Gujarati NewsSportsCricket newsIndia Vs Pakistan Virat Kohli fifty Rohit Sharma Babar Azam winning streak know all records of match in Gujarati
Asia Cup 2022: વિરાટ કોહલીની અડધી સદી થી પાકિસ્તાનની જીત સુધી, રેકોર્ડ સહિત જાણો મેચની કહાની
સુપર 4 મેચમાં પાકિસ્તાને ભારતને (India Vs Pakistan) પાંચ વિકેટે હરાવ્યું હતું. આ મેચમાં વિરાટ કોહલી (Virat Kohli) એ અડધી સદી ફટકારી હતી.
Virat Kohli એ 60 રનની ઈનીંગ રમી હતી
Follow us on
એશિયા કપ 2022(Asia Cup 2022) ના સુપર 4 રાઉન્ડમાં ભારતે હાર સાથે શરૂઆત કરી હતી. સુપર 4માં ભારતની પ્રથમ મેચ પાકિસ્તાન સામે હતી. એક અઠવાડિયા પહેલા જ દુબઈના મેદાન પર જ ભારતે પાકિસ્તાનને પાંચ વિકેટે હરાવ્યું હતું. જો કે, સુપર 4માં પાકિસ્તાને ભારતને પોતાનો દબદબો બનવા દીધો ન હતો. બાબર આઝમ (Babar Azam) ની કેપ્ટનશીપવાળી પાકિસ્તાની ટીમે રોમાંચક મેચ પાંચ વિકેટે જીતી લીધી હતી. આ એક હારે પાકિસ્તાન સામે ભારતના ઘણા મહત્વના અને મોટા રેકોર્ડ બરબાદ કર્યા. આ મેચમાં ભારતીય ચાહકોને માત્ર એક જ વસ્તુ ખુશ કરી હતી જે વિરાટ કોહલી (Virat Kohli) ની અડધી સદી હતી. રેકોર્ડ શબ્દ દ્વારા મેચની વાર્તા જાણો
ભારત Vs પાકિસ્તાન મેચમાં બનેલા મહત્વપૂર્ણ રેકોર્ડ
રોહિત શર્માનું વિનિંગ કેમ્પેન તૂટી ગયું. તે એશિયા કપમાં પ્રથમ વખત કોઈ મેચ હાર્યો છે. આજ પહેલા ભારતે એશિયા કપમાં રોહિતની કપ્તાનીમાં સાત મેચ રમી હતી અને તમામમાં જીત મેળવી હતી. આ વિજયી રથને પાકિસ્તાને અટકાવ્યો હતો. આ સાથે જ તેની કેપ્ટનશિપમાં ભારત પાકિસ્તાન સામે હારી ગયું છે.
વિરાટ કોહલી પાકિસ્તાન સામે અડધી સદી ફટકારીને T20 ફોર્મેટમાં સૌથી વધુ 50+ સ્કોર બનાવનાર ખેલાડી બની ગયો છે. રોહિત શર્માએ અત્યાર સુધી 31 અર્ધસદી રમી છે જ્યારે વિરાટ કોહલીના નામે હવે 32 અડધી સદી છે.
વિરાટ કોહલી હાલમાં એશિયા કપ 2022 માં સૌથી વધુ રન બનાવનાર બીજા ક્રમે છે. તેણે ત્રણ મેચમાં 154 રન બનાવ્યા છે. આજની અડધી સદી સાથે તેણે અફઘાનિસ્તાનના રહેમાનુલ્લા ગુરબાઝ (135) ને પાછળ છોડી દીધો.
ભારતે પાકિસ્તાન સામે ટી20 માં અત્યાર સુધીમાં સાત અડધી સદી ફટકારી છે. એકલા કોહલીએ સાતમાં ચાર અડધી સદી ફટકારી છે. તે જ સમયે, કોહલી વિશ્વમાં પાકિસ્તાન સામે સૌથી વધુ T20 અડધી સદી ફટકારનાર ખેલાડી પણ છે.
બાબર આઝમે સુકાની તરીકે ભારત સામે બીજી વખત ટી 20માં પાકિસ્તાનને જીત અપાવી છે. એશિયા કપ પહેલા ગયા વર્ષે ટી20 વર્લ્ડ કપમાં પણ બાબરની કેપ્ટનશીપમાં પાકિસ્તાને ભારતને હરાવ્યું હતું. 2021 પહેલા ભારત છેલ્લા 14 વર્ષમાં પાકિસ્તાન સામે માત્ર એક મેચ હારી ગયું હતું.
દીપક હુડ્ડાનો લકી ચાર્મ પણ આજે કામ ન આવ્યો. આ મેચ પહેલા હુડ્ડાએ ભારત માટે 17 મેચ રમી હતી અને તે તમામમાં ભારતે જીત મેળવી છે. આ પહેલીવાર છે જ્યારે દીપક પ્લેઈંગ ઈલેવનનો ભાગ છે અને ટીમ ઈન્ડિયા મેચ હારી છે.