેપ્ટન એમએસ ધોની તેમના પરિવાર સાથે દુબઇ પહોંચ્યો છે. ધોનીની પત્નિ સાક્ષી અને તેની પુત્રી જીવા પણ દુબઇ પહોચ્યા છે. આ ઉપરાંત ચેન્નાઇ ની ટીમના ભારતીય ખેલાડીઓમાં ઋતુરાજ ગાયકવાડ, સુરેશ રૈના, દિપક ચાહર અને કર્ણ શર્મા પણ દુબઇ પહોંચ્યા છે. સુરેશ રૈના IPL 2020 ના દરમ્યાન દુબઇ પહોંચીને તે પરત સ્વદેશ ફર્યો હતો. તે ટૂર્નામેન્ટમાંથી જ ખસી ગયો હતો.
Vanakkam again Dubai 😎#UrsAnbudenEverywhere #WhistlePodu #Yellove 🦁💛 pic.twitter.com/2wAjzwfxh3
— Chennai Super Kings – Mask P😷du Whistle P🥳du! (@ChennaiIPL) August 13, 2021
મહેન્દ્રસિંહ ધોનીની ટીમ ચેન્નાઇ સુપર કિંગ્સ ગત સિઝનમાં ભલે યુએઇ માં પ્લેઓફમાં પણ પહોંચી શકી નહોતી. પરંતુ આ વર્ષની સિઝનમાં તેના દમદાર પ્રદર્શન ના ટ્રેક પર છે. ટૂર્નામેન્ટ સ્થગીત થવાના પહેલા સુધી ટીમ ચેન્નાઇ પોઇન્ટ ટેબલમાં બીજા સ્થાન પર છે. CSK એ પ્રથમ હાલ્ફમાં રમેલી તેની 7 મેચોમાંથી 5 મેચોમાં જીત મેળવી છે. આમ તે 10 પોઇન્ટ ધરાવે છે.
સીએસકે ને સુરેશ રૈના અને મોઇન અલી જેવા ખેલાડીઓ સામેલ થવા થી મજબૂતી મળી છે. આગામી 19 સપ્ટેમ્બરે ચેન્નાઇ સુપર કિંગ્સ ટીમની પ્રથમ ટક્કર મુંબઇ ઇન્ડીયન્સ સામે થનારી છે. આમ બે મજબૂત ટીમોના આમના સાથે આઇપીએલ 2021 ના બીજા હાલ્ફની શરુઆત થશે. IPL 2021 ની સિઝનને ગત મે માસ દરમ્યાન બાયોબબલમાં સંક્રમણના ફેલાવાને લઇને સ્થગીત કરી દેવી પડી હતી. હેવ બાકીની 31 મેચોનુ આયોજન યુએઇમાં કરવામાં આવ્યુ છે.