IPL 2021: દિલ્હી કેપિટલ્સે અક્ષર પટેલ અને શ્રેયસ ઐયરના સ્થાને નવા બે ખેલાડીઓને કર્યા રિપ્લેસ, જાણો
દિલ્હી કેપિટલ્સ (Delhi Capitals)એ IPL 2021માં કોરોના વાઈરસ અને ઈજાને લઈને તેના બે મુખ્ય ખેલાડીઓને સ્થાને રિપ્લેસમેન્ટને સામેલ કર્યા છે. જેમાં અક્ષર પટેલ (Axar Patel)ના સ્થાન પર મુંબઈના શમ્સ મુલાણી (Shams Mulani)નો સમાવેશ કર્યો છે.
દિલ્હી કેપિટલ્સ (Delhi Capitals)એ IPL 2021માં કોરોના વાઈરસ અને ઈજાને લઈને તેના બે મુખ્ય ખેલાડીઓને સ્થાને રિપ્લેસમેન્ટને સામેલ કર્યા છે. જેમાં અક્ષર પટેલ (Axar Patel)ના સ્થાન પર મુંબઈના શમ્સ મુલાણી (Shams Mulani)નો સમાવેશ કર્યો છે. જ્યારે શ્રેયસ ઐયર (Shreas Iyer)ના સ્થાન પર અનિરુદ્ધ જોશી (Anirudha Joshi)ને લવાયો છે. અક્ષર પટેલ હાલમાં કોરોના વાયરસ સંક્રમિત છે. તે ક્વોરન્ટાઈન હોવા દરમ્યાન કોરોના પોઝિટીવ જણાયો હતો.
ત્યારબાદથી તે સ્વસ્થ થઈ પરત ફરી શક્યો નથી. તે હાલમાં આઈસોલેશનમાં સારવાર લઈ રહ્યો છે. જે BCCIની મેડિકલ ફેસિલીટી હેઠળ છે. આવામાં થોડા સમય માટે તેના સ્થાન પર રિપ્લેસમેન્ટના રુપે શમ્સ મુલાણીને સામેલ કરવામાં આવ્યો છે. મુલાણી પણ અક્ષરની માફક જ ડાબા હાથનો ફિરકી બોલર છે.
મુંબઈનો ખેલાડી છે મુલાણી શમ્સ મુલાણી કોરોના રિપ્લેસમેન્ટના નિયમોનુસાર દિલ્હીમાં આવ્યો છે. જે નિયમ ધારા 6.1(C) હેઠળ ફેન્ચાઈઝી શોર્ટ ટર્મ માટે કોઈ ખેલાડીને રિપ્લેસમેન્ટના રુપમાં સામેલ કરી શકે છે. આમ ત્યાં સુધી રાખી શકાય છે, જ્યાં સુધી તેનો મુખ્ય ખેલાડી પરત ટીમમાં ના આવે. આવામાં મુલાણી દિલ્હીની સાથે ત્યાં સુધી રહેશે, જ્યાં સુધી અક્ષર પટેલ ફિટ થઈને પરત ટીમમાં ના આવે. જોકે અક્ષર પટેલના આવવા બાદ પણ મુલાણી કોઈ અન્ય ટીમ સાથે જોડાઈ શકશે નહીં. શમ્સ મુલાણી હાલમાં મુંબઈ માટે 10 ફર્સ્ટ ક્લાસ, 30 લિસ્ટ એ અને 25 T20 મેચ રમી ચુક્યો છે. તે પ્રથમવાર આઈપીએલની કોઈ ટીમમાં સામેલ થયો છે.
રોયલ્સ અને RCB સાથે રહી ચુક્યો છે અનિરુદ્ધ જોષી
ખભાની ઈજાને લઈને આઈપીએલ 2021થી બહાર થયેલા શ્રેયસ ઐયરના સ્થાન પર કર્ણાટકના અનિરુદ્ધ જોષીને શામેલ કર્યો છે. ઐયરને ઈંગ્લેંડ સામેની વન ડે શ્રેણી રમવા દરમ્યાન ઈજા પહોંચી હતી. તેના બહાર થવા પર દિલ્હીએ ઋષભ પંતને કેપ્ટન બનાવ્યો હતો. ઐયરના સ્થાન પર આવેલ જોષી મિડલ ઓર્ડર બેટ્સમેન અને ઓફ સ્પિનર છે. તે દિલ્હીના પહેલા આઈપીએલમાં રોયલ ચેલેન્જર્સ બેંગ્લોર અને રાજસ્થાન રોયલ્સ સાથે પણ રહી ચુક્યો છે. તે ઘરેલુ ક્રિકેટમાં કર્ણાટક ના માટે રમે છે, તેણે અત્યાર સુધીમાં 17 લીસ્ટ એ અને 22 T20 મેચ રમી છે.
આ પણ વાંચો: RR VS DC, LIVE SCORE IPL 2021 : સંજુ સૈમસનએ લીધો સનસનીખેજ કેચ, દિલ્લીને લાગ્યો બીજો ઝટકો